Blogak dantzarion eskura

Asko dira beren webgunea duten dantza taldeak. Baina maiz gertatzen da, webgunea enpresa batek egin duela, eta gero bertako informazioa berritu eta eguneratzeko zailtasunak izaten dituztela dantza taldeek. Blogen sistemaren bidez edonork, informatika programazioa jakin gabe, eguneratu ditzake albisteak, eta beraz, dantza taldeen guneak bizirik izateko sistema aproposa iruditzen zaigu.

Horregatik talde, dantzari eta dantzazaleei irekitako blog komunitatea ireki dugu dantzan.com-en. CodeSyntax-ek garatutako Bitakora plataforman oinarritzen da tresna hau, eta uste dugu edozeinek erabiltzeko erraza eta erabilgarria dela.

Ongi etorri dantzan.com-en blog komunitatera!