Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Bukatu da Soka erakusketa Eibarren; Euskal Dantzaren Museoa noiz?

Dokumentuaren akzioak

Bukatu da Soka erakusketa Eibarren; Euskal Dantzaren Museoa noiz?

2019/12/16 09:55
Bukatu da Soka erakusketa Eibarren; Euskal Dantzaren Museoa noiz?

Patxi Labordaren bisita-dantzatua Soka erakusketan, Dantzan Biharrianen, 2019-11-28. Argazkia: Jose Valderrey - Dantzan cc by-sa

Itxi ditu ateak Soka, euskal dantzaren urratsetan erakusketak Eibarren. Sei astetan ikusi ahal izan da EKEk eta GFAk ekoiztutako erakusketa Dantzan Biharrian-en eta bai eibartarren, baina inguruko herrietatik hurbildutako dantza-zaleen interesa piztu du. Guztira 528 bisitari izan ditu erakusketak.

Soka erakusketa Eibarren
Soka erakusketa Dantzan Biharrianen, Eibar, 2019-11-10. Argazkia: Oier Araolaza - Dantzan CC by-sa

Soka erakusketan Eibarren
Soka erakusketa Dantzan Biharrianen, Eibar, 2019-11-14. Argazkia: Amaiur Aristi- Dantzan CC by-sa

Soka erakusketarekin batera antolatutako jarduerak ere arrakastatsuak gertatu dira. Juan Antonio Urbeltzek eta Iñaki Arregik eskainitako Sorkuntzaren Soka mintegiak bete egin zuen aretoa.

Urbeltz eta Arregi Sorkuntzaren Soka
Sorkuntzaren Soka gogoeta-hitzaldia, Juan Antonio Urbeltz eta Iñaki Arregirekin, Soka erakusketan, Dantzan Biharrian-en, Eibar, 2019-12-12. Argazkia: Oier Araolaza - Dantzan CC by-sa

Urbeltz eta Arregi Sorkuntzaren Soka
Sorkuntzaren Soka gogoeta-hitzaldia, Juan Antonio Urbeltz eta Iñaki Arregirekin, Soka erakusketan, Dantzan Biharrian-en, Eibar, 2019-12-12. Argazkia: Oier Araolaza - Dantzan CC by-sa

Beste horrenbeste gertatu zen Patxi Labordak eskainitako bisita dantzatuan ere, irekiera ekitaldian Oier Araolazak eskainitako bisita-gidatuan bezala.

Soka erakusketa: Patxi Laborda bisita-dantzatua
Patxi Labordaren bisita-dantzatua Soka erakusketan, Dantzan Biharrianen, 2019-11-28. Argazkia: Jose Valderrey - Dantzan cc by-sa.

Horrez gain, hainbat talderen bisitak izan dira asteotan, Kezka dantza taldeko hainbat talde, Eibarko Udal Euskaltegia, Irale, Dantzerti, Elgoibarko dantzazaleak eta Eibarko lehen hezkuntza zein bigarren hezkuntzako eskoletatik ere bai.

Soka erakusketa Eibarren
Soka erakusketa Dantzan Biharrianen, Eibar, 2019-11-14. Argazkia: Amaiur Aristi- Dantzan CC by-sa

Soka erakusketa Eibarren
Soka erakusketa Dantzan Biharrianen, Eibar, 2019-11-10. Argazkia: Oier Araolaza - Dantzan CC by-sa

Gustu guztietarako opariak

Hain da oparoa eta zabala erakusketak eskaintzen dituen edukien zerrenda, bertan ikusi daitezkeen eduki interesgarri eta harribitxi ezezagunen artean ikusle bakoitzak bere gustuko edukiak hautatu beharra izan duela.

Soka erakusketan bisita bat
Soka erakusketa Dantzan Biharrianen, Eibar, 2019-11-14. Argazkia: Amaiur Aristi- Dantzan CC by-sa

Hainbat dira lehen atalean, "zergatik dantzatzen duzu?" galderari estilo askotariko dantzariek ematen dioten erantzun pertsonal eta intimoekin geratu direnak; filme zaharren xarmak, bereziki 1920ko hamarkadakoek, liluratu ditu beste zenbait: Pospisil-ek Baionan, Donostian eta Lekarozen grabatutakoak, Bergaran jokatutako aurresku txapelketa, Uztaritzeko kaskarotak, e.a. 

Soka erakusketa: Patxi Laborda bisita-dantzatua
Patxi Labordaren bisita-dantzatua Soka erakusketan, Dantzan Biharrianen, 2019-11-28. Argazkia: Jose Valderrey - Dantzan cc by-sa

Argazkilaritza-zaleei harridura eragin die Robert Capa gerra-kazetari aitzindari hungariararraren hiru dantza-argazki eder ikusteak erakusketan. Saran, 1951n, plazan ospatzen ari zen dantzaldian egindako argazki ederrak dira, Soka erakusketako harribitxien artean aurki daitezkeenak.

Soka erakusketan Eibarren
Soka erakusketa Dantzan Biharrianen, Eibar, 2019-11-14. Argazkia: Amaiur Aristi- Dantzan CC by-sa

Iparraldeko dantza ondarea agerian jartzen duten filme zoragarriak, Argia dantzari taldearen sorkuntza produkzioari ikusmira, dantza eta adina, eta dantza eta generoa moduko gaien inguruko dokumentazioa, argazki eta filmeak... denetarik aurkitu eta gozatu ahal izan dute bisitariek Soka erakusketan.

Soka erakusketa: Patxi Laborda bisita-dantzatua
Patxi Labordaren bisita-dantzatua Soka erakusketan, Dantzan Biharrianen, 2019-11-28. Argazkia: Jose Valderrey - Dantzan cc by-sa

Soka erakusketa Eibarren
Soka erakusketa Dantzan Biharrianen, Eibar, 2019-11-10. Argazkia: Oier Araolaza - Dantzan CC by-sa

Dantza-museoa noizko?

Azken egunotako bisitari batek, bisita-liburuan utzi dituen hitzekin bukatuko dugu. Ezin ederragoa eta didaktikoa gertatu zaiola esan ondoren, euskal dantzaren transmisioan dihardugunok behin eta berriz buruan dugun galdera idatzi du bistiariak: "Ea dantza-museoa noizko?". Bai, dantzaren museo bat, euskal dantzaren museo bizi bat beharrezkoa litzateke esku artean dugun ondare harrigarri hau balioan jarri eta bere transmisioarekin jarraitu ahal izateko. 

Soka erakusketa liburuko iruzkina 2019-12-13
Soka erakusketa, bisita-liburuan utzitako iruzkina, 2019-12-13.

Hori, hori galdetzen dugu guk ere. Euskal Dantzaren Museoa noiz?

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan

Dantzan

Dantzan elkartea 2002an sortu zen dantzan.eus (dantzan.com hasieran) kudeatzeko. Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, adibidez:

 

Dantzan

Ubitxa 16-18, behea // 20600 Eibar (kokapena)
+34 943 53 04 40
dantzari@dantzan.com