Orain arteko ekarpenak

Euskal Herriko Dantza Profesionalen Elkarteak (ADDE) antolatuta, 3. topaketa profesionalak burutuko dira datorren azaroaren 3an, Bilbon, BAD jaialdiaren baitan. Ibilbideak eta hezkuntza esperientziak ardatz hartuta, Maria Muñoz, Filgi Claverie eta Natalia Mongek egingo dituzte aurkezpenak.

Viana eta Rubiok zuzenduta "Eguneko Menua" izeneko dantza lana eskainiko da gaur, urriak 20, osteguna, arratsaldeko 20:00etan Leioan, Kultur Leioa Auditorium-ena.

Eusko Jaurlaritzako Kultur Sailak urteak daramatza Dantza laguntzeko programak sustatzen. DANTZAN BILAKA programa hau, zehazki, ikus-entzuleei beren lanak erakutsi nahi dizkieten koreografo hasiberriei zuzenduta dago.

Juan Antonio Urbeltzen zuzendaritzapean, Argia dantzari taldeak Aunitz Urtez ikuskizun berria eskainiko du datorren urriaren 16an Bilboko Arriaga antzokian. Ezpata-dantzak, irradakak, soka-dantzak eta ingurutxoen inguruan apailatu du Urbeltzek ikuskizun berria.

2009ko urrian ospatu zen Euskal Koreografoen Berlingo 1. Jaialdia. 2011ko abendurako bigarren edizioa prestatu dute. Oraingoan, "Euskaldunak eta itsasoa" gaiarekin lotuta eta hiru egunetan zehar, euskal dantza garaikidea, literatura, zinema, musika esperimentala eta arte performatiboa bilduko dira Berlinen. Mikel Aristegi, Natxo Montero, Idoia Zabaleta, Natalia Monge, Noemi Viana eta Pantxika Telleriaren lanak erakutsiko dira abenduaren 9tik 11ra Berlinen.

Le Nouvel Observator egunkariko Raphael de Gubernatis-ek Maitaldiaren jarraipen estua egin du eta kronika luzea idatzi du ikusi eta bizitakoaren inguruan. "Iragan mamitsua eta erdipurdiko aktualitatea" titulatu du. Hitz zorrotzez idatzitako artikulua da, erdipurdiko dantza garaikidea babestu eta ondare tradizionala baztertzen ari den erakunde sistema gogor salatzen duena.

Urriko lehen igandean, Errosarioko Ama Birjinaren jaietan, dantzatu ohi da Ugarten ingurutxoa. Amezketako auzoa da Ugarte, Gipuzkoan dantzatzen diren ingurutxo bakanetakoa da bertakoa. Bestea, handik geratu dagoen Bedaio herrian dantzatzen da, eta biak ere, antzeko egitura dute.

2011 urtean zehar taldea sortu zela 50 urte direla ospatzen ari da Beskoitzeko Oinak Arin dantza taldea. Hori dela eta, Kanaldudek bideo-erreportajea prestatu du, taldeko zenbait dantzari eta arduradun elkarrizketatuz eta dantza emanaldietako irudiekin osatuz. Hemen ikus dezakezue.

Etzi, irailaren 29an, estreinatuko da Biarritzen 75 eta 90 urte bitartean dituzten hiru dantzarik, Oihanburu, Nesprias eta Zabalak dantzatuko duten Oroitzen naiz ikuskizuna. Mizel Theret-ek zuzendutako lanak euskal dantzaren historiaren parte diren hiru dantzari heldu jarriko ditu eszenatokian. Biarritzen eta Donostian ikusi ahal izango da Oroitzen naiz datozen asteotan.

Jeremy Carter-Gordon Ameriketako Estatu Batuetako dantzari eta musikari gaztea bat da. Etnokoreologia ikasketak egin ditu Boston-en, eta ikasketa bukaeran Europako ezpata-dantzak aztertzeko asmoz urtebetez kontinente zaharrean barrena bidaiatzen ari da. Eibar eta Beasainen izan ondoren, Markina-Xemein, Iurreta eta Elgoibarren izango da datozen egunetan.