Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Eibar 1937: 80 urte ikuskizunaren kronika

Dokumentuaren akzioak

Eibar 1937: 80 urte ikuskizunaren kronika

Eibar 1937: 80 urte ikuskizunaren kronika

Argazkia: Amaia Rodriguez - dantzan.eus -CC BY-SA

1937ko apirilaren 25ean bonbardatu zuten Eibar hegazkin nazionalek, sei hilabetez gerrako frontea bertan izan ondoren. 80 urte pasata, egun hura gogora ekarri duten ekitaldietan parte hartu du apirileko azken egunetan Kezka dantza taldeak.

 MG 2420
Argazkia: Amaia Rodriguez - dantzan.eus -CC BY-SA

Apirilaren 28an eta 29an, ostirala eta larunbata hurrenez hurren, ikuskizun berezi baten bidez oroitu dira Eibarren gerra zibilaren inguruko gertakari eta ezbeharrak. Jesus Gutierrez historigilea hizlari zela, herriko zenbait elkartek hitzaldia dramatizatu zuten Coliseo Antzokian lehenengo eta Untzaga Plazan ondoren. Josu Mugikak koordinazio artistikoarekin Nerea Arriola biolinista, Marisol Arrillaga soinujolea, Biraka Dantza Taldea, Koro Gaztea, La Novena, Lekim Animazioak, Itzamna, Legarreko Musika Sormenerako Gunea, José Luis Valenciaga, herriko zenbait aktore eta gu ,Kezka Dantza Taldeako dantzariak aritu ginen lanean.

 MG 2456
Argazkia: Amaia Rodriguez - dantzan.eus -CC BY-SA

 MG 2461
Argazkia: Amaia Rodriguez - dantzan.eus -CC BY-SA

Ordu eta erdi inguruko ikuskizunean errepublika garaiko Eibar, frontea, setioa eta gerra osteko Eibarren ingurukoak kontatu ziren 4 ataletan. Garaiko bideo, argazki, lekukoen ahots, atzerki, dantza eta Gutierrezen hitzek bideratu zuten ikuskizuna eta bi egunetan Coliseo Antzokia eta Untzaga plaza jendez lepo egon ziren.

Kezka 1937ko Aberri Eguneko erromerian

1936ko uztailean hasi zuen sarraskia gerrak, eta 1937an horrek bere bidean zirauen arren, Eusko Jaurlaritzak aberri eguna ospatzea erabaki zuen. Martxoaren 28an zenbait herri jai giroan murgildu ziren, eta horietako bat izan zen Eibar. Goizaldetik hasita meza, txirrindularitza, pelota partidak, harrijasotzaileak eta dantzak izan ziren Eibarren eta hor, dantza horiek gogora ekarri nahian izan ginen gu ere.

Eibar 1937: 80 urte AR_2428
Argazkia: Amaia Rodriguez - dantzan.eus - CC BY-SA

Eibar 1937: 80 urte AR_ 2453
Argazkia: Amaia Rodriguez - dantzan.eus - CC BY-SA

Soltean aritu ginen dantzan, irudiotan ikus daitekeen bezela, garaiko erropekin festa egun handirako atonduta. Fandangoa taldeka, bikoteka, jiraka, eta bueltaka egin genuen, festan, alai. Hau amaitu ostean elkarri eskua emanda soka osatu eta kalejiran utzi genuen antzezlekua. Hilabetera bonbardatu zuten Eibar.

 MG 2492
Argazkia: Amaia Rodriguez - dantzan.eus -CC BY-SA

Hemen ikuskizun horretan egindako parte-hartzearen argazki gehiago:

Eibar, 1937: 80 urte

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com