Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Handia filmean parte hartze txiki bat

Dokumentuaren akzioak

Handia filmean parte hartze txiki bat

Handia filmean parte hartze txiki bat

Handia (2017) filmaren kartela.

Gaurtik aurrera hainbat zinetan ikusi daiteke Altzoko Handiaren inguruan Jon Garaño eta Aitor Arregik zuzendu duten Handia filma. Kezka, Haritz eta Argiako zenbait dantzarik pelikularen errodajean parte hartzeko aukera polita izan genuen. Filmaren azken muntaketan parte hartutako eszena nahiko laburtuta geratu da, baina esperientzia aberasgarria izan da zinez.

Handia filmaren errodajea ezkontza
Handia filmaren errodajea. Argazkia: David Herranz.

Ezteietan, bazkalosteko dantzaldian parte hartu genuen Argia, Kezka, Haritz eta Duguna dantza taldeetako zenbait dantzarik eta musikarik dantzan.com-ek koordinatuta. Zehazki hauek aritu ginen bertan: Joxemari Irastorza txistulari lanetan, Beñat Lopez atabalari, eta dantzariak Fernando Aristizabal, Mertxe Ibañez, Ainhoa Larrañaga, Josu Garate, Eire Vila, Oier Araolaza, Olaiz Agirrebeña, Esther Kareaga, Enrike Izagirre, Ane Sarasketa, Izar Araolaza, Izaro Bernedo, Ekain Araolaza eta Maule Bernedo. 

Handia dantzari eta musikariak.
Handia filmaren errodajean parte hartutako dantzariak eta musikariak, Beizama, 2016-04-25.

1847 urte inguruan kokatzen da eszena, eta beraz, garai hartako ezaugarriak kontuan hartu ziren xehetasun txikienetan ere. Doinuak, dantzak, dantzakera, janzkera, musikarien tresnak... Beizamako Lete baserri ederrean egin zen grabaketa, filmeko lantaldeak zoragarri zaindu gintuen eta esperientzia ederra izan zen. 

Handia filma Eibarren

Filme bikaina da eta gomendatu nahi dizuegu guztioi ikustera joatera. Bihar, urriak 21, larunbata hasiko da eskaintzen Handia filma Eibarren, Coliseo antzokian. Hona asteburuan izango diren aukerak:

Larunbata 21
17:00 1 ARETOA
19:45 ANTZOKIA
22:30 ANTZOKIA

Igandea 22
17:00 1 ARETOA
20:00 ANTZOKIA

Astelehena 23
20:30 ANTZOKIA

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com