Hemen zaude: Hasiera Albisteak Julen Sagarzazu "Julen Txiki" gogoan Azkoitiko aurreskuan

Dokumentuaren akzioak

Julen Sagarzazu "Julen Txiki" gogoan Azkoitiko aurreskuan

2011/09/02 10:04
Azkoitian hainbat urtez dantzan irakasten jardun zuen Julen Sagarzazuk. Makina bat dantzari gazte trebatu zituen dantza irakasle izan zen 15 urteetan, eta gero dantza txapelketetan epaile ere aritu zen. Abuztuaren 14an, Andramari bezperan hil zen Julen Txiki, 91 urte zituela, eta Andra Mari eguneko aurreskuan gogoan izan zuten.

Aitor Sorazuk gogoan izan du Julen Txiki bere blogean, eta Andra Mari egunaren gazi-gozoak aipatu ditu. Sahatsaren 35. urteurrena dela eta Azkoitiko festetan suziria botatzeko gonbita jaso zuten egun berean hil zen Julen Txiki.

Erlo telebistak Andra Mari eguneko aurreskua jaso du iruditan eta hemen ikus dezakezue osorik, Julen Sagarzazuri egindako omenaldia barne.

 

Dantza eta futbola uztartzen jakin zuen dantzari eta kirolari aparata izan zen Julen Sagarzazu. Dantzari eta dantza irakasle aritzeaz gain, futbolari izan zen eta Errealean jokatu zuen. Ahotsak ekimenean elkarrizketatu zuten Julen Txiki eta hona hemen dantzan ikasi zuen garaiko pasartea.

 


 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Julen Sagarzazu "Julen Txiki" gogoan Azkoitiko aurreskuan

Argazkia: Ahotsak