Dokumentuaren akzioak
Memoria argitzera zatoz neregana
Googlen zerbitzari-gune horietako bat... Gurea piskat (baina piskat, e!) txikiagoa da.
Memoria arazo latzak ditugu. Memoria digitalaz ari naiz, ordenagailu, zerbitzari eta disko gogorretan gordeta dugun horretaz. Dantzan.eus-en azken hamalau urteotan pilatu zaizkigunak 16 Terabyte-ko (horietatik 15 bideoetan) tamaina dute. Elkarte txikia gara, eta beste batzuekin alderatuta kantitate txikia da gure zerbitzarian daukaguna, baina nahikoa baliabide urriekin funtzionatzen duen elkarte bati burukomina emateko.
Gure artxiboa euskal kulturaren ondaretzat daukagu, dokumentazioaz gain milaka dantza ekitaldiren irudiak baititugu bertan. Baina hori ongi gordetzea ardura eta dirua da. Ziur aski beste hainbat elkarte, kulturaren eta ezagutzaren alor desberdinetan lanean dihardutenak antzera dabiltza, etengabe zerbitzariak eta disko-gogorrak erosiz, eta memoria eta babes-kopia zerbitzuak ordainduz. 20 Tb-eko memoria digitala erabilgarri izatea ez da beste munduko ezer izango, baina guretzat burukomin eta diru dezente ekartzen dizkigu horrek.
Euskal kulturaren alorrean dihardugunok diru-laguntzak eskatzen dizkiegu normalean erakunde publikoei, baina kasu honetan, iruditzen zait zerbitzua bera eskatu dezakegula. Gure zerbitzarietan ditugunak euskal kulturaren ondarearen parte badira, horien gordetze eta babeskopia interes publikokoa da. Badira gordailu digitalak eta segurtasun kopiak sarean, lainoan, izateko aukera ematen duten zerbitzuak. Garestiak dira baina. Zergatik ez dute erakundeek kultur elkarteon zerbitzurako gordailu digital bat eskaintzen? Elkartu gaitezke hainbat elkarte eta honelako proposamen-eskaera bat aurkeztu Jaurlaritzari? Beste inork badu arazo hau bere elkartean?
Dokumentuaren akzioak
Erantzun
Oier Araolaza
Dantzaria naiz. Eibarko Kezka eta Donostiako Argia taldeetan aritzen naiz batez ere, eta Elgoibarko Haritz taldean ikasi nuen zenbait urtez. Dantzan elkartean egiten dut lan, dantzan.eus editatzen, eta dantzaren komunikazioa, dokumentazio, formakuntza eta kudeaketa lanetan oro har.
Blog honetako testuen lizentzia: CC-BY-SA
Alegia, kopiatu, aitortu eta baldintza beretan zabalzazu!
Jasotako azken erantzunak
- Patxi Montero on Dantza utzi du lagunek burla egiten diotelako
- Nekane Barandiaran on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Alex Hormaechea Wray on Dantza utzi du lagunek burla egiten diotelako
- Patxi Montero on Dantza utzi du lagunek burla egiten diotelako
- Oier Araolaza on "Dantzaren industria" oximoron bat da
- Patxi Montero on "Dantzaren industria" oximoron bat da
- Oier Araolaza on Eta orain zer?
- Xabier Etxabe on Eta orain zer?
Baina ... zuek egin duzuen lan eskerga horren balioa zapaldu gabe izan dadila!
Ogasuna zuena da eta denontzat zabaltzen duzue, euskal kulturaren presentzia mundu zabalera hedatuz!
Mesedez! Arazoari erantzun publiko bat hain langile diren ekintzaile, euskaldun eta dantzazale hauei!
Eta egoera honetan egongo diren hainbat erakundeei ere!