Dokumentuaren akzioak
Albisteak
Inauteriak 2014 oinarrizko egutegia
Urtarrileko lehen asteburuan abiatu ziren inauteriak hainbat herritan, eta ordutik asteburuz asteburu ospatzen ari dira han eta hemen. Dena den, inaute egun nagusiak otsaila bukaeran eta martxoa hasieran izango ditugu 2014an. Hona hemen 2014ko inauteri egutegi bat, ohi bezala osatzeko zuen ekarpenetara irekia:
Gaztediren "Dantza baten lehen urratsak" dokumentalaren estreinaldia
Jakingo duzuen bezala, oso luzea da Gaztedi Dantzari Taldeak daraman ibilbidea eta ugariak dira bertatik igaro diren pertsonek bizitako pasarteak. Pasarte hauetako asko kontakizun eta anekdota hutsak izan daitezkeen arren, beste askok garrantzi handia dute garai bateko gizartea, giroa eta bizipenak irudikatzeko eta garai gogorretan euskal kulturaren alde lan egiten aritu diren pertsona batzuen ikuspegia ezagutzeko. Hausnarketa honetan oinarrituta proiektu berezi bat gauzatu dugu: Gaztediko belaunaldi zaharreneko partaide batzuen testigantzak grabatu, batu eta ikus-entzunezko dokumentu batean argitaratu.
Zabaleta, Maya eta Calongeren koreografiak Dantzaz-en Atalak XX-ean
"Ongi etorri" pieza prestatzen ari da Jon Maya egunotan Dantzaz konpainiarekin. Ostegunean, Victoria Eugeniako Club aretoan eskainiko da lana, Dantzaz konpainiaren Atalak XX ekitaldian. Asier Zabaletaren "Urak dakarrena" eta Igor Calongeren "Muxua" piezekin osatuko da Dantzaz-en saioa Club aretoan.
Antxon Agirre Sorondo etnografoa hil da
Antxon Agirre Sorondo (Donostia, 1946) etnografo, ikertzaile eta dibulgatzailea hil da. Etnografia eta historia ikerketa eta argitalpen ekoizpen oparoaren egilea, 68 urterekin hil da. Dantzaren inguruko hainbat lan argitaratu ditu Agirre Sorondok, inauteriak, festak eta beste hainbat kontu tarteko.
Asteburu honetan Santibate, hilabete barru Libertimendua
Donibane Garaziko inauteri zikloa abiatuko da gaur, Antton Lukuk Libertimenduaz eskainiko duen hitzaldiarekin. Santibate ospatuko dute asteburuan, eta hilabete barru, marxoko lehen asteburuan, Libertimendua bera plazaratuko du Garaztarrak dantza taldeak. Hona egitaraua:
Dantza Cuadernos de Etnologia y Etnografia de Navarra aldizkarian
Berrogei eta bost urteko ibilbidean dantzarekin zerikusia duten hainbat lan interesgarri argitaratu dira Cuadernos de Etnologia y Etnografia de Navarra aldizkarian, eta horiek zerrendatu eta pdf formatuan eskura jarri ditugu sarrera honetan. Unai Martiartu Tapiz-ek 1998an egindako hustuketa lanetik abiatu gara horretarako, hura osatuz eta Cesar Borgia dokumentazio zentroak aldizkari osoa digitalizatu eta sareratzean eskura jarri digun altxorra baliatuz.
Arin-arin urtekarian 2013ko jardueren berri eman du Udaberri dantza taldeak
"Etorkizunarekin amestuz" izenburua jarri dio Udaberri dantza taldeak Arin-Arin aldizkariari. Orain 20 urte sortu zen Arin-Arin aldizkaria, eta Tolosaldeko dantzari eta musikari belaunaldi berriak gogotsu heldu dio berriz taldearen gora-beheren berri ematen duen aldizkaria osatzeari.
Aiara dantza taldeak 30. urteurrena ospatuko du 2014an
Aiara dantza taldearen historia kontatzen duen argazki erakusketa batekin abiatuko du Aiaraldeko dantza taldeak taldearen sorreraren 30. urteurrena. Amurrioko "La Casonan" (liburutegia) izango da ikusgai argazki erakusketa, urtarrilaren 31tik otsailaren 28a arte.
Abian da Dantza Plazetan 2014 Bilbon
Bilboko Udalak, Bizkaiko Dantzarien Biltzarra eta Bilboko dantza taldeen artean antolatuta, Dantza Plazetan 2014 egitarauak, 50 dantza emanaldi eta erromeria eskainiko ditu Bilbon. Bihotz Alai, Mikeldi, Goiko Alde, Ondalan, Salbatzaile, Gaztedi, Beti Jai Alai eta Ibai Arte dantza taldeak, eta Bizkaiko Dantzarien Biltzarra bera arduratuko dira erromeria eta dantza saioak eskaintzeaz. Hona Dantza Plazetan Bilbon 2014 egitarau osoa:
Aitor Arrieta, Espainiako Dantza Konpainian ari den dantzari errenteriarra
2013ko irailean CND edo Espainiako Dantza Konpainia Nazionalean sartu da Aitor Arrieta dantzari errenteriarra. Jon Maya eta Maite Egiguren-ekin ikasten aritu ondoren, Donostian Thalia akademian jarraitu zuen prestatzen, Ereintza dantza taldean eta aurresku eta dantza solte txapelketetan aritzen zen bitartean. Madrilen, konserbatorioan ikasten ari zen, baina ikasketak bukatu aurretik hartu dute Jose Carlos Martinez-ek gidatzen duen konpainian. Abenduan Donostian aritu da dantza CNDkin.
Dokumentuaren akzioak
