Dokumentuaren akzioak
Albisteak
Portugaleteko Elai Alai: 50 urteko amets bat
Bere sorreraren 50. urteurrena ospatzen ari da Portugaleteko Elai Alai dantza taldea, eta ekitaldiz betea izan duen 2012 urtea borobiltzeko ikuskizuna eskainiko du ostegun honetan, arratsaldeko 20:00etan Bilboko Campos Eliseos antzokian: 50 urteko amets bat.
Buba eta Bubu Iruñean
Datorren asteazkenean, urtarrilaren 2an arratsaldeko 18:00etan Iruñeko Gaiarre antzokian, KRESALA dantza taldeak Buba eta Bubu haurrentzat ikuskizuna eskeiniko du. Ikuskizun hau 2011n estreinatu zen Faustino Aranzabalen zuzendaritzapean. Dantza patrikan, antzerki bildumaren 2. lana dute; aurrekoa Marixe, panpinen baleta izan zen 2002an.
Torrekua jantzi museoa izatearen aldeko sinadurak bilketa
Iraultza dantza taldeak, Torrekua jantzi museoa izatearen alde sinadurak jasotzeko webgune bat sortu du. Errenteriako Torrekua XV. mendeko dorretxea da eta orain dela 2 urte berritu den jantzi museoa izateko helburuarekin. Azken asteotan jakin da Errenteriako Udalak beste asmo batzuk dituela eraikin horrentzat eta Torrekua jantzi museoa izatearen aldeko sinadura bilketari ekin dio Iraultza dantza taldeak.
Aiko Gabonetan
Hona hemen Aiko Taldeak gabonetarako burutuko dituen ekimenak, aspertzeko astirik ez!.
"H" Elirale Taldearen entsegu publikoa Errenterian
Pieza koreografiko honek, «betetzen gaituzten hutsuneetaz» galdezkatzen du eta bakoitzaren gizatasunari buruzko gogoeta bat ekartzen. Amaia Hennebutte Millard («Himalayajavakaputazidiburrina») eta Ur Apalategi («Beste Bizitza»)-ren testoetan oinarritzen da. Urtarrilaren 11ean, arratsaldeko 19.00etan.
Ostadar Dantza Taldearen gabonetako ikuskizuna
Abenduaren 22an, larunbatean, Ostadar Dantza Taldeak urtero egin ohi duen gabonetako ikuskizuna eskainiko du Beasaingo Usurbe antzokian 19:30etatik aurrera. Euskal folklorearen parte diren hainbat euskal dantza eskainiko dituzte. Sarrera 5 eurotakoa izango da.
Dantza Down sindromea duten gazteen garapen fisiko eta psikikorako lagungarri
Down sindromea duten gazteengan dantza jarduerak dituen onurak aztertzen dihardu Nuria Massó ikertzaileak. Medikua da Massó eta dantza klasikoa, garaikidea eta jazza landu ditu. Dantza irakasle jardun zuen lanean medikuntza ikasi bitartean, eta baita mediku lanean hasi eta lehen urteetan. Doktorego tesian dantzarien arazo fisiko ohikoenak aztertu zituen. Gaur egun, Blanquernan, Ramon Llull unibertsitatean irakasle da, eta datozen hiru urteetan Down sindromea duten gazteekin dantza jarduerak lantzearen eraginak aztertzeko beka bat eskuratu du.
Sharon Lavi-rekin workshopa Donostian
Sharon Lavi eta bere konpainia euren azken lana FRAGMENTS aurkezteko Donostiara eta Victoria Eugenia Antzokira iritsiko dira. Sharon Laviren etorrera dela eta, BALLET. T programaren barruan, koreografoarekin tap dance workshop berezia antolatu da. Workshop honetan, Sharonek ematen duen pedagogia espezifikoan oinarrituko da eta irakatsitako maila guztietan musikari/dantzari kontzeptu orokorra aztertuko da.
Barcelona Ballet utzi eta Flandeseko Balletean sartu da Ion Agirretxe
Lau urtez Angel Corella dantza izarraren konpainiako dantzaria izan da Ion Agirretxe donostiarra. Corella Ballet 2008an sortu zenetik American Ballet Theatreko izarraren gidaritzapean aritu da Agirretxe, baina konpainiak arazo ekonomikoekin Bartzelonara jo ondoren, eta hala ere, erakundeen babes urria izanik, Corellaren babesa utzi eta Flandeseko Erret Balletean ibilbide berria hasi du Ion Agirretxek.
Urki dantza taldeak 25. urteurrena ospatuko du 2013an
Datorren abenduaren 29an abiatuko ditu Andoaingo Urki dantza taldean bere sorrearen hogeitabosgarren urteurreneko ekitaldiak. Taldearen webgunea eta logoa aurkeztuko ditu, eta horiekin ospakizun ekitaldiz betetako urtea abiatuko dute Urkiko dantzari eta musikariek.
Dokumentuaren akzioak