Deustuko andreen aurreskua plazan eta sarean

http://www.deustukoaurreskua.com helbidean soka-dantza honen historia, dantzen bideoak, musika, argazkiak eta kartelak bildu dituzte. Deustuko jaietan egiten da emakumeen soka-dantza hau, eta Bihotz Alai dantza taldearen ekimena bada ere, urtero ikastaro irekia antolatzen dute nahi duenak parte har dezan soka-dantzan.

Iñaki Irigoienek egindako ikerketa lanarekin, 1846an, "Revista Pintoresca de las provincias Bascongadas" aldizkarian jasotako deskribapena ezagutzera eman zuen: "Es antiquísima la costumbre que después de la misa mayor bailen un zortziko las mujeres casadas, en el que se da el primer puesto o sea el aurrescu a la mejor danzarina del pueblo".

Deustuko jaiak egunotan ospatuko dira, eta igandean, martxoaren 17an, eguerdiko 13:00ean egingo da Deustuko andreen aurreskua San Pedro plazan.

• Deustuko aurreskua webgunea