♫♪Caldereros, somos de la Hungria, que venimos en tren especial!♫♪

Aratusteetako ostiralean iritsi ohi dira Kaldereroak Eibarrera, eta aurten ere halaxe egingo dute, otsailaren 24an, arratsaldeko 19.30etatik aurrera. Kezka dantza taldearen ekimenez Hungariako kaldereroen jaiak, kantuz eta dantzaz berrituko du tradizioa. Aurtengoan gainera, bidaide bereziak izango dituzte kaldereroek. Altsasuko inauterietaz gozatu ahal izango da kaldereroekin batera ostiral arratsaldean. Galdakaoko Andra Mari dantzari taldea Eibarren izango da Kezkak eta Eibarko Udalak gonbidatuta, eta talde horrek orain 25 urte berreskuratu zuen Altsasuko inauteria ekarriko du Eibarrera.

Kaldereroei dagokionez, hauxe izango da aurten egingo den ibilbide eta ordutegia:

• 19.30etan Kaldereroen elkartzea Urkizuk parkean.
• 20.00etan Urkizutik abiatuko dira kaldereroak Untzagaruntz.
• Ibilbidea: Urkizu, Bittor Sarasketa, Estaziño, Errebal, Toribio Etxebarria eta Untzaga.
• 21.00etan Untzagan, aratusteetako pregoia
• 21.10etan Kaldereoen kanta eta dantzak.
• 21.15etan Hartzaren dantza, heriotza eta berpiztea.

Kaldereroen konpartsa ohiko pertsonaiek eta taldeek osatuko dute:

• Kalderero dantzari eta kantariak
• Kalderero musikariak
• Hartza eta domadorea
• Pantxika astoa eta kaldereroen gurdia

Urtero bezala herriko hainbat taldek parte hartuko dute Kaldereroen etorreran:

• Kezka dantza taldea
• Kezka dantza eskola
• Etakitto euskara elkartea
• Ustekabe fanfarea
• J.B. Gisasola Musika Eskolako ikasleak
• Jainagaren trikitixa eskola
• Txolarte
• Lagunartea

Kaldereroen etorreraren ohitura Eibarren 1991an berreskuratu zen eta ordutik hutsik egin gabe izan ditugu hungariako ijitoak aratusteetan. Baina aurretik ere, 1930eko hamarkadan, atera ohi ziren kaldereroak Eibarren. Hona hemen Eibarko Kaldereroen jaiarekin lotutako beste zenbait informazio interesgarri

• Kalderereroak Eibarren historia laburpena
• Eibarko kaldereroetan kantatzen diren abestiak
• Altsasuko Inauteriak Galdakaoko Andra Mari taldearen eskutik.