Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Haur folklorea liburu-DVDa, argitaratu da azkenean

Dokumentuaren akzioak

Haur folklorea liburu-DVDa, argitaratu da azkenean

2012/10/10 11:26
Haur folklorea liburu-DVDa, argitaratu da azkenean

Umeen soka-dantza Donostian, XX. mende hasieran. Arg. Fototeka Kutxa.

Aspaldi egindako lan interesgarria da hau, hainbat arazoren ondorioz, luzaroan kaxoian izan dena argia ikusi gabe. Baina orain bai, Eusko Ikaskuntzaren Folklore Sailaren Jentilbaratz aldizkariaren 13. zenbakiarekin argitaratu da "Haur folklorea Euskal Herrian. Irakaskuntzako materialak", Emilio Xabier Dueñas eta Josu Larrinagaren eskutik.

Orain 15 urte inguru (1997an), Bizkaiko Dantzarien Biltzarraren ekimenez, haur folklorearen inguruan lan egiteko lan-talde bat antolatu zen. Talde horretako kideak ziren Emilio Xabier Dueñas, Estibaliz Pertika, Andonio Luzuriaga, Joseba Martinez, Angelz Perez eta Josu Larrinaga. Lantalde honen eskaini zuen Haur Folklorea izeneko lehen ikastaroa. Ikastaroa zenbait aldiz errepikatu ziren, eta ikastaroen osagarri zenbait material prestatzen joan ziren. Eusko Ikaskuntzako Folklore sailaren babesean lanari segida eman zioten Emilio Xabier Dueñas-ek eta Josu Larrinagak, eta liburuska, musika CD eta bideoen DVDarekin osatuta utzi zuten material osoa. Edizio, finantzazio eta administrazio arazoen ondorioz atzeratzen joan da argitalpena, baina azkenean argia ikusi du Eusko Ikaskuntzaren eskutik.

Haur folklorea Euskal Herrian. Irakaskuntzako materialak

Lanak biltzen dituen testuak, irudiak eta DVD-bideoa 4 eta 14 urte bitarteko neska-mutilen irakaskuntza erabilgarri didaktikoa izan dadin prestatuta daude. Emilio Xabier Dueñas eta Josu Larrinagaren esanetan, "Lan honen filosofia, teoriaz zein praktikaz hornitua, irakaskuntza arautuaren irakasleei ez ezik, dantza-talde eta aisialdi-taldeen begiraleei ere zuzenduta dago. Baita XX. mendean zehar, gutxienez, bizi izan den historiaren beste zati hori ezagutzeko grina daukan pertsona orori ere."

Informazioa:

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.