Dokumentuaren akzioak
Albisteak
Uholdeek harrapatu dute Gipuzkoako Dantzagunea
Asteburuko euriteek uholdeak eragin dituzte Gipuzkoako zenbait tokitan, eta horietako bat Donostiako Loiola auzoa izan da, eta bertan Arteleku edo Dantzagunearen beheko solairua erabat hartu du urak.
Toberak izango dira 2012an Irisarrin
Zuberoan pastorala bezala, herri antzerki ekitaldi handiak izan dira Toberak Nafarroa Beherean eta Lapurdin. Antzerkia, musika eta dantza uztarturik, kronika, kritika eta satira soziala, eta herriko ondare musikal eta koreografikoa ateratzen ditu plazaren erdira Toberak, epaiketa itxura hartuta. XX. mendean Irisarrin egindako Toberak oihartzun handia izan dute, eta 2012an berriz egingo dira. Hori dela eta, Denentzat elkarteak lehen jarduerak antolatu ditu.
Iker Gomez-en "La Danza del Cisne" baleta miniaturan La Fundicion-en
Pieza eszeniko honetan, Iker Gomez koreografo eta bideo-errealizadoreak gaur egungo kodean berrantzezten du baleteko hegazti preziatuena: zisne hain maiz erabilia.
Sistematurgy Prozesua ERNE: Uholdeak direla eta bertan behera gelditu da ekitaldia
Datorren astelehenean, azaroak 7,Amaia Navascuesek ,Dantzaz Klub-Atalera datorren gonbidatua, eta Anna Wlodarczyk-ek, Donostian bizi den dantzari poloniarra, WorkInProgress elkarlanean egindako Sistematurgy Prozesuan parte hartuko dute.
Hamabost minutuko txalo zaparradarekin borobildu zen Euskaldunak eta Dantza 7. Gala
Ikuskizuna, San Antonio abesbatzak, programaz kanpo kantatutako Agur Jaunak-ekin hasi zen. Txoria txori eta Kai koreografiekin Mikel Laboari egindako omenaldia izan zen gaueko hunkigarriena. Euskaldunako ikusleek koda errepikatzea eskatu zuen zutik jarrita, eta Euskaldunak eta Dantza jaialdietako txalo errekorra hautsi zuen.
Kukai herri katalanetan
Datorren astetik aurrera, Kukaik hainbat emanaldi eskainiko ditu Herrialde Katalanetan. Karrikan ikuskizunarekin jaialdi eta antzoki garrantzitsutan jardungo da.
@leph, Leire Ituarteren estreinaldia BAD jaialdian
Gaur, azaroak 3, osteguna, 19:00etan, La Fundicion-en. @leph-ek, bizpahiru zentimetroko diametroa ozta-ozta duen esfera ñimiñoak, espazio kosmiko oso-osoa, tamaina txikiagotu gabe, kontenplatzeko aukera eskaintzen dio ikusleari. Hau da. ikusleak beste mundu batzuk eta beste planeta batzuk imajinatzeko eta esploratzeko duen posibilitatearekiko proportzionala den abentura panoptikoaren fantasia.
Seydou Boro-ren estreinaldia Bilbon
Bilboko Antzerki eta Dantza Garaikide Jaialdiak -BAD-ek, Institutu Frantsesaren laguntza berezia izan du aurten, Seydou Boro dantza garaikide afrikar konpainia entzutetsua bere programazioan izateko. Konpainiak "Le tango du cheval" -Zaldiaren tangoa- ikuskizuna eskainiko du Bilbon, Estatu osoan lehen aldiz. Seydou Boro, dantza garaikideko nazioarteko zirkuituan ospe gehien duen koreografoetakoak, emanaldi bakarra eskainiko du, azaroaren 1ean, 19:30ean, Campos Antzokian, Espainian burutuko duen birarekin jarraitu aurretik.
Angels Margaritek "Solo para habitacion" aurkeztuko du asteburuan Bilbon
Angels Margaritek, dantza sari nazionalak, "Solo para habitacion" ikuskizuna aurkeztuko du larunbatean eta igandean Bilbon, BAD antzerki eta dantza garaikide jaialdiaren barruan. Ikuskizuna Isabel Lopez dantzariak eskainiko du. 21 konpainiak hartuko dute parte urriaren 28tik azaroaren 6ra arte ospatuko den BAD 2011n.
Bea Fernandez-en bi lan, gaur eta bihar BAD-en
"Los que se ven entre si" eta "Tres personas, todos los cuerpos" lanak aurkeztuko ditu asteburuan Bea Fernandez sortzaile bartzelonarrak Bilbon, La Fundicion-en, BAD jaialdian. 16 interpreterekin izandako solasaldietatik abiatuta sortutako dokumentua aurkeztuko du gaur, eta dantzarien gorputzaren memoria eta interpretearen prozesua aztergai dituen dantza lana bihar.
Dokumentuaren akzioak
