Dokumentuaren akzioak
Albisteak
Dantza argitalpenak Karrikirin
Jakinekoa da dantzaren inguruko hainbat argitalpen erosi ahal izatea ez dela nahi bezain erraza gertatzen. Ohiko liburudendetan ez ditugu aurkitzen eta eskuratzeko hamaika buelta egin behar izaten ditugu maiz. Horregatik, pozik hartu dugu Iruñeko Karrikiri elkarteak dantza tradizionalaren inguruko materialari jarri dion harreta berezia. Dantzaren eta folklorearen inguruko hainbat lan eros daitezke dagoeneko Karrikiri dendan.
Gaztedi eta Euskeria abesbatzaren ikuskizuna
Gaztedi Dantzari Taldea eta Euskeria Abesbatzak zazpi herrialdetako dantzez eta kantuez ikuskizuna prestatu dute Gaztediren 55. urteurrenerako. Ekainaren 23an, San Juan gauean Karmelo Plazan izango da. Dantza, kantua eta musika tresna desberdinak biltzen ditu emanaldiak. "Euskal Herria: abesten eta dantzatzen duen herria" da ikuskizunaren izenburua.
Blogak dantzarion eskura
Aukera berri bat eskaintzera dator dantzan.com. Dantza talde, dantzari eta dantza-zale bakoitzak bere bloga egin dezake dantzan.com-en bertan. Taldeko emanaldiak, egitasmoak, gogoetak eta albisteak plazaratzeko espazio izan daiteke. Baina baita dantzari zein dantzazale bakoitzaren leihoa ere.
Udaberria dantzan Donibane Lohizunen
Zazpi herrialdeetako dantza taldeen emanaldiak ikusi ahal izango dira datorren ekainaren 10ean, larunbatean, Donibane Lohizunen ospatuko den Udaberria dantzan jaialdian. Euskal dantza taldeekin batera Okzitaniako talde bat ikusteko aukera izango da.
Mutxiko eta kantu eguna Irunen
Euskal Kostaldeko Nazioarteko Erakustazokaren baitan, mutxiko eta kantu eguna antolatu dute datorren ekainaren 11rako Irunen. Igande goiz partean dantzak eta kantak tartekatuko dira Ficoban.
Arabako Dantzari Eguna Agurainen
Igandean, ekainaren 11n, ospatuko da Agurainen, Arabako Dantzarien Biltzarrak antolatutako Arabako Dantzari Eguna. Mila dantzaritik gora espero dituzte Agurainen eta ekitaldi nagusia bi plazatan, aldi berean, egingo da.
Durangaldeko ezpata-dantzari eguna Axpen
Atxondon, Axpeko elizatean, ospatuko da igandean, ekainaren 11an, Durangoko Merinaldeko ezpata-dantzari eguna. Urtero omenaldi bat izaten da ospakizun honetan, eta aurten, Atxondoko dantza taldearen alde lan handia egin duen Pili Bernas omenduko dute.
Udako dantza ikastaldiak Donostian
Ohi bezala, udako dantza ikastaldiak antolatu ditu Gipuzkoako Foru Aldundiko Kultura Zuzendaritza Nagusiak. Dantza klasikoa eta garaikidea izango dira ikasgai. Tatiana Yerakhavets izango da dantza klasikoko irakaslea, eta Francisco Lloberas dantza garaikidekoa. Artelekun egingo dira ikastaroak uztailaren 3tik 14ra.
XXII Folklore Jardunaldiak
Iruñean, 2006ko azaroaren 15-18 bitartean ospatuko dira Ortzadarrek antolatzen dituen folklore jardunaldiak. Jardunaldiak antolatzen dituen batzordeak txosten nagusi batzuk eskatu ditu, baina gainera interesik duen orori gonbitea egin nahi dio bere lanak, argitaratu gabekoak, aurkez ditzan. Egileek uztailaren 31 baino lehen bidali beharko dute proposatutako lanaren izenburua eta laburpen txiki bat.
Dantza taldeak urteurrenak ospatzen
Hainbat talde ari dira aurten ere bere sorreraren urteurrena ospatzen. Batzuk egin dituzten dagoeneko ospakizun ekitaldiak, beste batzuk urte osoan ari dira eta badira udazkenean ospatuko dutenak ere. 2006an urteurrena ospatzen duten hainbat talderen zerrenda bildu dugu hemen, baina izango dira gehiago ere.
Dokumentuaren akzioak
