Dokumentuaren akzioak
Albisteak
Itsasuko 2007-ko kabalkadaz bi solas
2007-ko agorrilaren 19an Itsasuko plazan emana izan da kabalkada bat. 130 bat herritar beztitu dira eta eman dituzte betiko dantza, antzerki eta jokoak. Usaia hori gaizki ezagutzen dutenentzat balio du behar bada bizpahiru gauzen orroitaraztea. Hemen aipatuko ditut laburzki tobera horien bilakaera historikoaren lau urratsak.
Kalaxka hotsak La Vijaneran, urteko lehen inauterian
Zarramaco, hartz, gorilona, dantzari zuri, zorrocloco, trapajeros eta trapajones-en joan etorri eroak izan dira La Vijaneraren protagonista nagusiak, eta haiekin La Preñá eta medikuaren erditze pantonima gordinak. Errege egunez erregea agertu da Siliora eta aurtengo politonoa, "Por que no te callas!" bota dio Chavezi. Hona urteko lehen inauteriaren bideo bat eta argazki sorta bat.
Hemen ditugu 2008ko inauteriak!
Otsailaren 5ean izango da Inauteri Asteartea, eta Ostegun Gizena urtarrilean dator, urtarrilaren 31an. Zenbait inauteri tradizional inauteri data ofiziala baino aste batzuk lehenago hasten dira karnabal kuestazioetan, eta ondorioz, urtarrileko lehen asteetan hasiko dira batzuk. Hona hemen 2007ko inauterien zenbait data interesgarri.
La Vijanera, inauterien lehen aldarria Kantabriatik
Inauteri goiztiarrena izan ohi da La Vijanera, izan ere, urteko lehen igandean ospatzen da Kantabriako Silió herrian inauteri ikusgarri hori. Aurten Euskal Herrian bertan ere -Beskoitzen adibidez- urtarrileko lehen asteburuan hasiko dira zenbait inauteri, baina normalean La Vijanerak irekitzen du neguko festen aro eder hau.
"Antonio" ikuskizunaren estreinaldia Antonio Marquez-en eskutik
Asociacion Bilbao Ballet Elkarteak (ABBE) 2008ko bere egitarauari ekingo dio mundu mailako estreinaldia den "Antonio" lanarekin. ABBEko bigarren bazkide zenbakia duen Antonio Marquez-ek, Antonio "El bailarin" bezala ezaguna zen Antonio Ruiz Soler (1921-1996) omenduz sortu du lan hori. Estreinaldi handi baten programazioarekin, ABBEk dantza sustatu eta hedatzeko bere jardunean urrats garrantzitsua eman du.
Zenbaki-dantza, 2007 urtea dantzan.com-en
Hona hemen bukatu berri den 2007 urtean dantzan.com-ek izan dituen bisitak, albiste eta atal irakurrienen zerrendak, gehien bilatutako hitzak eta bestelako estatistikak. Aurten ere 100.000 bisitatik gora izan ditugu eta 300.000 orritik gora erakutsi dira. Egunero 300 lagunek irakurtzen dute dantzan.com.
Maskaradak 2008 Aloze eta Atharratzeko gazteen eskutik
Urtarrilaren 13an abiatuko dira maskaradak Zuberoan. Aurten bi herritako gazteak, Aloze eta Atharratzekoak elkartu dira maskaradak prestatzeko eta Atharratzen bertan hasi Santa Grazin bukatu bitartean hamabost agerraldi egingo dituzte. Hona hemen Aitzindariak elkarteko Jean Bordaxar-ek helarazi dizkigun 2008ko Zuberoako maskaraden datak eta egutegia:
2007 urtea dantzan
Bukatzear dagoen 2007 urte hau, atzerrian dabilen euskal dantzarien multzoarentzat Zubin Methak zuzendutako Danubio Urdinaren doinura hasi zen. Vienako Schönbrunn jauregian dantzatu zuten Lucia Lacarra eta Cyril Pierrek, urte berriko kontzertu ezagunean.
Beskoitzeko inauteria Italian erakutsiko dute
Beskoitzeko inauteria osatzen duten kaskarotak, kotilungorri, ponpiera, hartza eta abarrekoak aurten Italiara hurbilduko dira. Hain zuzen ere Valle d'Aostan ospatuko den Europako inauterien erakustaldi batean parte hartuko dute. Baina lehenengo herrian bertan aterako da inauteria. Eta berehala hasiko da gainera, datorren asteburuan hain zuzen ere.
Baina... zer da dantza tradizional bat?
Azken urteotan, zenbait lan desberdinetan ari nintzela, Dantza Tradizionalaren inguruko zenbait mintzalditan aurkitu dut nire burua. Bitxia da, baina ez harrigarria, guztietan ikuspegi desberdinetatik aztertu dela gaia, baina ibilbidearen bukaeran, aurkeztutako esperientziak eta eskuratutako emaitzak beretsuak izan direla:
Dokumentuaren akzioak
