Aurtengoan, Dantzari-chiqui zaldivitarrak

Joan den urriaren 31n, Ardiki eguna ospatu zen Zaldibian. Iazko egunean, bertako dantzari izandako guztien ordezkari moduan, Mikel Arrese dantza-maisua omendu genuen. Aurten, beste zaldibitar baten txanda izan da, hau ere dantza munduarekin lotutakoa: Jose Garmendia Arruebarrena zena. Apaiza, historialaria, eta Iztuetaren biograforik handiena, haren lanak ikertu eta aztertzera bizi osoa eskaini zion.

Hau dela eta, Jose Garmendiari berari buruzko liburua aurkeztu zuten bezperako egunetan, haren hainbat artikuluz hornitua, Rufino Iraolak prestatuta eta Joxe Alberto Andres Zurutuzak lagunduta.

Igande eguerdian, beraz, iazkoan abiatu genuen bide beretik, dantza-soka atera genuen herriko dantzariekin batera: aurresku egin zuen Maite Irazustabarrenak, atzesku Alazne Gorrotxategik eta sokan: Libe Sukia, Eider Alberdi, Mikel Sarriegi, Ikutz Garmendia, Joseba Juarez  eta Ezequiel Guzmán “Beltxa”, Bahía Blancako gure lagun eusko-argentinarra. Danbolinteroak: Joseba Irazustabarrena eta Iban Irazustabarrena.

 Sokan ohorezko lekua eman genien Juan Garmendiaren koinata Mari Karmen eta iloba Pilarri, eta bukaeran, Ardiki Kultur Elkarteko arduradunek oroigarri bat eskaini zieten senide hauei.

Jarraian, egun honetarako bereziki prestatutako saioa eskaini zuten gure taldeko dantzari mutil txikiek: garai batean, Zaldibiako Olano maisuak lehendabizi, eta Pujanak ondoren, Zaldibiako dantzari txikiekin prestatzen zuten errepertorioan oinarrituriko dantzak. Argazki zaharretan agertzen diren janzkera eta tresnekin atondu genituen, eta halaxe osatu genuen enkarguz jasotako eskaria: “Dantzari-chiqui zaldivitarrak”, estanpa berrian (J. Lorentxo Pujanak Bigarren Errepublika bitartean, hogeita hamar bat urtez, izen horretxekin ezagutzera eman zituen hainbat talde).

Hauek izan ziren dantzariak: Jakes Aldasoro, Oier Apaolaza, Jon Cuadrado, Aratz Elizegi, Jon Elortza, Aitor Erauskin, Mikel Etxezarreta, Manex Idiakez, Aitor Mujika, Ander Olano, Oier Saez de Egilaz eta Nikolas Sarriegi. Hauen irakaslea: Koldo Bidekieta.   Eta dantzatu zituzten dantzak:   - Kontrapasa - Uztai txikiena - Brokelena - Makil haundiena - Zinta-dantza - Jorrai-dantza     Argazkiak Iñaki Erauskin-enak dira.     Dokumentuaren akzioak Bidali hitzordua oier 2010/12/02 12:54 Zorionak! Oso ideia polita Pujanaren dantzari-txikien moldekoak berriz plazaratzea. Bidez batez, bigarren argazkia, soka-dantza elizaren aurrean ageri dena ederra da benetan! Erantzun Erantzuna emateko identifikatu egin behar zara, gure webgunean erabiltzaile bat sortuz. Sartu Aurtzaka dantza taldea Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: dantza-sokak Loinatzetan, Igartzako ezpata-dantza, Sanjoanetako esku-dantza, etab.    Aurtzaka dantza taldea Garmendia Otaola 9 20200 Beasain www.aurtzaka.com aurtzaka@gmail.com Jasotako azken erantzunak Iñaki Zugasti on АУРЦАКА izan gara Bulgarian Iñaki Zugasti 2017/09/04 Aurtzaka dantza taldea on АУРЦАКА izan gara Bulgarian Aurtzaka dantza taldea 2017/09/04 Oier Araolaza on АУРЦАКА izan gara Bulgarian Oier Araolaza 2017/09/04 Agurtzane Agirre Mujika on Joseba Agurtzane Agirre Mujika 2014/11/08 Emak Bakia Dantzan on Joseba Emak Bakia Dantzan 2014/11/08 Jon Goya on Joseba Jon Goya 2014/11/08 Aritz Ibañez Lusarreta on Joseba Aritz Ibañez Lusarreta 2014/11/08 Izaskun Salazar on Joseba Izaskun Salazar 2014/11/08 Oier Araolaza on Joseba Oier Araolaza 2014/11/08 Mikel Sarriegi on Joseba Mikel Sarriegi Etxezarreta 2014/11/08 dantzan.eus webgunea, dantza sustatu eta hedatzeko elkartearen produktu bat da. Lizentzia: CC-BY-SA. Ikusi argibideak Dantzan - 513 posta kutxatila - 20600 Eibar - tfn. 943 53 04 40 - Kontaktua Non gaude Teknikoki CodeSyntaxen produktu bat da Zope, eta Plone softwarea erabiliz egina. Babesleak: Hezkuntza, Hizluntza Politika eta Kultura Sailak (Hizkuntza Politikarako Sailburuordetzak) diruz lagundua | Ikusi estatistika osoak