Dokumentuaren akzioak
Albisteak
Dantza Astea eta DVD aurkezpena Villabonan
Abenduaren 13tik 17rako Dantza Astea antolatu du Oinkarik. Aste horretako ekitaldietako bat "Ari du" DVDaren aurkezpena izango da, eta horrez gain, Euskal Herriko Rock musikaren inguruko ikastaroa, Arozenatarren Ttunttuna 'Txistu, perkusio eta gitarra emanaldia', eta Oinkari taldearen "Ari du" dantza ikuskizunaren emanaldia izango dira.
Oberenako dantzarien eguna 70. urteurrenean
Iruñeko Oberena dantza taldea bere 70. urteurrena ospatzen ari da, eta ekitaldien artean berezienetakoa izango du abenduaren 3an, larunbatean, Oberenako dantzarien eguna ospatuko baitu.
Sagasetaren "Jauziak. urratsak eta partiturak" argitaratuko du Garak
Datorren larunbatean, abenduaren 3an, Gara egunkariarekin batera saltzen hasiko da Migel Angel Sagasetaren "Jauziak: urratsak eta partiturak" bilduma. Liburu eta DVD honetan Luzaideko ddantzak liburuan jasotako dantza-jauzien urratsak eta partiturak bildu ditu Sagasetak.
Dantzari Gazteen Bilbo Hiria 6. Lehiaketa
Abenduaren 10ean, Euskalduna Jauregiko A-1 aretoan burutuko da ABBEk antolatutako sariketa. Asociacion Bilbao Ballet Elkarteak (ABBE) Dantzari Gazteen Bilbo Hiria 5. lehiaketa antolatu du, eta datorren abenduaren 10ean jokatuko da, arratsaldeko 19:30ean Euskalduna Jauregiko A-1 aretoan.
Araba Dantzan diskoa argitaratuko dute EDBk eta ADBk
Arabako hainbat dantzaren doinuak biltzen dituen diskoa prestatu dute Euskal Dantzarien Biltzarrak eta Arabako Dantzarien Biltzarrak eta datorren abenduaren 2an egingo dute grabazio-lanaren aurkezpena.
Aiko Txistuka, musika eta dantza tradizionalaren ikuskizuna bihar asteazkena Euskalduna Jauregian
BilbaoMusikak antolatuta, Sabin Bikandi (Udal Txistularien Bandakidea eta Aiko Taldeko kidea) eta Patxi Laborda (Aikokidea eta Udal Musika Eskolako dantza irakaslea), Idoia Kareagarekin (Bigarren txistua), Gorka Zabaletarekin (silbotea) eta Asier Garcia perkusio-atabal jolearekin batera igoko dira Euskaldunako eszenatokira. Kontzertua Euskalduna Jauregiko A3 aretoan ospatuko da 20:00etan. Sarrera dohainik edukiera bete arte.
La Fundicion-ek 25. urteurrena ospatuko du
Abangoardiako dantza sustatzen duen Bilboko zentroak 25 urte betetzen ditu eta mende laurdeneko ibilbidea ospatzeko festa ospatuko da bertan ostegunean, abenduaren 1ean.
Nafarroako dantza jantzien erakusketa Fustiñanan
Fustiñanako Barde-Ribera dantza taldeak erakusketa antolatu du Fustiñanako Gizarte Etxean. Bertan, Nafarroako dantzetako jantzien erakusketa eta Fustiñanako paloteadoko argazkiak bildu dituzte. Abenduaren 3tik 10era izango da ikusteko aukera.
Herrien Arteko XV. Folklore Jaialdia Barakaldon
Abenduaren 2tik 4ra, Herrien Arteko XV. Folklore Jaialdian ospatuko da Barakaldo Antzokian. Pontevedra eta Andorrako dantza taldeak izango dira bertan, euskal musika eta dantza taldeekin batera.
Euskal ezpata-dantzak rapper dantzari amerikar baten begietan
Jeremy Carter-Gordon estatu-batuarra Euskal Herrian izan da irailean eta urrian euskal ezpata-dantzak ezagutzen. Frantzian, Italian, Espainian eta Ingalaterran izan da dagoeneko Europako ezpata-dantzak aztertuz egiten ari den bidaian. Bere blogean jasotzen ari da ikusten duenaren berri.
Dokumentuaren akzioak
