Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Hungariatik kaldereroen zartagin hotsak

Dokumentuaren akzioak

Hungariatik kaldereroen zartagin hotsak

Euriaren mehatxupean iritsi zitzaizkigun aurtengoan kaldereroak, beste behin, baina hala ere ez zioten metal hotsak ateratzeari utzi eta, abestuz, ongi etorria emateari utzi.

2014-02-28_kaldereroak-eibar_8068_IZ

Urkizun batu ginen ohiko dugun legez; zartagin, kazola, mailu, pandero eta eztarriz kaldereroan konpartsan parte hartu nahi izan zuen oro. Euriaren mehatxueri entzungor, zortzirak jo eta, Ustekabe txarangaren erritmora eta Jose Miguel Laskurainen burruntzaliaren gidaritzapean, martxan jarri zen konpartsa. Eguraldiak lagundu ez arren, kalderero talde ederra ikus zitekeen Arragueta kalean gora, eta Toribio Etxeberriara bidean ikusleak ezker-eskuin. Ibilbidearen erdiak eginda hartza eta hezitzailea batu zitzaizkion konpartsari.

2014-02-28_kaldereroak-eibar_8081_IZ

Deporren parera iritsita geldialditxo bat egin zuen taldeak dantzaren bat edo beste emateko baina, euria bera omen dantzarako gogoz eta korrika Untzagako karparaino mugiarazi gintuen arineketan.

2014-02-28_kaldereroak-eibar_8096_IZ

Ozta-ozta kabitzen ziren kalderero guztiak karpapean, Ustekabekoak, ikusleak eta seme-alaberi argazkiak egiten ahalegintzen ziren guraso tematiak. Kaldereroek kantuan jarraitu zuten bertan eta hartzaren ikaraldiren bat edo besteren artean hungariar dantza eta israeldar dantza dantzatu zituzten.

2014-02-28_kaldereroak-eibar_8191_IZ

Karnabaletako pregoiaren ostean irradaka bat eta atzetik kauteren dantza eman ziren hartzaren inguruan. Dantzaren bukaeran hartza hil eta karpatik atera zuten kauterek. Berriz datorren urtean piztuko delako esperantzarekin, Kezkako kalderererook Deporreko izkinan tradiziozko argazkia egin genuen.

2014-02-28_kaldereroak-eibar_8217_IZ

Hona hemen Iñaki Zugastiren argazki gehiago ikusi eta, nahi duenak, jeisteko.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com