Dokumentuaren akzioak
Inozente eguna, eroen festak eta zoro feriak
Oier Araolaza
Eroen festa, 1500, Pieter Bruegel Zaharra.
"Festa stultorum" edo "Eroen festak" daude ziur aski abenduaren 28a, Inozente Eguna, txantxekin ospatzearen jatorrian. San Nikolas, Eguberri eta Gabonzar artean ospatzen ziren egun horiek inauteri erako festak ziren: mozorroak, oturuntza neurrigabeak, dantza, kantu eta antzerki satirak, txintxarri, ezkila, turuta, leherkari eta gehiegikeriak.
Eliz-barrutietan egun batez hierarkia irauli egiten zen. Monagillo bat Apezpiku izendatu eta kleroa haren esanetara jartzen zen. Obispilloaren festan (San Nikolas, abenduaren 6an) ikus daiteke ohitura horren aztarna. Alegiazko "gotzain" horrek katedraleko eserleku nagusia hartzen zuen eta bedeinkazio zentzugabeak ematen zituen. Apaiz nagusiek, berriz, behe-mailakoen lanak egin behar zituztela simulatzen ibiltzen ziren.
Gaur egun pentsaezina bada ere, Erdi Aroan jaia katedral eta eliza barruetan ospatzen zen: meza parodiatzen zuten, latinaren ordez soinu arraroak eginez edo testu barregarriak irakurriz. Aldare gainean bertan jaten eta edaten zuten, eta mozorrotuta dantzan ibiltzen ziren elizaren barruan.
Egunotan zenbait herritan (Zestoan abenduaren 26an, Deban urteberriko lehen igandean,...) ospatzen diren "Zoro feriak" garai bateko "Eroen festen" azken aztarnak lirateke, beraz.
Dokumentuaren akzioak
Erantzun
Oier Araolaza
Dantzaria naiz. Eibarko Kezka eta Donostiako Argia taldeetan aritzen naiz batez ere, eta Elgoibarko Haritz taldean ikasi nuen zenbait urtez. Dantzan elkartean egiten dut lan, dantzan.eus editatzen, eta dantzaren komunikazioa, dokumentazio, formakuntza eta kudeaketa lanetan oro har.
Blog honetako testuen lizentzia: CC-BY-SA
Alegia, kopiatu, aitortu eta baldintza beretan zabalzazu!
Jasotako azken erantzunak
- Patxi Montero on Dantza utzi du lagunek burla egiten diotelako
- Nekane Barandiaran on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Alex Hormaechea Wray on Dantza utzi du lagunek burla egiten diotelako
- Patxi Montero on Dantza utzi du lagunek burla egiten diotelako
- Oier Araolaza on "Dantzaren industria" oximoron bat da
- Patxi Montero on "Dantzaren industria" oximoron bat da
- Oier Araolaza on Eta orain zer?
- Xabier Etxabe on Eta orain zer?
