Dokumentuaren akzioak
Albisteak
Anne Marie Chiramberro: "Niretzat ere harrigarria da bere herriko dantzak ez dakizkiten euskaldunak ezagutzea"
Anne Marie Chiramberro, San Franciscoko euskal diasporako kidea albiste da egunotan, Euskal Herrian izan baita bisitan, eta hainbat elkarrizketa egin dizkiote komunikabideetan. Diasporan beste asko bezala dantza taldean ibilitakoa da Hella Basque blogaren egilea, eta dantza kontuak agertu dira elkarrizketa horietako batzuetan. Gazteaukera blogean adibidez, Euskal-amerikarrek Euskal Herria nolakoa den ezagutzen ote duten edo iraganeko ikuspegi folkloriko bat gailentzen zaien galdetuta diote, eta hona bere erantzuna:
Korrotik pikutara hitzaldi-dantzatua Bektokixan maiatzaren 9an
Berreibar Kulturala programa barruan, Korrotik pikutara izeneko ekitaldia izango da ostiral honetan, maiatzaren 9an, Bektokixan. Bertan, euskal dantzaren historia bat, hitzez kontatua eta gorputzez dantzatua eskainiko dute Gari Otamendik eta Oier Araolazak.
Ederlezi pastorala eta Ijitoei buruzko jardunaldiak, maiatzaren 16 eta 17an Iruñean
Heldu den maiatzaren 17an Mixel Etxekoparrek idatzi eta Nicole Lougarot-ek zuzentzen duen Ederlezi pastorala ikusteko aukera izanen dugu Iruñean. Pastoral honek Euskal Herriko ijitoen gora-beherak kontatzen ditu historian zehar. Pastoralaren testuingurua hobe ulertzeko, "Ijitoak Euskal Herrian" izeneko hitzaldi sorta ere antolatu dugu, Iruñeko euskara elkarteekin batera (Zaldiko Maldiko, Euskaldunon Biltoki eta Karrikiri), maiatzaren 16 eta 17rako.
Soka-dantza Santa Kurutzen 2014
Mandiola eta Gorosta aldeko baserritar gazteek Santa Kurutzeko jaien ardura bere gain hartzeaz gain biziberritu egin dituzte azkeon urteotan. Giro ederra izaten da Eibarko ermita politenaren bueltan eta igandean han dantzatzen da soka-dantza, baserritarrak eurak sokan direla, aurresku, atzesku eta zerbitzari lanetan Kezkako dantzariak, eta musikari Usartza txistulari taldekoak aritzen direla.
Iruñerriko hirugarren Euskal Jaia maiatzaren 17an izanen da
Eskualdean euskal kulturaren alde lanean diharduten taldeen biltoki izanen da Iruñeko Alde Zaharra. Goizean kalejirak, ekitaldia eta larraindantza izanen dira, eguerdian bazkari herrikoia, eta arratsaldean dantzaldi eta kontzertuak. Ederlezi pastorala ere emanen dute Burgoen plazan. Aurten, gainera, jarduerak izanen dira aurreko bi egunetan.
Mugarik ez tailerra
Dantza tailerra 55 urte gorako pertsonentzat zuzenduta dago. Ikastaro honetan dantza garaikideaz gozatzeko aukera denon eskura dagoela jabetzeaz gain, denboran aurrera doazen gorputz hauetan, altxor moduan gordetzen den esperientzi eta jakintza guztia islatzeko,dantza izango dute bidaia-lagun eta adierazpide.
Zorionak dantzazale! Gaur, apirilak 29, Dantzaren Nazioarteko Eguna
Dantzazaleok urteko egun guztiak ditugu dantzarako gozagarri, baina nazioarteko egunen egutegian apirilaren 29a dago gordeta dantzazaleok ospatu daigun. Zehazki Jean Georges Noverre dantzari, dantza-maisua eta dantza-sortzailearen jaioteguna hartu zen Dantzaren Eguna ospatzeko erreferentziatzat. Eta aurtengoa ospatzeko, hain zuzen ere Jean Georges Noverren lan ezagunena, "Lettres sur la Danse et les ballets" liburua eskaintzen dizuegu jarraian.
ADDEk AlhondigaBilbaon ospatuko du Dantzaren Nazioarteko Eguna
2014ko Dantzaren Nazioarteko Egunak dantzaren elkarteek eta euskal sortzaileek egiten duten lana izango du ardatz. ADDEk 2009tik egun hau ospatzen du dantza kaleratzen eta AlhóndigaBilbaon egingo du lehen urtez. AlhóndigaBilbaok arte biziak estrategikotzat hartzen ditu eta artisten eta ikusleen artean hainbat esperientzia sortzea lortzen dituzten ekimenak bultzatzea du helburu. Dantzaren Nazioarteko Egunaren ospakizuna arratsaldeko 18.00etan hasiko da Arriquibar plazan bertan egingo den flashmob-arekin. Ospakizunak AlhóndigaBilbaoko atarian jarraipena izango du irakurriko den manifestuarekin eta dantza librea eta musikaren erakusketa batekin.
Iruñeko dantzarien II. topaketa Sanduzelaiko jaietan
Bihar, larunbata, apirilak 26, Irudamak (Iruñeko Dantzarien Mahaia) antolatutako bigarren topaketa ospatuko da. Goizeko 11:00etan Karrikagunetik abiatuko dira kalejiran, eta O parkean dantza jaialdia egingo dute eguerdian. Arratsaldean dantzaldia izango da bertan.
Kukaik arrakasta itzela izan du Bogotan
Kukai Dantza Konpainia itzuli da Kolonbian egindako biratik. Aste batean hamar emanaldi eskaini ditu FITB (festival iberoamericano de Teatro) jaialdiaren kontestuan. Eta arrakasta izugarria eskuratu du bertan egindako emanaldi guztietan. Publiko, prentsa eta profesionalen artean harrera ezin hobea izan dute Kukairen ikuskizunek. Bereziki esanguratsua izan zen Independentziaren Parkean, azken egunean egindako emanaldia. Anfiteatroa jendez gainezka zela, publikoa zutik, txalo zaparrada izugarriarekin agurtu zuten jaialditik Errenteriako Dantza Konpainia.
Dokumentuaren akzioak
