Orain arteko ekarpenak

Errege egunetik aurrera hainat inauteri ospatu da dagoeneko, baina multzo handiena ohiko datetan izaten da, eta horiek aurten aste honetan izango dira. Hona hemen inauterien egutegia datozen egunotarako.

Dantza izango da protagonista ETBko programazioan gaur gauean. "Bi errepidean" saioan bi dantza mota jarriko dituzte aurrez aurre, Aisterrazuko erromeria eta dantza garaikidea. ETBko Kultura gauean berriz Andra Mari dantza taldea izango da protagonista.

Hilero dantzaldi irekia izango da Elgetan, Espaloia Kafe Antzokian, Patxi Monterok gidatuta. Nagusiki Euskal Herriko eta Europako dantza errazak eta atseginak egin zituzten atzoko lehen ekitaldian, eta erantzun zabala izan du deialdiak, inguruko hainbat herritatik hurbildu baitira dantzazaleak Elgetara.

Gipuzkoako Forun Aldundiaren enkarguz, Gipuzkoako jaiak generoaren ikuspegitik aztertu ditu Farapi enpresak. Genero ezberdintasunak ohikoak direla festa guztietan ondorioztatu dute. Donostia, Irun, Lezo, Antzuola, Legazpi, Tolosa, Zumaia, Bergara eta Errenteriako jai ekitaldiak ikertu dituzte, eta tartean dantza ospakizunak ere aztertu dituzte.

Inauteriak, kultur programaketa zabal batekin eta tradizioa eta sorkuntzaren inguruan ekarpenak egiteko asmoarekin lotzen ditu urtero Hartzaro jaialdiak Uztaritzen. Hitzaldiak, erakusketak, musika eta dantza jaialdiak, eta inauteria bera datoz aurtengo Hartzaron. Hona Hartzaro 2010-en egitaraua:

La Fundicion-ek Dantzaldia jaialdiaren XI. edizioa prest du dagoeneko. Mal Pelo, German Jauregi, Kafig edo Kukai dira 2010eko Dantzaldia jaialdian Bilbon ikusi ahal izango diren proposamenetako batzuk.

Inauteri garaian gaude eta ohi bezala garai hauetan nabarmen egiten dira Europako hainbat bazterretan egiten diren inauterien arteko antzekotasunak. Joaldunen ahaideak aurki ditzakegu han eta hemen, Hartzaren agerraldi eta dantzak, kapela konikoak, ezkontza itxurako estanpa barregarriak, heriotz eta berpizteak, e.a. Italiako museo bat Europako inauterien arteko antzekotasunen inguruko ikerketa lan bat burutzen ari da. Pelikula bat egin du horren inguruan eta hemen duzue trailerra.

Ahari Kultur Taldeak urteak daramatzak euskal inauterien inguruko lanak sustatzen. Erakusketa bat prest du eta erakusketa hori Bizkaian eta Nafarroan erakutsiko da asteotan. Elorrion aste honetan ireki da erakusketa eta Portugalete eta Mutiloa bisitatuko ditu gero.

Iparraldeko Dantzarien Biltzarretik jakinarazi dutenez, Errumaniako Cluj herrian, gutxitutako kulturen dantza jaialdi bat antolatzen da eta aurten Euskal Herriko talde bat nahiko lukete bertan. Abuztuaren 19tik 28ra izango da jaialdia.

Bi dantzari eta koreografo izango dira aste honetan ETB2ko Forum elkarrizketa saioan. Gaur goizean Mikel Aristegi elkarrizketatu du David Barberok bere saioan eta ostegunean Isabel Verdiniri egindako elkarrizketa eskainiko da.