Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Bizkaiko dantzak museoan eta plazan

Dokumentuaren akzioak

Bizkaiko dantzak museoan eta plazan

2013/03/20 12:15
Bizkaiko dantza tradizionalei buruzko erakusketa antolatu dute elkarlanean Bilboko Euskal Museoak eta Bizkaiko Dantzarien Biltzarrak. Bihar, martxoaren 21ean ianuguratuko da erakusketa Euskal Museoan, eta horrez gain, Bizkaiko dantzen hiru emanaldi antolatu dira Bilboko Plaza Barrian.

Bizkaiko dantza tradizionalei buruzko informazioa, jantziak eta erritualen inguruko xehetasunak jasoko ditu martxoaren 21etik ekainaren 23ra Bilboko Euskal Museoan ikusgai izango den Bizkaiko dantzak eta dantzariak erakusketak. Euskal Museoak eta Bizkaiko Dantzarien Biltzarrak jardun dute elkarlanean erakusketa antolatzen, eta erakusketaren osagarri, apirila eta ekaina bitartean, hiru dantza emanaldi izango dira Plaza Barrian. Hauxe da emanaldien egitaraua:

  • Apirilak 20, 13:00ean Plaza Barrian: Durangaldeko dantzak: dantzari-dantza, gorularienak, soka-dantza. Taldeak: Talde Batua (Abadiño), San Lorentzo (Berriz), Iremiñe (Berriz), Garaiko Dantza Taldea, Mikel Deuna (Iurreta), Mendi Gain (Izurtza), Mañariko Dantza Taldea
    Maiatzak 11, 13:00ean Plaza Barrian: Lea-artibaiko dantzak: Xemeingo ezpata-dantza, kaixarranka, mahaigainekoa, eguzki-dantza. Taldeak: Etorkizuna (Lekeitio), Zerutxu (Markina-Xemein)
  • Ekainak 1, 13:00ean Plaza Barrian: Begoñako ezpata-dantza, Lanestosako arku-dantza, Uriko soka-dantza. Taldeak: Mendi Alde (Santurtzi), Los Danzantes de Lanestosa, Beti Jai Alai (Basurto), Kriskitin (Durango).

 

Bizkaiko dantzak eta dantzariak erakusketa:

  • Bilboko Euskal Museoan, 2013ko martxoaren 21etik ekainaren 23ra

 

Informazioa: Bizkaiko Dantzarien Biltzarra

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.