Mutxiko eta kantu eguna Irunen

Azkaindarrak, Hegi, Larpurt motxak, larrubur, marianak, ostalersak, zazpi-jautziak, larrain-dantza eta beste daude iragarrita igandeko mutxiko egunean. 11.30etan hasiko da ekitaldia, hainbat kantarekin. Ondoren mutxikoak dantzatuko dira ordu erdiz eta 12.15etan berriz ere kanta batzuk, arnasari buelta eman bitartean. 12.30etatik aurrera berriz ere mutxikoak dantzatuko dira. Arratsaldean erromeria izango da.

Hendaia, Hondarribia eta Iurngoko Nabarternea abesbatza, eta Mutxikoak eta Adixkideak dantza taldeak antolatu dute mutxiko eta kantu eguna. Mutxikoak dantzatzeko doinua sortzen honako musikari taldea arituko da: Iñaki Maritxalar, Mirari Danbolenea, Mattin Girard, Juanan Laboa, Mixel Manterola, Gabi Ribeira, Amaia Iraola, Esti Mutuberria eta Amaia Olea.