Hemen zaude: Hasiera Komunitatea Kezka dantza taldea Santa Kurutz 2017: Soka luzatzen

Dokumentuaren akzioak

Santa Kurutz 2017: Soka luzatzen

2017/06/30 11:25

Tiraka, animoka, estututa izan ditugu azken urteotan Santa Kurutzeko gazteak, sokan sartzen jendea animatzen ez zela eta, lotsatu egiten omen ziren. Baina batzutan naturaltasun kontua besterik ez da lotsa kentzearena, eta azken bi urteotan horrela egin dira gauzak Mandiola auzoko Santa Kurutz gainean, giro onean, dantzan, natural!

Aurreko urtekoa txikia izan ez bazen ere, gogoan dugun sokarik luzeena osatu zuten maiatzaren 7an inguruetako baserrietatik eta kaletik ermitara hurbildutakoek. Idoia Lahidalga eta Maitene Fariñas zerbitzariek ez zuten lan gogorrik egin behar izan soka osatzeko, gerturatutakoak azkar heldu baitzioten elkarri eskutik.

2017 05 07 Eibar SantaKrutz 8767 IZ
Argazkia: Iñaki Zugasti-Dantzan CC-BY-SA

Oihane Llorente aurresku eta Leire Andikoetxea atzesku zirela gauzatu zen soka-dantza, eta hasi bezain pronto hara! berriro gertatu zen! txapela ermita gainera! hori ere tradizio bilakatzen hasi zaigu Santa Kurutzen, eskerrak auzokoek desafioko lehen notak entzun orduko eskailera prest izaten duten! 

2017 05 07 Eibar SantaKrutz 8752 IZ
Argazkia: Iñaki Zugasti-Dantzan CC-BY-SA

2017 05 07 Eibar SantaKrutz 8845 IZ
Argazkia: Iñaki Zugasti-Dantzan CC-BY-SA

 Desafio, zubi, zortziko, agur, fandago eta arin-arin, kalejira... lanean fin aritu ziren denak, dantzari eta musikariak. Aurten ere, Usartzako txistulari lagunak izan ditugu gu dantzan jartzen: Enrike Montero, German Ereña, Asier Kastelos eta Ainhoa Urkizu hain zuzen ere.

2017 05 07 Eibar SantaKrutz 8777 IZ
Argazkia: Iñaki Zugasti-Dantzan CC-BY-SA

2017 05 07 Eibar SantaKrutz 8792 IZ
Argazkia: Iñaki Zugasti-Dantzan CC-BY-SA

2017 05 07 Eibar SantaKrutz 8822 IZ
Argazkia: Iñaki Zugasti-Dantzan CC-BY-SA

Gure lanak amaitu baziren ere giroak ez zuen inola ere amaitzeko asmorik eta jateko eta edatekoen artean jolasean, kantuan eta dantzan jarraitu zuen Santa Kurutzek.

2017 05 07 Eibar SantaKrutz 8840 IZ
Argazkia: Iñaki Zugasti-Dantzan CC-BY-SA

Iñaki Zugastik Santa Kurutzen ateratako argazki sorta zabalagoa ikusteko, egin klik hemen: 

Santa Kurutz 2017

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Santa Kurutz 2017: Soka luzatzen

Argazkia: Iñaki Zugasti-Dantzan CC-BY-SA

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com