Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Kukaik arrakasta itzela izan du Bogotan

Dokumentuaren akzioak

Kukaik arrakasta itzela izan du Bogotan

Kukai Dantza Konpainia itzuli da Kolonbian egindako biratik. Aste batean hamar emanaldi eskaini ditu FITB (festival iberoamericano de Teatro) jaialdiaren kontestuan. Eta arrakasta izugarria eskuratu du bertan egindako emanaldi guztietan. Publiko, prentsa eta profesionalen artean harrera ezin hobea izan dute Kukairen ikuskizunek. Bereziki esanguratsua izan zen Independentziaren Parkean, azken egunean egindako emanaldia. Anfiteatroa jendez gainezka zela, publikoa zutik, txalo zaparrada izugarriarekin agurtu zuten jaialditik Errenteriako Dantza Konpainia.
Kukaik nagusiki 'Gelajauziak' ikuskizunaren aurrerapen bat egin du Bogotan. Ikuskizuna bere osotasunean Leioako Umore Azokan estreinatuko da, datorren hilabetean, baina FITB jaialdian ikuskizun berriaren pasarte bat aurkeztu dute aurrerapen gisa. 

Gelajauziak ikuskizuna Kukai eta Cesc Gelabert koreografo handiaren bat egitetik sortu da. Lan berriaren sormen prozesuan Néstor Basterretxea eskultorea, Idoia Oiartzabal moda Diseinatzailea eta Sabin Bikandi eta Xabier  Erkizia musikariak hartzen ari dira partes besteak beste. 

FITB jaialdia 18 herrialdetako hainbat ikuskizun aurkeztu dira; Kukai izan da Euskal Herriko ordezkari bakarra. 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.