Hemen zaude: Hasiera Komunitatea KukaiDantzaKonpainia

Orain arteko ekarpenak

Kukaik arrakasta itzela izan du Bogotan

2014/04/23

Kukai Dantza Konpainia itzuli da Kolonbian egindako biratik. Aste batean hamar emanaldi eskaini ditu FITB (festival iberoamericano de Teatro) jaialdiaren kontestuan. Eta arrakasta izugarria eskuratu du bertan egindako emanaldi guztietan. Publiko, prentsa eta profesionalen artean harrera ezin hobea izan dute Kukairen ikuskizunek. Bereziki esanguratsua izan zen Independentziaren Parkean, azken egunean egindako emanaldia. Anfiteatroa jendez gainezka zela, publikoa zutik, txalo zaparrada izugarriarekin agurtu zuten jaialditik Errenteriako Dantza Konpainia.

Gehiago irakurri

Kukai dantza konpainiak hamar emanaldiko bira Kolonbian

2014/04/09

Kukai Dantza Konpainia Kolonbian izango da datozen egunotan. Izan ere, bi urtean behin ospatzen den FITB (Festival Iberoamericano de teatro de Bogotá) jaialdian parte hartu eta hamar emanaldi eskainiko ditu, apirilaren 10etik 14ra bitartean.

Gehiago irakurri

Kukai irekian

2014/01/14

Errenteriako Udalak eta Kukai Dantza Konpainiak ekimen berri bat jarri dute abian, dantza sensibilizazio proiektuaren barne, Kukai Irekian: Parte hartu Kukairen ikuskizun berriaren sorkuntza prozesuan! Bestalde, Elirale konpainiak Kadira ikuskizunaren ensaio irekia egingo du Errenterian otsailaren 6an.

Gehiago irakurri

Erromeria Eguna 2013 Errenterian

2013/07/10

Larunbatean Erromeria Egunak Errenteria-Oreretako kaleak, dantzaz, musikaz eta abarrez beteko ditu. 1999 urtean hasi zen Ereintza Dantza Taldea ekimena antolatzen eta lehen ediziotik harrera oso ona izan du herrian, baita Gipuzkoa eta Euskal Herrian ere. Herri dantzak berreskuratzeko asmoarekin sortu zen Erromeria Eguna eta poztekoa da urtez urte plazara dantzara doazenen kopurua handituz doala.

Gehiago irakurri

Herri dantzen ikastaroa

2013/07/05

Herritar orori zuzendua. Eskolak, Mikel Coca dantzariak emango ditu.

Gehiago irakurri

Cesc Gelabert Errenterian

2013/05/21

Cesc Gelabert-ek etorkizunaren atzerabegirako bat eskaintzen du, eta ikuskizun berri bat aurkezten, 3 soloren estreinuarekin eta oraingo honetarako berrikusitako pieza zaharrekin. Lehenaldiari begiratu bat, etorkizunera begira dagoen orainalditik.

Gehiago irakurri

Komunikazioa-inkomunikazioa estreinaldia

2013/02/18

Ikuskizun honetan, hitzetara ekarri nahi dugu hitz bihurtzerik ez dagoena? edo sentigaitz dena sentitu nahi dugu, edo imajinatu ezin dena imajinatu? Agertokia pertsona desberdinek elkarrekin topo egiteko eta bat ez etortzeko leku bat da; hizkuntza desberdinak erabiltzen dituzte? Egote-Izate? horretarako; hitza, mugimendua, begirada, kantua, tresna bat edo bi? dantza-pauso batzuk, isiltasuna, gertatzen ari den guztia behatzea?

Gehiago irakurri

"H" Elirale Taldearen entsegu publikoa Errenterian

2012/12/14

Pieza koreografiko honek, «betetzen gaituzten hutsuneetaz» galdezkatzen du eta bakoitzaren gizatasunari buruzko gogoeta bat ekartzen. Amaia Hennebutte Millard («Himalayajavakaputazidiburrina») eta Ur Apalategi («Beste Bizitza»)-ren testoetan oinarritzen da. Urtarrilaren 11ean, arratsaldeko 19.00etan.

Gehiago irakurri

Elirale dantza konpainiaren Ninika ikuskizuna Errenterian

2012/11/28

Zuria neguagatik eta gorria neguko distiragatik...Ninika gorputzaren oda dugu, jantzien eta mugimenduen bitartez egina eta poesiaz eta sentsualtasunez betetako ikuskizun paregabe horren bitartez, haurrek eta helduek une ahaztezina igaroko dute elkarrekin.

Gehiago irakurri

Malandain Ballet Biarritz-en entsegu publikoa Errenterian

2012/11/14

Malandain Ballet Biarritzeko dantza konpainia beste behin ere Errenteriara dator beraien azken lana erakusteko asmoz, eta horretarako entsegu publiko bat eskainiko du. Oraingo honetan, Donostian azaroaren 24 eta 25ean estreinatuko duten "Une dernière chanson" lanaren zatitxo bat erakustera etorriko zaigu.

Gehiago irakurri

KukaiDantzaKonpainia

KukaiDantzaKonpainia

Kukai Dantza Konpainiak jatorri tradizionaleko dantza ikuskizunak sortzen ditu. Dantza tradizionaletik abiatuta, Kukaik beste arte jarduerekin, beste dantza estiloekin eta beste pentsamoldeekin elkarlana bultzatzen du. Dantza tradizionaletik abiatuta, ikuskizun garaikideak sortzen ditu Kukaik. ‘Deiadarra’ izeneko koreografia aurkeztuz ekin zion lanari 2001.urtean, eta harrez geroztik makina bat lan egin ditu. Esanguratsuak dira, Tanttaka Teatroarekin elkarlanean ekoiztutako ikuskizunak: ‘1937, gogoaren bidezidorretatik’ (2002), ‘Otehitzari Biraka’ (2005) eta ‘Hnuy illa…’ (2008). Ikuskizun horiek arrakasta handia lortu dute Euskal Herrian. Emanaldi ugari egiteaz gain, 2003. urtean Donostia Antzerki Saria eskuratu zuen ‘1937’ ikuskizunak. Halaber, Euskal Herritik kanpo ere emanaldi dezente egin ditu Kukaik ikuskizun hauekin. Hala , Argentinan, Txilen, Uruguain, Venezuelan, Estatu Batuetan, Kolonbian eta Erresuma Batuan aurkeztu ditu bere ikuskizunak. Tanttaka Teatroarekin harreman estua izanda ere, Kukaik beste hainbat lankidetza ere burutu ditu. Esate baterako, 2007. urtean, Logela Multiemdiarekin batera ‘Latidos/Taupadak’ kale-ikuskizuna sortu zuen Valladolideko Nazioarteko Kale Antzerki Jaialdiaren enkarguz. Kukairen jarduera nagusia ikuskizunen produkzioa eta aurkezpena izanik ere, saio berezi ugari egin ditu hainbat ekitalditan. Esate baterako, ‘Arditurri, Bertsoak dantzan’ saioa, 2007. urteko Max Sarien Gala, Euskal Turismoaren Gala, Haizearen Orraziaren inaugurazioa, Gipuzkoako Batzar Nagusien inaugurazioa, Nazioarteko Antzerki Egunaren Gala, Korrikaren aurkezpena… Ibilibide honetan guztian artista ugarirekin lankidetzan jarduteko aukera izan du Kukaik: Mireia Gabilondo, Juan Mari Beltran, Mikel Urdangarin, Iñaki Salvador, Logela Multimedia, Carlos Nuñez, Sol Pico, Jon Maia eta Andoni Egaña bertsolariak, Oreka TX…