Dokumentuaren akzioak
Albisteak
Dantzan Ikasiren eskaintza berria: Ingurutxoak, haur folklorea, dantza eta musika
Ikastaro eskaintza berria prestatu du Dantzan Ikasik. Ingurutxoak, haur folklorea eta dantza eta musika nola uztartu lantzeko aukera izango da maiatza eta uztaila bitartean eskainiko diren ikastaroetan.
Janet Novas-en ikastaroa Dantzagunean
Maiatzaren 7 eta 8an, Janet Novas dantzari eta koreografoak ikastaroa eskainiko du Donostiako Dantzagunean, Artelekun. Larunbatean zein igandean 10:00etan hasi eta 14:00etan bukatuko den tailerrean Janet Novasek bere dantza ibilbidean sortu zaizkion galderei erantzun nahian berak asmatutako erantzunak, dantzarako lan metodologiak, proposatuko ditu.
Nafarroaren eguneko dantza eskaintza
Datorren igandean, apirilaren 24ean, Nafarroaren eguna ospatuko da urtero legez Baigorrin. Ekitaldi ugari antolatzen dira egun horretarako, eta egitarauaren barruan, noski, ezin dantza falta. Kabalkada, dantzaldiak... aukera andana izango da egun horretan dantzaz gozatzeko. Hemen dakarkizuegu Nafarroaren eguneko dantza egitaraua.
Folk Lore jaialdia 2011 Iruñea eta Uharten
1996an hasita urtero antolatzen dabil Amaiur Dantza taldea "Folk Lore" jaialdia. Aurten, Folk Lore jaialdi hori apirilaren 16 eta 17ko asteburuan ospatuko da, Iruñean eta Uharten. Euskal Herria eta Kataluniako taldeek hartuko dute parte aurtengo jaialdian.
Dantzariak Durangon Dantzaren Nazioarteko egunean
Apirilaren 30ean eta maiatzaren 1ean Dantzaren Nazioarteko Eguna ospatuko da Durangon. Ekimena L´atelier Dantza eta Antzerki Eskolak antolatu du, herriko Udala, Turismo Bulegoa eta San Agustin Antzokiaren laguntzarekin. Asteburuan zehar dantza agerraldi ugari izango dira ikusgai: dantza klasikoa, euskal dantzak eta funkya, beste disziplina batzuen artean. Eta L´atelierreko ikasleek zein gonbidatutako beste eskola batzuetatik etorritakoek ere parte hartuko dute ikuskizunotan.
Dantza kalean Okendo plazan
Herritarrek dantzaz gozatu dezaten Dantza Kalean ikuskizunaren 5. edizioa izango dugu apirilaren 16ean, larunbata, 17’30etan, Okendo Enparantzan. Bertan, jazz dantza, garaikidea eta flamenko dantza lantzen dituzten koreografiak eskainiko dituzte Elkarteko ikasleak. Dantza, pakearen hizkuntza dela eta mugarik ez duen artea dela frogatuko du Dantza kalean ekitaldiak.
Portugaleteko VI. Folklore Azoka
Elai-Alai Fundazioak antolatuta, datorren apirilaren 30ean eta maiatzaren 1ean Portugaleteko VI. Folklore Azoka ospatuko da. Musika, dantza, artisauak, tallerrak eta beste hainbat ekitaldi bilduko ditu azokak.
Materiagabeko ondarea aztergai Ortzadarren jardunaldietan
Datorren urrian burutuko dira XXVII. Folklore Jardunaldiak eta aurtengo gaia "Materiagabeko ondarea: ekintzak eta eraginak" izango da. Urriaren 8an hasiko dira jardunaldiak eta hil bereko 22an amaitu. Hona hemen jardunaldien gaiari buruzko zirkularra.
Euskal dantza irakasleen meeting bat Gardnervillen
Pasa den apirilaren 2an Estatu Batuetan, Nevadan, Ipar-Ameriketako Mendebaldeko euskal dantza taldeen zuzendarien bilkura burutu da. Hamar dantza taldetako hamasei ordezkari bildu dira Gardnervillen, eta euskal dantzaren inguruko hainbat kontu izan dituzte aztergai eta mintzagai. Saio horietako batzuk zuzentzera joan naiz ni bertara Euskal Herritik, eta ez dakit ezer aportatu diedan, baina neu behintzat, harrituta eta hunkituta etorri naiz.
Xiru Festibala 2011, Gotaine-Irabarne eta Altzürükün
Asteburu honetan, apirilaren 15, 16 eta 17an, Xiru festibalaren hogeita bigarren edizioa ospatuko da Gotaine-Irabarne eta Altzürükü, Zuberoako udalerrietan. Festibalak izango du dantzarentzat tarterik: Par-Alleles Hip Hop taldea, herriko dantzarien saioa eta "Maskar" ikuskizuna baitaude iragarrita. Ander Lipus, Abarka dantza taldea, Herriko dantzariak... bilduko ditu Maskar ikusgarriak.
Dokumentuaren akzioak
