uribealdea etiketa duten bideoak

Urduliz 2024 Uribealdeko andreen aurreskua

Aurten ere Uribealdeko Andreen Aurreskua plazaratu da. Oraingo honetan, hasiera batean Barrikan egitekoa zena, arazo logistikoengatik Urdulizen dantzatu da, Santa Maria elizaren ondoan dagoen plazan. Eguraldiak lagundu ez bazuen ere, tarteka euria egin baitzuen, bertan zeudenak txistulariek melodien konpasera animatu ziren. Ohi bezala, Txilibitu dantza taldeko dantzarien eta ingurukoen gertukoenen topagunea da, eta aurreskua dantzatzeaz gain, plazako beste dantza batzuk ere egiten dituzte. Plentziako jatetxe batean bazkaltzen amaitu zuen goiza. Inguruan beste konpromisorik sortzen ez bada, datorren urteko emanaldiaren zain geldituko gara. Irudiak: Emilio Xabier Dueñas. Uribealdeko Andreen Aurreskua, Urduliz, 2024-06-01