Baztango Mutil-dantzari Taldea sortu da

"Baztango Mutildantzari Taldea elkarte kulturalak , bere lehen batzar orokorra ospatu zuen Baztanen Martxoaren 2an. Mutildantza, Baztan bailarako dantzarik nabarmenena ezagutaraztea da helburua. Hemeretzi dantzaz osatzen diren Mutildantzak , gure aitzineko belaunaldiak aurreko mendeetan dantzatzen zuten bezala dantzatzea Baztan bailarako 15 herrietan , da gure nahia.

Azken urte hauetan, zenbait herritan, Mutildantza ez da dantzatzen herriko bestetan, eta horregatik Baztango gizon eta emakume talde bat bildu gara ( 60 kide ) zerbait egin nahian. Baztango Mutildantzari Taldeaak bere burua eskeintzen du herriko bestetan edo elkarteek antolaturiko ekitaldietan parte hartzeko.

Elkarteko kide izan nahi baduzu, ondorengo tokitan egin zaitezke: * Foto Mena (Elizondo), C/ Santiago 40 * Eskiz informatica Zerbitzuak (Elizondo), Pl. Erlategi 4

Azken urteotan eztabaida eta liskar ugari izaten ari da Baztanen mutil-dantzetan emakumeek parte hartzearen aurka eta alde daudenen artean. Elkarte berri honek ez du bere aurkezpen mezuan auzi horren inguruan daukan jarrera azaltzen, baina badirudi mutil-dantzetan soilik gizonezkoen parte hartzea bultzatu nahi duen elkartea dela.