Janet Novas-en ikastaroa Dantzagunean

Janet Novas dantzari eta koreografo galiziarrak dantza tailer bat eskainiko du datorren maiatzaren 7 eta 8an, 10:00etatik 14:00etara, Donostiako Dantzagunean. Bere dantza ibilbidean galdera ezberdinak azaldu zaizkio Janet-i: Nola sorkuntza indartu? Zenbat tresna ditugu eskura erabiltzen ez ditugunak? Nola berreskuratu daitezke ahalik eta etekin gehien ateratzeko? Non daude mugak?

Hauek izan dira Janet Novasek bere bizitzan zehar izan dituen galdera batzuk. Horiei erantzun nahian lan egiteko metodologia ezberdinak sortu ditu. Metodo horiek irakatsiko ditu dantzariak maiatzean Dantzagunean ospatuko den "Lugares perdidos, dormidos y olvidados" ikastaroan.

Janet Novas - "Lugares perdidos, dormidos y olvidados" tailerra.

Maiatzaren 7 eta 8an, 10:00etatik 14:00etara, Dantzagunean.