Hemen zaude: Hasiera Komunitatea Kezka dantza taldea Eibarko Dantzari Eguna 2015

Dokumentuaren akzioak

Eibarko Dantzari Eguna 2015

2016/04/28 10:00

Ekainaren 12an ospatu genuen Eibarren 2015eko dantzari eguna eta Kezka dantza taldeko dantzari txiki, gazte zein helduek parte hartu genuen bertan. Untzaga plazan ospatzen dugu urtero dantzarion egun hau, baina aurtengoan eguraldia nahasi zegoela eta ezin izan genituen Eibarko kaleak dantzaz bete. Honela, 19:30ean Mogel Isasi Ikastetxeko patioko aterpean plazaratu genituen dantzok guraso, familiako, lagun eta ikuslez inguratuta.

Portaleko dantza gelan arropak ondo-ondo atondu eta Txantxa zelaiko kioskoan taldeko argazkiak aterata igo ginen dantzari guztiok Isasin gora erdi korrika, euri zaparradak harrapatu gintuen-eta.

Enrike Izagirrek aurkeztuta, hamaika dantza sorta plazaratu genituen bata bestearen atzetik, eta, amaieran denok batera kalejiran bukatu genuen emanaldia. Musikari lanetan Andoni Altzibar (txistua), Amaia Baglieto (txistua) eta Jose Miguel Laskurain (txistua eta gaita), Iñaki Barua (atabala), Andoni Urbieta (gaita), German Ereña (danborra), adolfo Jainaga (esku-soinua) eta Unai Narbaiza (panderoa) ibili ziren beti bezain fin. 

Kezka, Dantzari eguna 2015: Musikuak
Argazkia: Felipe Loiola. Dantzan, CC BY-SA

Emanaldia 2003an jaiotako neskek hasi zuten, Gipuzkoako dantzen sorta batekin. Horien eskutik, agurraz, makil-txikiekikoaz eta zinta-dantzaz gozatzeko aukera izan zuten bertaratutakoek.

Kezka, Dantzari eguna 2015: Talde argazkia N-2003
Argazkia: Iñaki Zugasti. Dantzan, CC BY-SA

Kezka, Dantzari eguna 2015: 2003 dantzan
Argazkia: Iñaki Zugasti. Dantzan, CC BY-SA

Txikienek, 2008an jaiotako neska mutilek, jarraitu zuten gero. Festarako gogoz etorri ziren beraien lehenengo dantzari egunean eta bi dantza alai eskaini zituzten Sasikopaitsu eta Elosutik Etxesarkortara doinuak dantzatuz. 

Kezka, Dantzari eguna 2015: Talde argazkia N-M 2008
Argazkia: Iñaki zugasti. Dantzan, CC BY-SA

Kezka, Dantzari eguna 2015: 2008 dantzan
Argazkia: Felipe Loiola. Dantza, CC BY-SA

Urtebete nagusiagoek, Inude eta Artzaien dantzak egin zituzten, dotore.

Kezka, Dantzari eguna 2015: Talde argazkia N-M 2007
Argazkia: Iñaki Zugasti. Dantzan, CC BY-SA

Kezka, Dantzari eguna 2015: 2007 dantzan
Argazkia: Iñaki zugasti. Dantzan, CC BY-SA

2006ko neska mutilen txanda iritsita, Aduna eta Andoaingo axeri-dantza ikusteko aukera izan zuten bertan bildutakoek. Dantzaren zenbait zati eskaini zituzten: Paseoa, Aitarena, Orratzarena, Ilentiarena, Paseoa, Perra-jartzea, Dorrea eta Kalejira.

Kezka, Dantzari eguna 2015: Talde argazkia M-N 2006
Argazkia. CC BY-SA

Kezka, Dantzari eguna 2015: 2006 dantzan
Argazkia: Felipe Loiola. Dantzan, CC BY-SA

Kontra-dantzen jira eta birek ere izan zuten lekua 2015eko dantzari egunean. Luzaideko kontra-dantzak; lehena, bigarrena eta polka-pik egin baitzituzten 2004ko neskek.

Kezka, Dantzari eguna 2015: Talde argazkia N-2004
Argazkia: Iñaki Zugasti. Dantzan, CC BY-SA

Argazkia: Felipe Loiola. Dantzan CC BY-SA

Gorularien bi dantza, arku-dantza eta zinta-dantza eskeini zituzten ondoren 2005ean jaiotako neskek. Eta jarraian, urte bereko mutilek Villabuenako makila-dantzetako bi egin zituzten: Te vi eta Bailaos.

Kezka, Dantzari eguna 2015: Talde argazkia N-2005
Argazkia: Iñaki Zugasti. Dantzan, CC BY-SA

Kezka, Dantzari eguna 2015: N- 2005 dantzan
Argazkia: Iñaki Zugasti. Dantan CC BY-SA

Kezka, Dantzari eguna 2015: Talde argazkia M-2005
Argazkia: Iñaki Zugasti. Dantzan, CC BY-SA

Kezka, Dantzari eguna 2015: M 2005 dantzan
Argazkia: Iñaki Zugasti. CC BY-SA

Lapurdira jauzi egin genuen orduan eta bertako fandangoa ikusteko aukera izan zen 2001eta 2002ko nesken eskutik.

Kezka, Dantzari eguna 2015: Talde argazkia 2001-2002
Argazkia: Iñaki Zugasti. Dantzan, CC BY-SA

Kezka, Dantzari eguna 2015: 99-2000 dantzan
Argazkia: Felipe Loiola. Dantzan, CC BY-SA

Eta Lapurditik Nafarroara, Lesakara. 2002, 2003 eta 2004ko mutilez osatutako taldeak Lesakan egiten diren dantzen sorta ederra ekarri zuten. Zubirik ez zegoen patioan baina berdin berdin osatu zuten sortatxoa. Hauek egin zituztenak: makil-gurutze, ziarkakoa, zubigainekoa eta zantzo monona.

Kezka, Dantzari eguna 2015: Talde argazkia M- 2002-2003-2004
Argazkia: Iñaki Zugasti. Dantzan, CC BY-SA

Kezka, Dantzari eguna 2015: M 2002 -2003-2004 dantzan
Argazkia: iñaki Zugasti. Dantzan, CC BY-SA

Nagusien taldeak Arrateko trokeo-dantzekin sartu aurretik Irradaka eskaini zuten neskek, 1999-2000 urteetan jaiotakoek.

Kezka, Dantzari eguna 2015: Talde argazkia M-N 2000-2001-2002
Argazkia: Iñaki Zugasti. Dantzan, CC BY-SA

Kezka, Dantzari eguna 2015: N 2000-2001-2002 dantzan
Argazkia: Felipe Loiola. DAntzan, CC BY-SA

Emanaldiari osatzeko, Kezkako nagusienen taldeak hartu zuen plaza lehenengo. Hauek Arrateko trokeo-dantzak erakutsi zituzten: Makil txikiena, makil handiena eta brokel-makilena. Kalejira batekin amaitu zuten beraien tartea, eta inguruko dantzari txiki eta gazte guztiak sokara batuta bete-bete egin genuen Mogel Isasiko patioa, hurrengo urtean Untzagako plaza berdin betetzeko gogoarekin.

2015-06-12_Eibarko-Dantzari-Eguna_5977_IZ.JPG
Argazkia: Iñaki Zugasti. CC BY-SA

Kezka, Dantzari eguna 2015: Kalejira
Argazkia: Iñaki Zugasti. Dantzan, CC BY-SA

Hona Felipe Loiola eta Iñaki Zugastiren argazkiek osatutako galeria:

Dantzari Eguna 2015

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Eibarko Dantzari Eguna 2015

Argazkia: Iñaki Zugasti - Dantzan.eus CC BY-SA

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com