Orain arteko ekarpenak
Ederlezi pastoralari buruzko dokumentala
2014/04/03
Elsa Ines-Oliarj errealizatzaile zuberotarrak Ederlezi pastoralaren lehen agerraldiaz dokumentala egin du. 2013ko Xiru jaialdian, Gotainen, estreinatu zen Nicole Lougarot-ek idatzi eta zuzendutako Ederlezi pastorala. Prestaketa lanen eta estreinaldiko irudiekin osatu du Elsa Ines-Oliarj-ek honako dokumentala. Kanaldudek sareratu du ia ordubeteko iraupena duen ikusentzunezkoa:
Herri Dantza lehiaketa antolatu da Donostian
2014/04/03
Bagera euskaltzale elkarteak eta Udaleko Musika eta Dantza Eskolak erromeria antolatu dute eta bertan Herri dantza lehiaketa burutuko da. Maiatzaren 17an, arratsaldeko 18:30ean, Donostiako Konstituzio Plazan egingo dira erromeria eta Herri Dantza lehiaketa. Honela dio deialdiak:
50 urte Debako Euskal Jaia, euskal kulturaren aldarri erraldoia ospatu zela
2014/03/27
1964an, Oargi elkarteak Deban antolatutako Euskal Jaia, lozorrotik esnatzen ari zen hartzaren orro bortitzaren modukoa izan zen. Euskal nortasuna eta kultura aldarrikatzeko ekitaldi jendetsu eta arrakastatsu hura hurrengo hamar urteetan han eta hemen errepikatu ziren agerraldien sua piztu zuen. 1965ean errepikatu zen festa Deban, eta 50.000 lagun elkartu omen ziren bertan. Orduko kronika eta programa dakargu hemen.
Mendi Alde dantza taldearen omenezko eskultura inauguratu da Kabiezes-en
2014/03/25
Santurtziko auzoa da Kabiezes. Bertan, Serantes mendi magalean sortu zen 1961ean Mendi Alde dantza taldea. Mende erdiko ospakizunetan DEIA Hemendik Kultura Saria jaso zuen dantza taldeak, eta orain, Mendi Alde taldearen omenezko eskultura inauguratu da. Hain zuzen, taldearen arima diren Flores sendiko Andoni Flores-ek egin du lau metro garai den eskultura.
Gipuzkoako Dantzagunea Errenteriako egoitza berrian dago dagoeneko
2014/03/25
Astelehenean ireki ditu ateak Gipuzkoako Dantzagunearen egoitza berriak Errenterian. 2009an Gipuzkoako Foru Aldundiak Dantzagunea sortu zuenetik Donostian, Loiola auzoan, Artelekun izan du egoitza, baina ingurune hori uholdeetatik babesteko berregin eta Artelekuren eraikina bera eraitsi beharra gertatu da, eta beraz, Errenterian, Niessen eraikinean egokitu dute Diputazioak eta Errenteriako udalak Dantzagunearen egoitza berria.
Mov-s Bilbora iritsiko da maiatza bukaeran
2014/03/24
Dantzaren sustapenean eragiteko helburuarekin sortu zen Mov-s ekimenak. Zehazki, dantzaren alorreko sortzaile eta antolatzaileen artean zubiak eraikitzeko du xede. Bosgarren ekitaldia du 2014koa eta kongresu ibiltari tankera hartu du. Galizian egin du lehen geldialdia martxo hasieran, eta maiatzaren 30 eta ekainaren 1a bitartean Bilbon izango da. Programa artistiko zabal baten lagundu ohi ditu mintegiak, dantza eskaintza oparoa egin ohi duena.
Sardiniako Mamutzones-ak Iruñeko Folk Lore 2014 jaialdian
2014/03/21
Amaiur dantza taldeak antolatzen duen Folk lore 2014 jaialdia apirilaren 12 eta 13an izango da. Urtero bezala, larunbatean Iruñeko alde zaharrean eta igandean Uharten izango da jaialdia. Sardiniatik etorriko diren Samugheoko Mamutzones ikusgarriak izango dira Folk Lore jaialdian, Goizaldi, Amaiur eta beste hainbat talderekin batera. Hona egitaraua:
Getxoko Itxas Argiak dantza taldeak 50 urte beteko ditu aurten
2014/03/19
1964a, Getxoko Andra Mari auzoan, Itxas Argia Kultur Elkarteko zenbait kidek dantza taldea sortu zuten elkartearen baitan. Mende erdia ospatzeko hainbat jarduera antolatu ditu Getxoko dantza talde honek. Maiatzaren 10ean dantza taldean parte hartu duten guztiei omenaldia egingo zaie eta azaroan Itxas Argia eta bere lagun guztiak biltzeko festa handia antolatzea aurreikusi dute.
Balleta du ardatz Oskar Tejedorren Notak mugimenduan dokumentalak
2014/03/18
Malandain Ballet Biarritzek eta Euskadiko Orkestra Sinfonikoak elkarrekin egindako proiektu baten prestaketa lanak eta estreinaldiaren ingurukoak erakusten ditu Oskar Tejedor errealizatzaileak egindako "Notak mugimenduak" dokumentalak. 2013an Versaillesen, elkarrekin eskaini zuten bi taldeek Sergei Profokfiev-en Errauskine, eta erronka horren nondik norakoen testigantza da Tejedorren dokumentala. Dokumentalaren trailerra ikusi dezakezue hemen:
Mikelats dantza taldeak 20. urteurrena ospatuko du 2014an
2014/03/14
Atarrabiako Mikelats dantza taldea 1994an sortu zen, eta aurten 20. urteurrena ospatzeko, zenbait ekitaldi antolatu ditu. Argazki eta jantzi erakusketak, dantza emanaldiak eta ikuskizun berria besteak beste. Horra martxoa eta apirilerako aurreikusitako ekitaldi egitaraua:
Orain arteko erantzunak
Dantzan on Entradillak zer dira?
2021/01/29
Oier Solaguren: Kaixo! Ez dut uste ni lehenengoa izango naizen ohartzen. Baina entradillen musikak eta dantza pausoak... antzekotasuna dute Bizkaiko herri batzuetan egiten den "mahaiganekoa" dantzarekin. Gainera uste dut mahaiganeko delakoa askoz hedatuago zegoela antzina... agian dantza beraren bilakaera dira entradillak?
Dantzan on Dantza taldeen entseguak baimendu dituzte EAEn
2021/01/26
Eusko Jaurlaritzak EHAAn urtarrilaren 23an argitaratutako azken dekretuak hainbat murrizketa ezarri baditu ere zenbait alorretan, dantzari dagokionez ez da izan aldaketarik eta eitb.eus-ek jaso bezala: "Dantza-talde ez-profesionalen entseguak baimentzen dira, eta, nolanahi ere, zorrotz errespetatu beharko dira pertsonen arteko segurtasun-distantziaren, maskara erabiltzearen eta kontaktu fisikorik gabeko sei laguneko taldeen prebentzio-baldintzak."
Dantzan on Dantza taldeen entseguak baimendu dituzte EAEn
2021/01/22
Kaixo Leire, EAEko dekretuetan ikuskizuneri dagokionez ez dira profesional eta ez profesionalak bereizten. Hauek dira abenduaren 10ek dekretuak jasotako neurriak ikuskizunak egiteko:
2) Kultura-ikuskizunak egin ahal izango dira publikoarekin instalazio propioetan edo kirol-gune itxietan edo beste eraikin mota batzuetan, gehienez ere ehuneko 50eko edukierarekin, eta gehienez ere 400 pertsonarekin. Instalazioetan pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara erabiltzea nahitaezkoa izango da, nahiz eta pertsonen arteko segurtasun-distantzia 1,5 metrokoa izan. (Bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta).
3) Aire zabaleko kultura-jarduerak eta -ikuskizunak egitea baimentzen da, baimendutako edukieraren ehuneko 50eko gehieneko edukiera baimenduarekin, eta gehienez ere 600 pertsonara arte. Pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara nahitaez erabili beharko da, nahiz eta pertsonen arteko 1,5 metroko segurtasun-distantzia mantendu (bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta). Ikusentzuleak eserita egon beharko dira eta aulkia aurrez esleitzea eskatuko da. Artista-taldeei dagokienez, interpreteen arteko interakzioa baimenduta egongo da ikuskizunak irauten duen bitartean.
2) Kultura-ikuskizunak egin ahal izango dira publikoarekin instalazio propioetan edo kirol-gune itxietan edo beste eraikin mota batzuetan, gehienez ere ehuneko 50eko edukierarekin, eta gehienez ere 400 pertsonarekin. Instalazioetan pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara erabiltzea nahitaezkoa izango da, nahiz eta pertsonen arteko segurtasun-distantzia 1,5 metrokoa izan. (Bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta).
3) Aire zabaleko kultura-jarduerak eta -ikuskizunak egitea baimentzen da, baimendutako edukieraren ehuneko 50eko gehieneko edukiera baimenduarekin, eta gehienez ere 600 pertsonara arte. Pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira. Maskara nahitaez erabili beharko da, nahiz eta pertsonen arteko 1,5 metroko segurtasun-distantzia mantendu (bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta). Ikusentzuleak eserita egon beharko dira eta aulkia aurrez esleitzea eskatuko da. Artista-taldeei dagokienez, interpreteen arteko interakzioa baimenduta egongo da ikuskizunak irauten duen bitartean.
Dantzan on Dantza taldeen entseguak baimendu dituzte EAEn
2021/01/13
Nekane Arriaga: Muxiko dantza irakaslea naizenez, eskertzen da hartutako neurria.
Dantzan on Dantza taldeen entseguak baimendu dituzte EAEn
2021/01/12
Eskerrik asko Patxi. Bai, lehen orduan ez zegoen argitaratuta eta atzoko informazioarekin moldatu behar izan gara baina goiz erdian argitaratu da dekretua eta neurriak argiago daude orain.
Dantzan on Dantzaren sektore profesionalean emakumeek gizonek baino aukera gutxiago dituzte
2020/12/11
Aitortu behar dugu pena handiz irakurri dugula esaldi hau Jemima Canon txostenean: "Lehenik esan behar dugu Euskadin ez dagoela dantzan espezializatutako hedabiderik." Beraz, gu, dantzan.eus, ez gara existitzen?
Dantzan on Kantiniersak maka beltza ordezkatu zuen
2020/11/06
Marcel Bedaxagar: Marcellin Héguiaphalek kontatü zeitan istoria, xiberoko dantza zinez ontsa ezagützen bai eta hain ejerki dantzatzen düan berezilari baten ganik. La cantinière des mascarades souletines a remplacé une maquerelle au XIX°. Par un grand spécialiste (et danseur) des danses de Soule.
Dantzan on Erromeria izango da ardatza Inpernuko Poza jardunaldian
2020/10/28
Euskal Herriko Trikitixa Elkarteak esan du egoerak horrela eskatuta eta arduraz jokatu nahirik, Inpernuko Poza XVIII. Jardunaldia ateak itxita egingo dituela. Bi hitzorduak ordu berdinean mantenduko dira eta streaming bidez zabalduko dituzte edonorentzat ikusgai EHTEren sare sozialetan.
Dantzan on Erromeria izango da ardatza Inpernuko Poza jardunaldian
2020/10/22
Euskal Herriko Trikitixa Elkartetik adierazi digute goizeko hitzaldia Aikok grabatuko duela eta aurrerago beraien plataforman eta sare sozialetan argitaratzeko asmoa dutela. Arratsaldeko mahai ingurua, berriz, Trikitixa Elkarteak grabatuko du artxiboan jasotzeko, ez da argitaratuko.
Dantzan on Aurreskua eta dantzari-dantza 1946
2020/10/21
Aitor Gorostiza: Oraindik ez dugu zehazki identifikatu Barakaldoko zein tokitan egiten duten dantza bideoan, baina Barakaldo dela, ziur: txistularia, Luis Torre, eta pasarte txiki batean, banangoaren eta makil dantzaren artean, Barakaldoko orduko alkatea ikusten da, Jose Maria Llaneza, ondoan Retuerto auzoko apaiza duela, aita Angel Castro. Aurreskuarena Gerardo Goiriena barakaldarra dela esan digute. Bestalde, Enkarterri deritzan dantzakera egiten dute dantzariek, ikusten denez.
