Orain arteko ekarpenak
1912ko Agintarien aurreskua gogoratu dute 100 urteren buruan Zarautzen
2012/09/23
1912an Zarautzen ospatu ziren Euskal Jaietan agintariek dantzatutako soka-dantza gogoratzeko aitzakian "Aurresku Zaharra" izenarekin dantza-soka atera dute irailaren 8an herriko dantza eta txistulari taldeek elkarlanean. Mende bete lehenagoko ekitaldia gogoan, azken hirurogei urteotan Zarautzen aurreskuaren tradizioari eutsi dioten Zarauzko dantza taldeetako kideak elkarrekin plazaratu dira soka-dantzan.
Zuberoako maskaradak 2012: hemen dira datak
2012/03/04
Apirileko lau asteburutan eta maiatzeko batean izango dira maskaradak aurten Zuberoan. Hoki, Muskildi, Urdiñarbe, Lexantzü, Barkoxe eta Gamere-Zihiga dira maskaradak hartuko dituzten herriak. Hona Zuberoako ikastoletako ikasle oihak prestatzen ari diren maskaradek izango duten egutegia:
dantzan.com itxi beharrean gaude
2011/12/30
Diru-laguntzen beherakada eta bestelako diru-iturrien urritzearen ondorioz, dantzan.com itxi beharrean aurkitu gara, ezin baitugu orain hamar urte abiatu genuen gune hau ekonomikoki mantentzen jarraitu. Ez dugu amore eman nahi, eta saiatuko gara finantzabidea eskuratzen lehenbaitlehen berriz martxan egoteko, baina bitartean, eta urtarrilaren 1etik aurrera webgunea ezingo dugu elikatzen jarraitu.
Dantza tradizionalaren dokumentazio mapa
2011/12/30
Dantzaren dokumentazio zentroaren eskaera sistematikoa izan da sektorearen aldetik azken urteotan. Eskaera horie aurre egin beharrean, luzamendutan ibili da administrazioa, eta saihetseko ihes horietako bat txostenak enkargatzea izaten da. Horrela enkargatu zitzaion Eusko Ikaskuntzari dantza tradizionalaren dokumentazio mapa bat egitea. Ikerketa bukatu ondoren, Jaurlaritzan, kajoi batean gordeta geratu zen eta han egin du urtebete. Txosten hori argitaratzea erabaki dugu, interesgarria delako, eta hasierako aldarrikapena nabarmen uzten duelako: euskal dantzaren dokumentazio zentro bat behar da.
Uztarrozeko ttun-ttunaren testigantzak
2011/12/29
1980ko hamarkadan, Galdakaoko Andra Mari dantzari taldeko kideak Erronkarira joaten hasi ziren bertako folklorea biltzera. Erronkariko ttun-ttunaren inguruko zenbait testigantza jaso zituzten eta horiek argitaratu berri dituzten beraien webgunean. Hona hemen 1986an egindako hiru elkarrizketa Uztarrozen, Eduarda Lorea, Dionisia Marco eta Fidela Bernat.
Baluarten dantzatuko du Iruñeko Oberenak -- Inuzentada izan da!!!
2011/12/29
Strauss Festival Orchestrak emango du urte berriko kontzertua Iruñeko Baluarte auditorioan, eta emanaldian, Oberena dantza taldeak bi adntza eskainiko ditu orkestrarekin batera. Urtarrilaren 6an izango da emanaldia. !!! Albiste hau inuzentada izan da, Oberenak egindakoak eta guk osorik irentsi duguna!!
Hona hemen "Jauziak" liburu+DVDaren zozketan sarituak!
2011/12/28
Migel Angel Sagasetaren "Jauziak. Urratsak eta partiturak" liburu+DVDaren bost ale eman dizkigu Gara egunkariak dantzan.com-eko irakurleen artean zozketatzeko, eta azken egunotan zozketan parte hartzeko izena emateko aukera eskaini ondoren egin dugu zozketa. Hona irabazleak:
Dantza dokumentazio fondoa martxan da Eresbilen
2011/12/27
Eresbil euskal musikaren dokumentazio zentroak dantzari dokumentazioa biltzen hasi da azken urteotan. Dantzaren alorrean zegoen behar bati erantzunez Eresbilek dantzaren fondo bat sortu du, eta zenbait liburu, dokumentu eta bideo biltzen hasi da. Noizbait Euskal Dantzaren Dokumentazio Zentroa sortzen bada, Eresbilek fondo hori bertara bideratuko luke.
Dantzaldia 2012 otsaila eta martxoan
2011/12/23
Dantzaldia jaialdia 2012ko otsaila eta martxoan Bilboko zenbait eszenatokitan aurkeztuko da. Edizio honetan aurkitzeko, eztababaidatzeko, gozatzeko, egiteko, konpartitzeko gauza asko dago... Sarrerak salgai daude dagoeneko Euskalduna Jauregiko txarteldegian.
"Jauziak. Urratsak eta partiturak" Liburu+DVDaren zozketa
2011/12/22
Migel Angel Sagasetaren liburu berriaren bost ale zozketatzeko eman dizkigu Garak, eta beraz, loteria berezia egingo dugu gaur. Idatzi zure datuak hemen eta "Jauziak. Urratsak eta partiturak" Liburu+DVDaren zozketan parte hartuko duzu. Bost sarituei etxera bidaliko dizuegu saria, "Sagaseta Olentzero"ren partez, baina hori bai, jauziak dantzatzen segi beharko duzue bizitza osoan!
Orain arteko erantzunak
Dantzan on Altzürükü 1982 Urdiñarbeko maskaradak
2018/04/18
Marcel Bedaxagarrek bideoari buruzko honako oharra bidali digu: "1982ko maskaraden bideoan (Urdiñarbetarrak Altzürükün) Gabota emaiten düen dantzariak Altzürükütarrak dütük (ahatzerik nüan hori eman züela). Urdiñarbeko gatüzainak ez dik seküla bunet gorririk üken! interresgarriena dük zibilez ari den dantzaria Jakes Abehera (Jaragoyhen) dela, Xiberoko dantzari ejerrenetarik eta hoberenetarik izan dena!"
Dantzan on Gaurtik aurrera dantzan.eus-eko bideoak telebistan
2018/03/28
Zozketan bi pertsonek hartu dute parte eta guk bi Chromecast ditugunez eskura, biak zorteko! Zorionak Imanol eta Iker, Chromecast bana zuentzat. Hemendik aurrera dantzan.eus-eko bideoak telebistaz ikusteko aukera ere izango duzue. Zuzenean jarriko gara harremanetan zuekin.
Dantzan on Sara Montiel euskal erromeria batean dantzan 1962
2017/11/21
Jon Mayak idatzi digu dantzan ari denetako bat bere aitona Felipe Maya dela esanez.
Dantzan on Folklorea uda garaian
2017/11/02
Ondoko ekarpena egin du Pablo Izagirrek gaiari buruz facebook-en:
"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.
"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.
Dantzan on Eltziegoko dantzak neska-mutilek dantzatzen zituztenekoak
2017/10/24
San Lorentzoko dantzariek gogorazi digute, sarrera honetako argazki bat euren buletineko lehenengo zenbakian argitaratu zutela, baita neskek lehengo aldiz dantzatu zutenekoa ere. Argazki horiei esker ikus dezakegu gizonek zein emakumeek dantzatuak izan direla Eltziegoko dantzak. Gerra aurretik gizonek dantzatzen zituztela azaltzen dute baina galdu egin zen ohitura, gerra ondorenean Sección Femeninak berreskuratu zituen dantzak, orduan hasi ziren emakumeak Eltziegoko dantzak dantzatzen. Irudietan ikusi dugu 1960ko hamarkadan gizon-emakumeek elkarrekin ere dantzatu izan zituztela. Buletinean, dantzarien arropen xehetasunak ere ageri dira. Lotura honetan irakur ditzakezue azalpen guztiak:
http://danzantesdesanlorenzo.com/boletin1.html
http://danzantesdesanlorenzo.com/boletin1.html
Dantzan on Kontra-dantzan 1967
2017/10/23
Bai, horixe adierazi nahi genuen ezohiko horrekin, dantzan-en ez ditugula maiz jartzen horrelakoak, kontra-dantzak jartzen ditugunean gehienetan testuinguru folklorizatuetakoak izaten baitira. Baina ez dugu esateko moduarekin asmatu. Mila esker!
Dantzan on Galtza luzeak jazteagatik 10 pezetako isuna
2017/10/16
Mila Garaik honako testigantza utzi digu facebooken: "Garai haiek...!!! Ni baino nagusixagoa den ahizpa izan zen gure etxien prakak jantzi zittuen lehena. Ekinien zebiltzenak ( orduen txarto ikusita zegoen eta ) aittek eta amak isildu eitxen zituzten " Bizkargire aldatz gora joaterakoan atzetik doazenak prakekin barruko erropak ez ziela ikusiko..." eta horrelakoak esanez. Orduen, ulie labur labur eroatie be ez zen ondo ikusten "mutilen moduen"... atxakixe- luziekin "guapiau" gauzela esanez. Ni neuk be ia 1967...rarte nahiko luzie eroan nuen..."
Dantzan on Prozesioetako dantzen eta "dantza luzeen" inguruko ikastaroa Cuencan
2017/10/05
Eskerrik asko, Mikel, jakinarazteagatik. Pena, bai.
Dantzan on Hernio: fandangoa 2009
2017/09/21
Eskerrik asko Patxi, ekarpenagatik.Bideoa orain 6 urte, 2011n, argitaratu genuen Dantzan.eus-en, Youtubetik jasota. Orain, Hernioko erromerien garaia dela aitzakia hartuta, duela urte batzuk argitaratutako sarrerak gogoratzeko erabiltzen dugun "dobla" atalarekin berriro zuekin partekatu nahi izan dugu.
Dantzan on Orain 75 urte, Orion, emakumeek dantzatu zuten aurreskua Kontxan lortutako garaipena ospatzeko
2017/09/14
Eneko eta zuri esker izan genuen Xabier, argazki horien berri duela urtebete. Mila esker!
