Elkarrizketa: Juan Mari Beltran

Herri musikari eskaini dio bizitza osoa Juan Mari Beltranek (Etxarri Aranatz, 1947); biltzen, sortzen eta zabaltzen. Jaioterrian heldu zien lehenengo musika tresnei eta familiarekin Donostiara mugituta hasi zen han eta hemen txistua astintzen. Dantza taldeetan musikari ibili zen gaztaroan, eta Juan Antonio Urbeltzekin, Argia dantzari taldean, herri kulturari beste begi batzuekin begiratzen hasi zen. Orduan, argi ikusi zuen zein zen bidea. Urteetan egindako lanaren erakusle da Oiartzungo Herri Musikaren Txokoa; berriki aitortu zaio egindako lana, Gipuzkoako IV. Ondare Saria jaso baitu pasa den azaroan.

Elkarrizketa: Juan Mari Beltran: “Tradizioa ez da gauza zaharra, tradizioa gauza berriena izan daiteke”