Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Oier Araolaza

Orain arteko ekarpenak

Euskal Etxeetan bira kulturalak egiteko dirulaguntzak

2004/07/23

Munduan barrena dauden Euskal Etxeetara emanaldi kulturalak egiteko 2004an emango dituen dirulaguntzen zerrendan argitaratu du Eusko Jaurlaritzak.

Gehiago irakurri

Folklore Bizian Nazioarteko Jaialdia

2004/07/16

Galdakao-ko Andra Mari dantzari taldeak Folklore Bizian izeneko jaialdia antolatu du. Uztailaren 18tik 25era ospatuko da eta Txileko eta Eskoziako taldeak gonbidatu ditu.

Gehiago irakurri

Gauargi jaialdia Ezpeletan

2004/07/16

Nazioarteko dantzari gazteen jaialdia ospatzen ari da Ezpeletan. Uztailaren 18a bitartean Grezia, Costa Rica, Taiwan, Bielorrusia, Irlanda eta Senegaleko gaztetxoen dantza taldeak ikusteko aukera izango da.

Gehiago irakurri

Portugaleteko folklore jaialdirako etorritako taldeak han eta hemen

2004/07/15

Portugaleteko Elai-Alai taldeak antolatzen duen Folklore jaialdia laster hasiko da. Aurten Europako herrialde berriak izango dira jaialdiko protagonista, bai Portugaleten eta baita Euskal Herriko hainbat txokotan ere.

Gehiago irakurri

Morris dantzariak eta euskal dantzak

2004/07/10

Ez dut ezagutzen dantza munduan beren dantzen jatorriaz morris dantzariak baino jakinmin handiagorik duenik. XX. menderen hasieran morris dantzak ia erabat utzita zeuden Ingalaterran, baina Cecil Sharp eta beste ikertzaile batzuen ekarpenen ondoren beraiek "revival" bezala izendatzen duten berpizku...

Gehiago irakurri

Erromerien erokeria

2004/07/10

Argia, Oier Araolaza, 2004/07/09. Aurretik eta ondoren beste hainbat ekimen izan badira ere, nabarmendu nahiko nuke badirela ia 15 urte Gasteizko Folklore Eskolak hiri handi bateko plaza eder bat fandango, arin-arin eta larrain-dantzen dantzaleku bihurtzeko estrategia interesgarria bideratu zuela...

Gehiago irakurri

Pipe and Tabor jaialdia Ingalaterran

2004/07/08

Uztailaren 9tik 11ra, Nazioarteko Flauta (edo txistu) eta Danbor Jaialdia ospatzen da Stroud-en, Ingalaterran. Bertan, euskal txistua eta danbolina bezala, munduan barrena jotzen diren Pipe and Tabor aldaera desberdinak ezagutzeko aukera izaten da.

Gehiago irakurri

Webgunea berritu du Txistulari Elkarteak

2004/07/08

Euskal Herriko Txistularien Elkarteak bere webgunea berritu du. Agendako ekitaldiak eta albiste berriak hobeto ikusteko aukera eskaintzen du diseinu berriak.

Gehiago irakurri

Tio Javier, ttunttunero ijitoa

2004/07/08

Tio Javier, edo Javier Echeverria, 1830eko hamarkadatik 1908ra, 70 urte baino gehiagoz, San Ferminetako erraldoien konpartsari ttunttunaren musika jartzen ibili zen. 97 urte zituen erretiroa hartu zuenean.

Gehiago irakurri

Jalgi Hadi dantzara Berrizen

2004/06/18

Berrizko Iremiñe dantza taldearen 35. urteurrena dela eta Berrizen egingo da "Jalgi Hadi dantzara" Euskal Erromeria Nazionala EDBren laguntzarekin.

Gehiago irakurri

Orain arteko erantzunak

proposamena da

2008/11/13

Kaixo Joseba, Gipuzkoako DAntzarien Biltzarra eta Ikerfolk elkarteekin koordinazio lana egitea gure proiektuaren egitasmoan jasotzen da, baina hori oraindik ez da gauzatu. Lan horrekin hasten garenean jarriko gara kontaktuan bi elkarte horiekin gure proposamena egiteko. Eskerrikasko.

meritua baino zortea

2008/02/12

Talai dantzariekin baserri batzuetako bidean ibili ahal izatea zorte handia da guretzat. Eskuzabalik hartu gaituzte eta dantza tradizionalen beste aurpegi bat, izugarri ederra gainera, ezagutzeko eta bizitzeko aukera eman digute. Testu, argazki eta bideoekin han ikusitakoaren zati bat ezagutzera ematen saiatzen gara, baina disfrutatu, bertara joanda disfrutatzen da...

Koko-dantzan ikasi nahian

2008/01/21

Mundiala Antton, hau gozatua hartu dudan zure testua irakurtzen, ederra benetan! Eta arrazoiz betea. Baserritarrak mozorrotzean jantzi eta bizi egin izan dute, mozorroaren ibilkera eta piztikeriak erditzen dituzte natural-natural. Kalekumeekin metafora bila gabiltza etengabe, gure etxeetan National Geograficeko tigreak hurbilago baititugu azeria eta basurdea baino. Gure herrian, Eibarren, mozorrotzea koko-janztea da, eta kokoak intsektuak dira, zomorroak, momorroak. Umeak bildurtzera kokua, koko-marrua eta mamorruak etortzen dira. Koko-dantzan ikasi nahirik gabiltza gu orain. Eskerrikasko!

Gureak ondo daude

2007/10/20

Kaixo Sebastien, guk bi diska erosi genituen eta biak ere ondo daude. Mutxikoen urratsak ongi entzuten dira. Eskerrikasko!

Aspaldiko

2007/10/12

Aupa Patxi, aspaldiko bai!! Pozten naiz dantza-kontuak erabat ahaztu ez zaizkizula ikusteaz!! Askotan komentatzen dugu, dantzari ibilbidea osatuta, eta beste kontu batzuekin jarraitzeko, dantzari aktibo estatusa atzean uzten duen jendea sektore honekin kontaktuan jarraitzea da gerta dakiguken gauzarik onena. Urte asko behar dira dantzari buruz zerbait ikasteko eta heldutasun minimo horretara iritsi eta erabat alboratzen bada alorra berriz ere hutsetik hasten da zikloa. Kemen-en zortedun dira zu moduko jendeak ez duelako taldearekin kontaktua eten, eta aldian behin horrelako oxigeno baloiak ateratzen dituelako txisteratik. Ondo segi!!

Ideia polita

2007/10/10

Niri ere oso ideia polita iruditzen zait. Lagunarteko txango-emanaldi modura antolatu duten itxura dauka, baina kanpora begira ere oso ekimen interesgarria da, ohikotik ateratzen dena. Nik uste dut badugula horrelako ekitaldi imajinatiboen beharra, rutinak hautsi eta ia-agortuta ditugun eredue oxigeno piskat emateko.

Uste dut oraingo honetan giharren luzaketa ariketak inoiz baino garrantzitsuagoak izango direla. Animo!

Dantza puntuatzen...

2007/07/29

Hasteko Zorionak Añorgako dantzariei. Ez daukat zalantzarik beraien maila bikaina izango zela.

Arkaitz, niri ere sortzen zaizkit zalantzak dantzak puntuatzerako orduan. Baina ez zuk aipatzen dituzun arrazoiengatik. Pentsatzen dut lehiaketa horietan ez direla dantzak berak epaitzen baizik eta dantzen ejekuzioa ari direla baloratzen. Zuk zalantzak dituzu taldeko lehiaketekin, baina horiek baino askoz ere zalantzagarriagoak diren binakako eta banakako lehiaketekin ez duzu inolako arazorik, are gehiago, horietan parte hartzen duzu! Ez al du horrek ba zerikusia izango, horietan parte hartzen duzulako horiek justifikatzeko modua aurkitu duzula?

Lehen ere eztabaidatu izan dugu aurresku eta dantza solte txapelketen inguruan dantzan posta zerrendan eta horren inguruko testu batzuetara loturak uzten dizkizut hemen, horietan ere gauzak horren argi ez daudela ikus dezazun.

http://www.dantzan.com/edukiak/banakako-dantza-txapelketak/ http://www.dantzan.com/hemeroteka/txapelkeriak

Ondo segi, oier.

EDBren blog berria

2007/07/29

Bai, egia esan bitxia da EDBk Interneten daraman politika. Webguneak sortu eta sortu, baina badirudi bakoitza bere kasa ari direla eta esango nuke batzuk nahiko utzita daudela. Orain 8-9 urte Gipuzkoako EDBk sortu zuen EDBren lehen webgunea. Gero Iparraldeko EDBk beste bat sortu zuen. Bazirudien euskaldantzarienbiltzarra.com izango zela EDBren webgune nagusia eta han jarraitu ahal izango genituela EDBren ekintzen nondik norakoak. Baina handik gutxira Arabako Dantzarien Biltzarrak berea sortu zuen. Gerora Bizkaiko Dantzarien Biltzarrak Dantzanet sortu du, eta orain arteko guztien artean biziena berau izango zela zirudien, baina momentuz erritmo gora-behera handiak erakutsi ditu. Bitartean Iparraldeko EDBk bloga jarri du martxan eta beraien zuzendaritzaren bilera guztien berri ematen dute bertan, alde horretatik behintzat transparentzia lezio ederra ematen ari dira. Eta orain EDB nagusiak beste blog bat sortu duela ikusten dugu. Jakina da EDBko ordezkaritza bakoitza elkarte autonomoa dela, baina bere ekintza eta komunikazio saiekeretan "batasun" irudi bat trasnmititzeko ahalegina egin izan da. Interneten ordea bakoitza bere kasa dabilela ikusten da.

Hona helbideen bilduma EDBren sarean ez galtzeko...

Arabako Dantzarien Biltzarra: http://www.arabadantzarienbiltzarra.com/ Bizkaiko Dantzarien Biltzarra: http://www.dantzanet.net/ Euskal Dantzarien Biltzarra: http://www.euskaldantzarienbiltzarra.com/ Iparraldeko EDBren bloga: http://www.iedb.blogspot.com/ EDBren bloga: http://dantzariak.blogia.com/

batez ere dantza garaikidea

2007/06/26

Aurreko urteetan emandakoak ikusita badirudi batez ere dantza garaikidea sustatu nahi izaten dela diru-laguntza horiekin. Hala ere deialdian nik ez dut aurkitu dantza motari buruzko aipamen zehatzik. Estiloari dagokionez "bira artistikoen" atalean bakarrik dago aipamen bat:

"Ezin izango dira diruz lagundu jarduera hauek: – Izaera amateurra duten dantza folklorikoko erakustaldi edo jaialdietan parte hartzeko proiektuak."

Euskaltzaindiaren arabera Bilbo

2007/04/18

Euskaltzaindiaren arabera Bizkaiko hiriburuaren euskal izen ofiziala Bilbo da: http://www.euskaltzaindia.net/jagonet/galdera.asp?hizkuntza=eu&id;=447