Dokumentuaren akzioak
Albisteak
XVII. Dantzaren Nazioarteko Egunaren Gala
“Dantzaren Hilabeteko” bukaerako ekitaldia Donostiako Victoria Eugenia Antzokian izango da. Apirilak 28an, igandea, XVII. Dantzaren Nazioarteko Gala ospatzen da (19,30etan). Bere hamazazpigarren edizioan, ekitaldiak arte eszeniko honen estilu sorta erakutsi nahi du. Hori dela eta, ikusleek antzeslan hetereogeneoez gozatu ahal izango dute, bariazio klasiko edo eta neoklasikoekin hasi, estilo modernoago diren dantza garaikidea, psikodantza eta flamenkoarekin jarraituz, eta euskal dantzarekin amaituz.
XI. Dantza Sariak
Gipuzkoako Dantza Profesionalen Elkarteak ‘Dantza Sariak’ izeneko ekitaldiaren hamaikagarren aldia egingo du, Donostiako Udalaren Batzar Aretoan. Apirilaren 27an, larunbata, arratsaldeko 17,00etan, emango ditugu aipatutako sariak eta UNESCOk jai horren inguruan idatzitako adierazpena irakurriko da. Sarrera dohainik.
AlhóndigaBilbao NAN dantza ikuskizuna
Datorren apirilaren 25an, ostegunean, AlhóndigaBilbaon N.A.N dantza ikuskizuna izango da. 20:00etan Auditorium-ean.
Abarketak urratuta zapatarik ez...
Espartinak, apretak, alpargatak, abarketak... Euskal dantzari gehienen oinarrizko oinetakoak dira. Garai batean oinetako zabalduena izan zen, eta abarketagileen tailerrak Euskal Herri osoan zabalduta zeuden. Famatuak ziren Maulekoak, eta gaur egun ere Zuberoatik mundu osora saltzen dituzte diseinu bereziko espartinak. Gipuzkoan, abarketagile bakarra geratu da aspaldiko urteetan. Azkoitian dago, Juin du izena, eta Iruretagoiena familiak eusten dio lanbide zaharrari.
Jaime Castillo: Ingrid Bergmani jota dantzatzen erakutsi zion dantzaria
Gernikako Elai Alai taldeko ume dantzarietako bat izan zen Jaime Castillo gernikarra. Hamaika urte zituen gerratik ihesi Segundo Olaetak zuzentzen zuen taldearekin munduan bidaiatzen hasi zela. Musika eta dantza mundura bideratutako bizitza artistiko baten hasiera izan zen. Halako batean, ezustean, Ingrid Bergmani jota dantzatzen irakasten aurkitu zuen bere burua. 1960 urtean zen. Montecarlon, "24 ordu emakume baten bizitzan" filmea grabatzen ari ziren, eta euskal ezkontza bat agertzen zen filmean, eta bertan dantzatzeko ikasi behar izan zuen dantza Ingrid Bergman-ek.
Dantzaren hilabetea 2013
Apirilaren 29a, Jean-Georges Noverre (1727-1810) koreografoa, dantza modernoaren aitzindaria jaiotako eguna, Unescok aukeratu zuen 1982an Dantzaren Nazioarteko Eguna ospatzeko. Erakunde horrek ofizialki babesten ditu munduko herrialde guztietako dantza mota guztiak Nazioarteko Dantza Batzordearen bidez. 1996. urtean Gipuzkoako Dantza Profesionalen Elkartea jaiegun horretan hasi zen oroitzeko hainbat ekitaldi antolatzen; horrenbestez, aurten hemezortzigarren aldiz, beren lanbidea omentzeko asmoz antolatuko ditu berriro jarduera egitarau berezi hauek.
Seccion Femenina, jantzi eta dantza sorkuntza ideologiaren zerbitzura
Seccion Femeninako jantzien erabilera politikoa aztertu du Carmen Ortiz ikertzaileak eta diktadurak folkloreaz egin zuen erabileran, errejioetako jantziek lehen mailako funtzioa jokatu zutela ondorioztatu du. Frankismoan, dantza ikuskizunak helburu ideologikoekin eta propaganda politikorako nola erabili zituen azaltzen du.
Zuberoako dantzari buruzko jardunaldia Urdiñarben
Urdiñarben antolatu ohi den Musikaren Eguna jaialdiaren baitan, Zuberoako dantzari buruzko jardunaldia antolatu du Aitzindariak elkarteak. Zuberoako dantzaren inguruko hitzaldia Claude Iruretagoienaren eskutik, eztabaida, jantzi erakusketa eta dantza ekitaldiak izango dira maiatzaren 18an burutuko den jardunaldian.
Olaeta Balleta Elkarteak eta Oldarra Balletek emanaldia eskainiko dute Biarritzen
Ama Lurra eta M eme M (Mari emakume Mitologikoa) lanak eskainiko dituzte Olaetatarren ekarpenari segida emateko lan egiten duten bi taldeek. Folklorea eta dantza klasikoa uztartuz balleta eskaintzeko helburuarekin dihardute Olaeta eta Oldarrak, eta lan horren emaitza erakutsiko dute Biarritzeko Gare de Midi aretoan datorren maiatzaren 4an.
Omenaldi beroa jaso du Iñaki Irigoienek
Erakundeetako ordezkari, dantzaren, musikaren eta folklorearen alorreko ordezkaritza zabala, lagun eta familiaren omenaldi beroa jaso du Iñaki Irigoienek asteburuan Bilbon. Euskal Museoan egin da omenaldiaren ekitaldi nagusia eta ondoren, Bilbao Arenan egindako bazkarian jarraitu dute omenaldiek, oturuntza, festa eta dantza artean.
Dokumentuaren akzioak
