galderak etiketa duten bideoak

Zein da Madonnak Eurovisionen eskaini zuen euskal kanta?

Madonna euskal kantu baten doinura sartu da Eurovision galako oholtzara. Poparen erreginak bere klasikoetako bat abestu du Tel Aviven (Israel) ospatu den abesti lehiaketa entzutetsuan; 1989an kaleratu zuen Like a prayer kantuarekin hasi du emanaldia. Oraingoan kritika asko jaso ditu, tonua galduta ibili baita kantuan. Badirudi soinu akats baten ondorioz bai Madonnak eta bai abesbatzak gaizki entzuten zutela beren aurikularretatik eta tonoa hartu ezinda ibili direla. Izan ere, Madonnan kantari sarrera monjez jantzitako berrogei bat abeslarik osatutako koroak eman dio, euskal abesti baten doinua abestuz. Zati txiki bat da, eta letrarik ez dute kantatzen, baina hala ere nahikoa izan da askorentzat kanta ezagutzeko. Euskal probintzia kantarienean maiz entzuten den euskal kantu tradizional bat da. Ea ezagutzen duzuen. Zein euskal kantarekin hasi du Madonnak Eurovisioneko bere emanaldia?