Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Oier Araolaza Dantza eta genero-identitatea aztertzen dituen doktore-tesiaren defentsa

Dokumentuaren akzioak

Dantza eta genero-identitatea aztertzen dituen doktore-tesiaren defentsa

2020/03/03 15:25
Dantza eta genero-identitatea aztertzen dituen doktore-tesiaren defentsa

Argazkia: Vicente Martin / Kutxateka CC BY-NC 4.0 2015

Coronavirusaren aurreko neurriak direla eta bertan behera geratu da doktore-tesiaren aurkezpena. Data berria ezarri bezain pronto jakinaraziko dut.

*********

Datorren martxoaren 20an, euskal dantza eta genero-identitatea aztertuz egin dudan doktore-tesiaren aurkezpena eta defentsa egingo dut UPV/EHUren Leioako kanpusean. Euskal dantzetan indarrean izan ditugun genero-identitateak eta rol estereotipatuak noiz eta nola eraiki ziren ikertu dut doktore-tesian. 

UPV/EHUren Mikel Laboa katedraren bekarekin egin dut ikerketa eta Ikusentzunezko Komunikazioa eta Publizitatea sailaren Gizarte Komunikazioa doktorego programaren baitan aritu naiz. Leire Ituarte eta Nerea Aresti izan ditut zuzendariak eta epaimahaia honakoek osatuko dute: Melania Moscoso (CCHS), Xabier Itzaina (Sciences Po Bordeaux) eta Miren Llona (UPV/EHU). 

Urriaren 14an erregistratu nuen tesia eta matrikularen inguruko gatazka administratibo bat dela medio atzeratu egin da aurkezpena, baina azkenean arazoak konponduta 2020ko martxoan izango da ekitaldia. Doktore-tesien defentsak ekitaldi publikoak izaten dira eta sarrera irekia izaten dute. Hori bai, epaimahaiak bere balorazioak agertu ondoren aretoan direneei ekarpenak egiteko aukera eskaintzen zaie, baina hitza hartzeko aukera doktore titulua dutenek soilik izaten dute.

Doktore-tesiaren defentsa

  • Tesiaren izenburua: Genero-identitatea euskal dantza tradizionalaren eraikuntzan.
  • Doktoregaia: Oier Araolaza Arrieta
  • Tesi-zuzendariak: Leire Ituarte eta Nerea Aresti
  • Epaimahaia: Melania Moscoso (CCHS), Xabier Itzaina (Sciences Po Bordeaux) eta Miren Llona (UPV/EHU).
  • Data: 2020ko martxoaren 20an, 11:00etan
  • Tokia: Gizarte eta Komunikazio Zientzien Fakultateko Auditorioan. Euskal Herriko Unibertsitatea (Leioa).

Oier Araolaza doktore-tesiaren defentsa

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Oier Araolaza

Oier Araolaza

Dantzaria naiz. Eibarko Kezka eta Donostiako Argia taldeetan aritzen naiz batez ere, eta Elgoibarko Haritz taldean ikasi nuen zenbait urtez. dantzan.eus-eko editore lanetan aritu naiz zenbait eta urtez gaur egun dantza eta generoaren inguruko ikerketa lanean ari naiz EHUn Mikel Laboa Katedraren babesarekin, eta Dantzertin euskal dantzako eskolak ematen ditut.

Blog honetako testuen lizentzia: CC-BY-SA
Alegia, kopiatu, aitortu eta baldintza beretan zabalzazu!
Babestu dantzan.com