Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Ipuruan ere eskilara mekanikoak inauguratzen

Dokumentuaren akzioak

Ipuruan ere eskilara mekanikoak inauguratzen

Kezka dantza taldea Kezka dantza taldea
2006/10/11 11:47
Badugu lan piskat eskailera mekanikoekin. Herriko kale aldapatsu guztietan (ba al dago aldaparik gabeko kalerik Eibarren ala?) jartzen ari dira eskailera mekanikoak, eta martxan jartzen den bakoitzarekin inaugurazio ekitaldia eta aurreskua egin behar. Han eta hemen azaldu izan dugu eskailera mekaniko batzuen aurrean dantza egitearen absurdua, baina Udalak ez du protokolo hori gauzatzeko beste osagai egokiagorik aurkitzen, eta guk ez dugu Udalarekin dugun lan-harreman giro ona hautsi nahi.
2006-10-07_EskilaraMek-Ipurua_6266
Arrateko dantzetatik hasita, soka-dantzaraino, dantzari-egun, dantza eskola, plazara-dantzara eta abarreko ekitaldi guztietan behar dugun laguntza (azpiegiturazkoa zein ekonomikoa) eskaintzen digu Udalak, eta aurten gainera Flandriako bidairako ere laguntza berezia eman(go) digu. Guk behar dugunean Udalaren laguntza izaten dugu, eta beraz, legezkoa dirudi haren eskaerei erantzutea, noizean behin zentzu handirik gabeko saioren bat egin behar bada ere. Hala ere, ahal dugunean jarraituko dugu ekitaldi horren inguruko gure kezka agertzen.

Oraingoan Ipuruako eskailera mekanikoak inauguratu dira, urriaren 7an izan da, eta Ander Fernandez-ek egin ditu dantzari lanak Usartza udalaren txistulari taldeak lagunduta. Argazkia Iñaki Zugastirena da.

Dokumentuaren akzioak

aritz
2006/10/12 09:02
Erakunde publikoek badute erantzunkizunik dantza taldeen bizirautean. Normalean, kulturaren alde muxutruk ari den jendearen lana sustatu beharko lukete.

Zuen estekei jarraituz aspaldiko testu batzuetara heldu naiz, non talde batzuek ezkontzetan arkuak egitetik finanziatzen baitiztuzten haien buruak. Niri ez zait hori duina iruditzen, baina batzutan beste erremediorik ez dago.

Horregatik uste dut erakunde publikoek dantza taldeei (eta beste alor batzuetako taldeei ere) laguntza ekonomiko handiagoa eman beharko lieketela haien bizirautea bermatzeko.

Gaur egun, tamalez, hori luxua da, beraz, aprobetxatu.
oier
2006/10/16 11:52
Saiatzen ari gara ekitaldi zehatzen bidez Udalari ikustarazten gure jardunak haien laguntza merezi duela, eta jardun zehatz horietarako eskatzen dugu dirua, ez dugu taldearen biziraute hutserako eskatzen. Herriko jai nagusietan eta auzoetan dantzatuz, eta elkarte desberdinen eskaerei erantzunez zerbitzu publiko bat betetzen dugula frogatu nahian gabiltza. Arazoa da, gure ustez zenbait protokolotan (eskailerena adibidez) gure parte hartzeak ez duela zentzurik gure ustez, baina Udalak ez duela berdin ikusten hori eta egoki ikusten duela bertan dantza egitea. Ez dugu gaizkiulertzerik eragin nahi (alegia, ez dantzatzea erabaki eta Udaleko ordezkariek beraien aurkako erabakia dela pentsatzea) eta beraz, gure jarrera ulertuko duten ziurtasuna ez daukagun bitartean zapuak jaten jarraitu beharko dugu.

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com