Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Barcelona Ballet utzi eta Flandeseko Balletean sartu da Ion Agirretxe

Dokumentuaren akzioak

Barcelona Ballet utzi eta Flandeseko Balletean sartu da Ion Agirretxe

2012/12/12 14:50
Lau urtez Angel Corella dantza izarraren konpainiako dantzaria izan da Ion Agirretxe donostiarra. Corella Ballet 2008an sortu zenetik American Ballet Theatreko izarraren gidaritzapean aritu da Agirretxe, baina konpainiak arazo ekonomikoekin Bartzelonara jo ondoren, eta hala ere, erakundeen babes urria izanik, Corellaren babesa utzi eta Flandeseko Erret Balletean ibilbide berria hasi du Ion Agirretxek.

Euskal dantzan hasi zen Ion Agirretxe eta aurresku eta dantza solte txapelketetan nabarmendu zen txikitatik. Mentxu Medelekin ballet klasikoan trebatzen hasi eta Madrilen burutu zituen dantza ikasketak. Ondoren, Europe Dance, La Mov edo Goyo Montero konpainiekin aritu zen, harik eta 2008an Corella Ballet sortu berrian sartzeko probak egin, eta onartua izan zen arte.

Bikote duen Cristina Casa dantzari madrildarra eta biak elkarrekin aritu dira Barcelona Ballet-ean, eta orain elkarrekin joan dira Flandeseko Erret Balletera. Dantza klasikoa lantzen duen Beljikako ballet konpainia nagusia da Koninklijk Ballet van Vlaanderen delakoa.

Ballet y Más webgunean elkarrizketa interesgarria egin diete Ion Agirretxe eta Cristina Casas dantzariei: