Dokumentuaren akzioak
Albisteak
Euskaldunak eta Dantza 8. ekitaldia: nor da nor
Urriaren 26an, 20:00etan, Bilboko Euskalduna Jauregian ospatuko da Euskaldunak eta Dantza 8. ekitaldia. Alicia Amatriain, Alexander Jones, Asier Uriagereka, Bernice Coppieters, Ion Agirretxe, Cristina Casa, Jon Ugarriza, Bilboko Katedraleko Musika Kapera, Sara Etxebarri, Celia Davila eta Andoni Aresti izango dira protagonista nagusiak. Baina... Nor da nor?
Daniel Abreu: Beste aurpegi batzuk, beste arrasto batzuk
Urriaren 21 eta 22an, Daniel Abreu Konpainiaren `Otros Rostros, Otros Rastros ́ dantza ikuskizuna izango dugu La Fundición-en (Bilbao) Lan hau ikusle heldu eta familientzako Antzoki Sare Alternatiboko Dantza eta Antzerki Garaikidearen X. Zirkuituan sartuta dago, eta botorik gehien jaso du dantza kategorian.
Sortutakoak 3 deialdia zabaldu du Gipuzkoako Dantzaguneak
Sortutakoak 3 programaren oinarriak argitaratu ditu Gipuzkoako Dantzaguneak. Deialdia mugimendu-arteen eremuan egindako sorkuntza eta ikerkuntza proiektuei zuzenduta dago eta oraingo honetan haurrei zuzendutako proiektuak bultzatzeko deialdi berezia izango da.
1.666 sinadura dantzan.com-en alde
1.573 norbanako eta 93 elkarte/talde/erakunderen atxekimendua jaso du momentuz dantzan.com-en aldeko babes gutunak, eta jarioa ez da oraindik eten. Bitartean, prest daude dantzan.com-en aldeko hurrengo ekimenak.
Dantza protagonista
Egun handia da gaur Durangoko dantzari eta dantzazaleontzat. Eguerdiko 12etan Udaletxeko balkoian izango dira Tronperri, Txoritxu-Alai eta Kriskitin dantza taldeetako ordezkariak pregoia irakurtzen eta txapligoa isiotzen. Gainontzeko partaideok plazan izango gara, pozaren pozez txaloka eta saltoka.
Dantza modernoa eta garaikidea hitzaldi dantzatu batean
Toni Jodar dantzari eta koreografo katalana Leioan izango da urriaren 18an, performance berezi batekin. Hitzaldi dantzatu baten bidez dantza klasikotik abiatu, eta dantza moderno eta garaikidearen bilakaera azaldu eta dantzatzen ditu.
Dantzarien bidea, Zaldibiatik Iruñera oinez, egingo dute berriz Kemen-ekoek
XIX. mendean, Zaldibiako dantzariek San Ferminetan dantza egiteko, Iruñerako bidea oinez, mendiz, egin izan zutela gogoratuz, Irungo Kemen dantza taldeko kideek ibilbide bera egin zuten orain bost urte. Orain, taldearen 40. urteurreneko ospakizunekin hasteko gauza bera egingo dute. Bihar, urriak 12, abiatuko dira Zaldibiatik oinez, igandean Iruñera iristeko asmoz.
Euskaldunak eta Dantza 8. Jaialdia
Munduko Top 100 dantzarien artean auden Alicia Amatriain donostiarra eta Asier Uriagereka mungiarra izango dira aurtengo ekitaldiko izar gonbidatu handiak. Euskaldunak eta Dantza jaialdietan hirugarren aldiz parte hartuko du Uriagerekak, eta emanaldiaren bukaeran ABBE 2012 saria jasoko du. Donostia 1813 balletaren estreinaldia izango da ikuskizuneko gailurretako bat. Jon Ugarrizak egin du koreografia eta Barcelona Ballet-eko Ion Agirretxek dantzatuko du.
Haur folklorea liburu-DVDa, argitaratu da azkenean
Aspaldi egindako lan interesgarria da hau, hainbat arazoren ondorioz, luzaroan kaxoian izan dena argia ikusi gabe. Baina orain bai, Eusko Ikaskuntzaren Folklore Sailaren Jentilbaratz aldizkariaren 13. zenbakiarekin argitaratu da "Haur folklorea Euskal Herrian. Irakaskuntzako materialak", Emilio Xabier Dueñas eta Josu Larrinagaren eskutik.
Bordon-dantzari buruzko dokumentala grabatu du Udaberrik
Tolosako dantza talde taldeak San Joan eguneko dantza-festaren inguruko dokumentala grabatu du eta datorren urriaren 20an egingo du DVDaren aurkezpena. Dantza taldearen 55. urteurreneko ekitaldien baitan egin dute bordon-dantzaren ikus-entzunezkoaren grabaketa eta edizio lana Tolosako dantzariek.
Dokumentuaren akzioak
