Dokumentuaren akzioak
Albisteak
Brokel-dantza bat Arrasaten 1845 urtean
Espainiako Isabel II Erregina Arrasaten izan zen 1845ean. Ongi etorri moduan dantza emanaldia eskaini zitzaion herriko plazan: brokel-dantza. Ekitaldiak soka luzea ekarri zuen, dantzaldian zehar "bibak" jaurtitzeko ohitura baitzegoen, eta biba horietako batzuk ez ziren gertatu agintarien gustokoak. Ondorioz, dantzaldia bukatu aurretik erretiratu zen Erregina eta ondoko egunetan eztabaida sutsua izan zen prentsan. Testuinguru horretan, Madrileko El Católico egunkarian, brokel-dantzaren azalpen zabala argitaratu zen, euskaraz eta gazteleraz. Ana Isabel Ugaldek jaso du testua Arrasate zientzia elkartearen blogean.
Erbestea Aberri, Kriskitin dantza taldearen ikuskizun berria
Durangoko Plateruena Kafea Antzokiak, herriko zenbait eragilerekin batera, antolatzen duen Zilar Astean, aurreko urteetan lez, partaide izango gara. Aurtengo gaia "Migrazioa" izango da eta Kriskitineko partaideok gai honetan oinarritako ikuskizuna estreinatuko dugu. "Erbestea aberri" izeneko ikuskizuna taulatuko dugu. 45 minutu ingurukoa iraupena izango du ekitaldiak.
Bizkaiko dantzak museoan eta plazan
Bizkaiko dantza tradizionalei buruzko erakusketa antolatu dute elkarlanean Bilboko Euskal Museoak eta Bizkaiko Dantzarien Biltzarrak. Bihar, martxoaren 21ean ianuguratuko da erakusketa Euskal Museoan, eta horrez gain, Bizkaiko dantzen hiru emanaldi antolatu dira Bilboko Plaza Barrian.
Maria Pilar Beobide, dantzaria
Atzo hil zen Donostian Maria Pilar Beobide, 81 urteko zumaiarra. Heriotza eta agurrak tristeak dira beti, baina ezin poz izpi txiki bat ezkutatu Maria Pilarren eskela ikusita: "Mª Pilar Beobide Arburua. Dantzaria". Dantzari eta dantzazale batentzat epitafio ederrena. Eta gainera, ohiko foto-maton argazkiaren ordez, pospolin jantzita dantzan ageri zaigu Maria Pilar Beobide. Biba zu Maria Pilar, biba dantzaria!
Baztango Mutil-dantzari Taldea sortu da
Pasa den martxoaren 2an egin dute Baztango Muti-dantzari taldearen eratze batzarra. 60 kide bildu dira elkarte honetan, eta beraien asmoa mutil-dantzak ezagutaraztea eta "aurreko mendeetan dantzatzen zuten bezala dantzatze" omen da. Hona hemen komunikabideetara bidali duten aurkezpen gutuna:
Otsagabiko Katxutxaren arrastoaren atzetik
Sarri pentsatzen dugu gure dantzen urratsak, jantziak, doinuak... gureak direla eta kitto! Gureak diodanean esan nahi dut, gure herrikoak, edo gure herrialdekoak, edo Euskal Herrikoak bakarrik. Batzuetan aldiz, kasualitate batek, hari-mutur eder bat eskaintzen digu eta mataza ia bakarrik askatzen zaigu sudur aitzinean. Hona niri Otsagabiko Katxutxarekin gertatu zaidana.
Folkarria 2013 jaialdia apirilaren 12tik 14ra ospatuko da Madrilen
Dantza tradizionala eta folk musika sustatu nahi ditu Folkarria Eco-Festi-Bal-ak. Kulturen integrazioa, ekologia sentsibilizazioa eta kontsumo arduratsuarekin lotzen ditu, eta heldu eta umeentzako hainbat jarduera proposatzen ditu bere hirugarren ekitaldian. Martina Quiere Bailar, Amanida, Kepa Junkera, Parapente700, Kv Express edo Tribal Jaze moduko musika proposamenak, munduko bazter desberdintako dantzen tallerrak eta folklore emanaldiak bilduko dira Madrilen.
La Intrusa: dantza garaikidea eta bideo-artea
Damian Muñoz gasteiztarra dantza garaikidean ibilbide luze eta sendoa burutzen ari da Virginia Garciarekin elkarlanean. Dantza begi zinematografikoekin ikusten zuen koreografo eta sortzaileak, La Intrusa konpainia sortu zuen Virginia Garciarekin eta bien artean dantza eta bideoartearen arteko jokoan ari dira gailentzen. Hona hemen La Intrusaren uztaren lagin bat.
Deustuko andreen aurreskua plazan eta sarean
Igande honetan, martxoaren 17an, dantzatuko da Bilbon, San Pedro plazan, Deustuko andreen aurreskua. 1999. urtean berreskuratu zen soka-dantza hau, Iñaki Irigoienek bildutako dokumentazioan oinarrituta, eta Bihotz Alai dantza taldearen eskutik. Aurtengo ekitaldirako webgunea estreinatzen du Deustuko andreen aurreskuak.
Dantzaren bihotzeraino
Dantzaz Konpainiak, Libre Destino bidai-agentziarekin batera, abentura berri batean parte hartzera gonbidatu nahi zaitu: Hurrengo apirilaren 12an, gurekin bidaiatu Soustonsera (Landetan), "Arte-An"gure ikuskizuna ikustera. Bidaian zehar, konpainiarekin ezagutzeko eta solasteko aukera izango duzue, zuentzako entsegu berezian egongo zarete eta emanaldia ikusiko duzue. Dantzaz beteriko eguna! Espero dugu zuen gustoko ideia izatea, baita zuen lagunena ere!
Dokumentuaren akzioak
