Dokumentuaren akzioak
Albisteak
Abiatu dira maskaradak Santa Grazin
Otsailaren 6a eguzkitsu esnatu da Zuberoan. Santa Grazin ere eguzkitsu, baina hotz, goizeko lehen orduetan. Maskaradak kaleratu ahala, ordea, giroa berotzen joan da. Eguraldiak lagundu du hortaz, eta eskertu du bertara gerturatutako jende andanak. Zer esanik ez dantzariek, gorriek eta beltzek.
Inude eta artzaiak igande honetan Donostiako Alde Zaharretik
Aurten otsailaren 6an aterako da Donostiako Alde Zaharretik inude eta artzaien konpartsa. Kresala 1977. urtean hasi zen berriro kaleetan zehar konpartsa ateratzen, eta geroztik, fin aritu dira zita horrekin.
2011ko lehen maskaradak igandean Santa-Grazin
Aurten otsailaren lehen igandean hasiko dira maskaradak Santa Grazin. Herri horretako gazteek dute maiatzaren 15a bitarte astebururo maskaradak eskaintzeko ardura. Guztira hamabost emanaldi, ohiturari jarraituz lehena eta azkena Santa Grazin bertan izango dira.
Euskal dantzen ikastaroa hasi da Berlineko Euskal Etxean
Ia 40 lagun elkartu ziren pasa den ostiralean Berlinen, euskal dantzen ikastaroaren lehen saioan. Pasa den urrian jarri da martxan Euskal Etxea Berlinen, eta abian jarritako jardueren artean euskal dantza ikastaroa dago. Mikel Aristegi hasi da koordinatzaile lanetan. Lehen saioaren berri ematez gain bideo bat helarazi digu Unai Lauzirikak.
Mundu mailako dantza txapelketa Sadler´s Wells antzokiak antolatuta
Londreseko Sadler´s Wells antzokia mundu mailan punta-puntako agertokietako bat da dantzarientzat. Antzerki horrek Internet bidez egingo den mundu mailako txapelketa batetarako deialdia egin du edozein dantzari edo dantza talderentzat. Parte-hartzeko bideo bat grabatu eta Youtubera igo besterik ez da egin behar.
Tailerra Cesc Gelabertekin profesionalak ez diren dantzarientzat
Cesc Gelabert koreografoak hurbilketa koreografikorako tailerra eskainiko du Dantzaldia 2011 programaren barruan. Tailer hori bi zatitan zatituko da eta profesionalak ez diren dantzarientzat zuzendua dago. Bizkaia Aretoan (Paraninfo UPV/EHU) ospatuko den ekitaldi horrek matrikula edo sarrera doakoa izango du.
Dantza sustatzeko Jaurlaritzaren 2010ko diru-laguntzak
Koreografia sorkuntzarako, dantza lanen ekoizpenerako, bira artistikoetarako eta formakuntzarako 2010an eman dituen diru-laguntzen zerrenda argitaratu du Eusko Jaurlaritzak. Denera 365.000 Euro eman ditu deialdi honetan Eusko Jaurlaritzak, iaz baino 14.000 gehiago.
Philippe Saire konpainia Euskalduna jauregian izango da
Datorren otsailaren 5an, larunbata, arratsaldeko 20:00tan hasita, Philippe Saire konpainiak Lonesome Cowboy lana eskeiniko du Bilboko Euskalduna Jauregian. Lan hori izango da "Dantzaldia 2011" jaialdiari hasiera emango diona.
Lakuntzako alkate-dantza 2011
Urtarrilaren 20an, San Sebastian eguna zen Donostian, San Saastianak Lakuntzan. Data horrekin ospatzen da alkate-dantza urtean lehenengoz Lakuntzan, bigarrengoz, aldiz, Korpus egunean. 70.hamarkadan Deustoko Bihotz Alai dantza taldeak berreskuratu eta plazaratu zuen lehenengo aldiz Lakuntza bertan Alkate-dantza eta talde bera izan zen segidan herriko gazteei irakatsi ziena. Aurten Donostiataz ahaztu eta Lakuntzara joateko aukera izan genuen. Hona bertan bizitakoaren kronikatxoa.
Dantza eta Hezkuntza hizpide Katalunian
Katalunian, joan den uztailean, dantza eta hezkuntzaren inguruko lehen jardunaldiak ospatu ziren. Jardunaldi horiek dantzaren inguruko profesionalek eskola eta institutuetan izandako hartu-emanen ezagutzea eta trukaketa zuten helburutzat, eta orain, Dansacat.org web orrialdean jardunaldi horietan esandakoaren laburpena jaso dute.
Dokumentuaren akzioak