Orain arteko ekarpenak
Dantzaldi eta dantza jaialdiak udan
2011/05/18
Dantza tradizionalak ikasi, landu eta konpartitzeko jaialdiak ugari izaten dira uda partean.Uda honetan Frantzia, Portugal, Belgika eta Espainian ospatuko diren zenbait dantza jaialdiren zerrenda prestatu du Patxi Monterok, eta tartean Euskal Herrian ospatzen den jaialdi txiki bat: Dantz´Hadi, Ahetzen.
Tiliñori omenaldia egingo zaio Trikitixa egunean
2011/05/18
Trikitxa eta euskal kulturaren alorrean lan handia egindako da Jose Jabier Abasolo "Tiliño" iurretarra, eta omenaldia egingo diote Euskal Herriko Trikitixa Egunean. Dantzaren alorrean ere oso ezaguna dugu Tiliño, Iurretako dantzari-dantza zuzpertzeko eta sendotzeko lan egin baitu, eta Euskal Dantzarien Biltzarrean aritu baita urte askoan.
El gran ball de Catalunya uztaila hasieran
2011/05/16
Datorren ekainaren 30ean hasi eta uztailaren 3an amaituko da lehen "Gran ball de Catalunya" jaialdia Kataluniako Sant Ferriol eta Besalu herrietan. Dantza programazio zabala antolatu du Les Quatre Soques elkarteak egun horietarako. Ikuskizunak, tailerrak, erromeriak... ez da dantzaz gozatzeko aukerarik faltako.
Tradizionala eta garaikidearen arteko zubiak dantzan
2011/05/13
Dantza tradizionala eta dantza garaikidea uztartzen dituzten proiektuen inguruko erreportajea idatzi du Iratxe de Arantzibia donostiarrak Valentziako "D Danza" aldizkarirako. Bertan, Kukai eta Aukeran aipatzen ditu kazetariak beste zenbait talde eta sortzailerekin batera. Tomas Aragay eta Sofia Asencio Bartzelonan
Ezpata-dantza aurkezpen militar moduan erabili zen Auzitegi Nazionalaren esanetan
2011/05/12
Tasio Erkiziari urtebeteko espetxe zigorra ezarri dio Auzitegi Nazionalak 2008an Argalaren omenaldian terrorismoa goratzea leporatuta. Omenaldi ekitaldian dantzatu ziren ezpata-dantza eta agintariena frogatzat jaso ditu sententziak, besteak beste ezpata-dantzak ekitaldi militarretan armak aurkezteko egiten diren ekitaldien antza duela argudiatuz.
Luzaideko bolantak Interes Kulturaleko Ondare izendatuko dituzte
2011/05/12
Nafarroako Gobernuak martxan jarri du Luzaideko bolant-dantzak Interes Kulturaleko Ondare izendatzeko prozesua. Luzaideko Udalak egin zuen eskaera, hainbat belaunalditan egindako lanaren errekonozimendu egiteko asmoarekin. 422 biztanleko herri batean 100 biztanle dantzan ateratzea kontuan hartzekoa dela aldarrikatzen du Luzaideko Udalak.
Boiseko Oinkari Euskal Herrira dator uztailean
2011/05/11
Oinkari Basque Dancers taldea Euskal Herriko hainbat herritan dantzan ikusteko aukera izango da datorren uztailaren 2 eta 11a bitartean. 1960. urtean Boisen sortu zen taldea dugu Oinkari, Estatu Batuetako euskal dantza talde sendoeenetakoa. Ez da gurera bisitan datozen lehen aldia, baina, orain arte inoiz ikusi ez badituzu, aurten, izango da horretarako aukera: Mungia, Gernika, Gasteiz, Añorga, Hendaia eta Galdakaon izango dira.
Dantza sustatzeko diru-laguntzen 2011eko deialdia
2011/05/11
Aurten, 2011. urtean, dantza sustatzeko diru-laguntzak emateko araubidea ezartzen duen Agindua onartu du Jaurlaritzaren Kontseiluak Kulturako sailburuaren proposamenez. Laguntzen gehienezko diru-zenbatekoa 348.000 euro izango da. Sorkuntza koreografikoak, dantza-lanen ekoizpena eta bira artistikoak, konpainien sendotzea eta profesionalen prestakuntza sustatzeko izango dira laguntza horiek.
Igor Urzelai, Budapest eta London artean dantzan
2011/05/10
Budapest eta London-en egoitza duen Bloom! dantza konpainia hasi berri da bere dantza ibilbidea osatzen. Gaurdaino bi lan estreinatu dituzte, City eta Tame Game. Bost dantzarik osatzen dute konpainia hau: Ingeles bat, hungariarrak eta italiar bat egoteaz gain, bada Beasaingo euskaldun bat ere Bloom-en: Igor Urzelai.
Iparraldeko euskal dantzaren egoeraren ikerketa
2011/05/10
Pariseko "Centre National de la Danse" zentroko Memoria eta Ikerketa zerbitzuaren zuzendari den Claire Rousierrek, Iparraldean euskal dantzaren egoera zein den ikertu eta txosten batean aurkeztu du Uztaritzen hainbat elkarte eta eragilerekin elkarlanean aritu ostean. Txostena eskuragarri duzue albistean bertan frantsesez.
Orain arteko erantzunak
Dantzan on San Bartolome de la Torre: Danza de las espadas
2014/12/06
Mila esker zuzenketarengatik Mikel! Ezpata-dantzako toki zehatzetan aritzen diren dantzarien izenak interesgarriak dira hemengoekin konparatzeko. Hemengo ezpata-dantzetan "guion" izendapena agertzen zaigu tarteka (Legazpin), edo maisu-zaharra ere bai (Xemeinen). Rabeoador-ik ez, baina hemen ezpata txikiekin aritzen direnei "azkendariak" esan izan zaie (taldearen bukaeran joaten direlako normalean).
Dantzan.com on Iruñerriko hirugarren Euskal Jaia maiatzaren 17an izanen da
2014/05/05
Eskerrikasko Aritz. Zuzendu dugu.
Dantzan.com on Goizueta: Inauteriak 1991
2014/02/26
Ttipi-Ttapan irakurri dugunez, pasa den larunbatean, garai batean zagi-dantza nola egiten zuten erakusten ibili da Joxe Mari Narbarte Goizuetako gazteei. Gaztetan dantza egindakoa da Joxe Mari Narbarte, eta bere esanetan oraingo gazteek oso desberdin dantzatzen dute eta beraiek nola egiten zuten erakusten aritu zaie.
https://erran.eus/goizueta/[…]eska-mutikoek-gazte-txokoan
https://erran.eus/goizueta/[…]eska-mutikoek-gazte-txokoan
Dantzan.com on Raices 14 - Ordizia: brokel-dantza 1973
2014/02/25
Jose Ignazio Ansorenak bideo honi buruzko hainbat argibide emanez idatzi digu. Berak txistulari gisan parte hartu zuela grabazioan eta 1973. urtean izan zela. Parte hartu zuten dantzarietako batzuren izenak ere eman dizkigu. Hona bere mezua: "Egia da KRESALA Taldeak grabatu zuela, 1973ean. Neu ere tarteko, oraindik ikasle besterik ez banintz ere, txistulari gisan. Baina besterik ezean... Nirekin batera aritu zen atabalaria, Pello Cuesta. Ongi gogoratzen naiz lekua nolakoa zen, baserri eder baten ondoan eta Ordizia herritik ez oso urruti, ez ordea, nola iristen zen ezta zein izen zuen ere. Mikelek aipatzen duen kontua, Goierri taldeari eskaini zitzaiola eta uko egin zuela, izan liteke oso garaiko kontua delako. Baina guk ez genuen horren berririk izan. Dantzariak hauek dira: Xabier eta Iñigo Arregi anaiak (hau orain pare bat urte hila), Iñaki Olano, Aitor Aizpurua, Xabier Sagastibeltza, Jose Ignazio San Jose, Leixa, Víctor Casín, Hippie, eta Xabier Otaegi, Txirri".
Dantzan.com on Dantza sustatzeko Jaurlaritzaren 2013ko diru-laguntzak
2014/02/14
2014ko otsailaren 14an ebazpen honen zuzenketa bat argitaratu da Euskal Herriko Agintaritza Aldizkarian. Sorkuntza koreografikoa alorreko diru-laguntzen zerrenda aldatu da, eta beraz, azken zerrenda honakoa da:
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor
Dantzan.com on Inauteriak 2014 oinarrizko egutegia
2014/02/09
Aipatu data egutegian sartu dugu jada, mila esker.
Dantzan.com on Inauteriak 2014 oinarrizko egutegia
2014/02/08
Mila esker abixatzearren, atxikitu dugu egutegira.
