Dokumentuaren akzioak
Albisteak
Alurr Dantza Taldearen ikastaroetako matrikula zabalik
Alurr Dantza Taldeak matrikula zabalik izango du irailaren 15etik 30era arte. 4 urtetik gorako edonork izena ematen ahal du.
Dantza Hirian marrazkien bidez: gaur egungo dantza haurren begietan
Aurten ere Dantza Hirian Jaialdia Errenteriara iritsiko da eta aurrerapen gisa, eta lehen ekitaldi modura, marrazki erakusketa bat antolatu da irailaren 5etik 10 bitarte. Marrazkien erakusketa honetan, Dantza Hirianek adierazpen-eremu bat sortu du aurreko edizioan antolatutako eskola-saioetara etorri ziren lehen hezkuntzako ikastetxeetako ikasleei zuzendua.
Bizkaiko dantza soltea aztergai dantza solteko beteranoen topaketan
Beti Prest elkarteak antolatuta, Dantza solteko beteranoen 3. topaketak burutuko dira datorren irailaren 24an Errenterian. Aurten, Bizkaiko dantza soltearen bilakaera izango dute aztergai.
Julen Sagarzazu "Julen Txiki" gogoan Azkoitiko aurreskuan
Azkoitian hainbat urtez dantzan irakasten jardun zuen Julen Sagarzazuk. Makina bat dantzari gazte trebatu zituen dantza irakasle izan zen 15 urteetan, eta gero dantza txapelketetan epaile ere aritu zen. Abuztuaren 14an, Andramari bezperan hil zen Julen Txiki, 91 urte zituela, eta Andra Mari eguneko aurreskuan gogoan izan zuten.
Act of God-en estreinaldia
Erijioak eta bere kontraesan garaikideak ditu ardatz dantza garaikide lan berri honek. Galdera zehatz eman baino, erantzunak mahairatzea du helburu. Bizitza eta fedearen inguruko gai handien inguruan haur baten inozentziaz egindako galderak. Ertza: Act of God-en estreinaldia. Gazteszenan, 2011eko irailak 17an.
Dantzaren aroa dakar Maitaldiak Biarritzera
Ohi bezala, dantzaren aroa da iraila Biarritzen. Dantza jaialdi zabal eta mamitsua osatu du aurten ere Maitaldiak, eta 2011ko irailaren 8an hasi eta 18a bitartean estilo, jatorri eta formatu anitzeko dantza ikuskizunak izango dira Biarritzeko kale eta antzokietan.
Dantza Gasteiz, Donostia eta Bilboko 2011ko jaietan
Hiriburuetako aste nagusietan ohikoak izaten dira dantza taldeen emanaldiak eta dantzarako erromeriak. Hona Gasteiz, Donostia eta Bilboko jaietan eskainiko diren dantza emanaldi eta dantzaldiak.
Dantza, paloteoa eta Mairuaren sarrera Ampudian
Espainian, Palentzian, Tierra de Campos moduan ezagutzen den eskualdean hainbat dantza eta festa bitxi gorde dira. Horien artean nabarmenenetakoa Ampudias herriko dantza eta paloteoak dira.
Iztueta eta bere lanak Zumalakarregi museoaren blogean
Juan Inazio Iztuetaren inguruko zenbait dokumentu, lan eta datu bildu ditu Mikel Alberdik Zumalakarregi Museoaren blogean egindako sarreran. Sarean dauden Iztuetaren zenbait lan aipatu eta lotzen ditu, 1824ko Gipuzkoako dantzen liburua besteak beste.
Oriako sorgin-dantzari buruzko ikastaroa antolatu du EDBk
Datorren irailaren 17 eta 24rako, Oriako sorgin-dantzaren ikastaroa antolatu du Euskal Dantzarien Biltzarrak. Lasarte Orian burutuko da ikastaroa eta Oriako Sorgin-dantzaren Kultur Elkarteko kideak izango dira irakasleak.
Dokumentuaren akzioak
