Maule-Lextarre: Maskaradak 2023 Lehen barrikada

Euripean abiatu dira 2023ko maskaradak. Maule-Lextarreko gazteek egin dute maskaradetako lehen saioa. Goizeko 9:00etan hasi dira Drop Goal ostatu aurrean. Negu giro bete-betean ekin diote ia lau hilabeteko lanari euriari eta hotzari dantzan, kantuan eta festan erantzunez. Goizean sei barrikada egin dituzte, irudietan duzue lehena. Jarraian egin dituzten saioak Maule gaineko plazan, Zahar Etxean, Herriko Etxean, Plaza Gizon ostatuan eta eskolan izan dira. Bazkal ondorenean Jai Alai atzean eman dituzte ofizioak. Irudiak: Amaiur Aristi. Maule-Lextarreko maskaradak, lehen barrikada, Maule-Lextarre, 2023-01-15.