Dokumentuaren akzioak
Zer egin behar dugu tradizioarekin?
![Oier Araolaza Oier Araolaza](https://dantzan.eus/kidea/oier/@@images/4630fd7e-49b9-462b-b61c-b25024f7ab2b.jpeg)
Txutxin ez zen itzul-ingurutan ibiltzekoa. Dantza-maisuengandik gorputzaren ezagutza izatea espero da, baina zientzialariak behin eta berriz ari zaizkigu gogorarazten buru-adimena bera gorputzetik abiatzen dela. Txutxin Irizar ezagutzean mugimenduak zer nolako xehetasun mailarekin ikusi eta definitzeko gai zen ikusteak harritu ninduen. Eta are gehiago, mingaina oinak bezain azkar dantzatzen zuela ohartzeak.
Antolaketa gaitasuna
Antolaketareko gaitasun handia zuela argi geratu da: Oñatz taldea nola egituratu eta osatu duen, Korpus egunean dantzariak eta prozesioko parte guztiak nola koordinatzen zituen, kofradiaren egitekoak eta antolaketa-lanak xehe-xehe zehaztuta nola utzi duen... pertsonak, espazioa eta denboran antolatzeko gaitasun harrigarria zuen. Sinesten dut dantzaren zuzendaritzan jarduteak lagundu ziola antolaketa gaitasun hori garatzen.
Azkartasuna
Horrekin batera, Txutxinen buru-argitasun eta abiadura harrigarriak inpresionatu ninduen. Ikusi egiten zuen jokaldia eta bi hitzetan iragartzen zuen: zehatz, lehor. Urbeltzek beti esan digu: "euskal dantzariak diana egitera behartuta gaude". Txutxinek dardo bakarra nahikoa zuen beti. Lehenengoan asmatzen zuen.
"Dantza tradizionala nola ikusten duzu gaur egun?" galdetu nion. 2005eko ekaina zen. Korpus eguna pasa berritan Berriarako elkarrizketatu nuen. "Hemen taldeek gauza berriak egin nahi dituzte, dantza berriak sortu eta horiek dantzatu" erantzun zidan. Eta galdera itzuli zidan bueltan: "denok gauza berriak egiten hasten bagara, zer egin behar dugu tradizioarekin?".
Berria zahar
Susmoa dut Berriako kultura saileko arduradunari ez zitzaiola gustatu elkarrizketa. Dantzari eskaini zitzaion tarte hura bertan behera utzi zutenean Txutxin-en elkarrizketa aipatu zidan adibide moduan, era horretakoak ez zituela ikusten Berrian. Oker zegoen nire iritziz. Txutxin-ek merezi zuen elkarrizketa hura eta merezi zuen hil-ondoko aitortza ere.
Dokumentuaren akzioak
Erantzun
![Oier Araolaza Oier Araolaza](https://dantzan.eus/kidea/oier/@@images/1af4423f-b2e7-471a-b060-3a3a6916e908.jpeg)
Oier Araolaza
Dantzaria naiz. Eibarko Kezka eta Donostiako Argia taldeetan aritzen naiz batez ere, eta Elgoibarko Haritz taldean ikasi nuen zenbait urtez. Dantzan elkartean egiten dut lan, dantzan.eus editatzen, eta dantzaren komunikazioa, dokumentazio, formakuntza eta kudeaketa lanetan oro har.
Blog honetako testuen lizentzia: CC-BY-SA
Alegia, kopiatu, aitortu eta baldintza beretan zabalzazu!
Jasotako azken erantzunak
- Nekane Barandiaran on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Alex Hormaechea Wray on Dantza utzi du lagunek burla egiten diotelako
- Patxi Montero on Dantza utzi du lagunek burla egiten diotelako
- Oier Araolaza on "Dantzaren industria" oximoron bat da
- Patxi Montero on "Dantzaren industria" oximoron bat da
- Oier Araolaza on Eta orain zer?
- Xabier Etxabe on Eta orain zer?
- Aritz Ibañez Lusarreta on Eta orain zer?