Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Dantzarako sorkuntza zentroa egingo da Errenterian

Dokumentuaren akzioak

Dantzarako sorkuntza zentroa egingo da Errenterian

2013/01/10 15:40
Dantzarako sorkuntza zentroa egingo da Errenterian

Argazkiak: GFA eta Herri Bizia.

Arteleku utzi beharra dago, uholdeei aurre egiteko ingurune horretan egingo den eraldaketa urbanistikoaren ondorioz, eta Errenterian egokituko da Dantzagunea. Lekuona eraikina egokitu bitartean Niessen eraikinean ezarriko dira Diputazioak sustatzen dituen dantza jarduerak. Niessen eraikina egokitzeko 400.000 bideratuko dituzte erdi-bana Errenteriako Udalak eta Gipuzkoako Foru Aldundiak. 2015etik aurrera, Lekuonara pasako dira dantza jarduera horiek.

2012-01-10_Errenteria-Lekuona_GFA-2.jpg

Lekuona 2005etik hutsik dago eta 3.500 metro karratu dituen eraikina da. Arte eszenikoen gunea eta sortzaileek lan egiteko eta kudeatzeko espazioak prestatu nahi dituzte bertan. Eraikina kultura, dantza eta sorkuntza zentrorako egokitzeko 800.000 bideratzea aurreikusten da. GFAren oharrak dio Errenteriako udalak jarriko duela diru hori, eta Herri Bizian jasotzen denez, zati handi bat Diputazioak finantzatuko du. 2015erako bukatuta egon beharko dira zaharberritze eta egokitze lanak, eta orduan Dantzagunea, sorkuntzarako espazioak, eta dantza, arte eszenikoak eta gorputz espresioarekin lotutako jarduerak bertan egokituko dira. Gipuzkoako Foru Aldundiaren esanetan, "dantza mailan, Gipuzkoa osoari emango dio zerbitzua Lekuona zentro berriak".

2012-01-10_Errenteria-Lekuona_GFA-1.jpg

Ikerne Badiola, Gipuzkoako Kultura  Diputatuak adierazi duenez, Dantzagunean eskaintzen diren zerbitzuak eta baliabideak “indartu eta zabalduko dira handiagoa den eta hobeto komunikatuta dagoen espazio batera eramanaz”.

Dokumentuaren akzioak

2013/01/10 16:06
Kultura aurrekontuak murriztu eta murriztu dauden honetan pozgarria da horrelako albiste bat irakurtzea. Aipatutako kopuruak potoloak dira, oso argiak ez badira ere. Ondo ulertu badut, Niessen egokitzeko (bi urterako) 400.000 euro erabiliko dira eta bitartean Lekuona berritzeko 800.000. Guztira 1,2 miloi euro. Bada zerbait. Baina, oker ulertu ez badut, diru guzti hori adreilu, porlan, igeltsu, iturgin eta arotz lanetarako izango da. Orain ondo legoke jakitea kultur, dantza eta arte eszenikoen sorkuntza eta jardueretarako zenbat bideratuko den.

Erantzun

Erantzuna emateko identifikatu egin behar zara, gure webgunean erabiltzaile bat sortuz.