Dokumentuaren akzioak
Albisteak
Pina: azpitituluak euskaraz
Orain gutxi aurkeztu den Pina, Wim Wenders-en filmarentzat euskarazko azpitituluak prest eta sarean daude, edonoren eskura. Azpitituluak.com webgunean sarerat dituzte, beraz, Pina Bausch-en inguruan egindako pelikula bertsio originalean eta euskarazko azpitituluekin ikus daiteke orain.
Argentinan emanaldia eskainiko du gaur Aukeran dantza konpainiak
Edu Muruamendiaraz-ek zuzendatutako taldea Argentina eta Uruguain arituko da egunotan, emanaldiak eskaintzen. Asteburuan, Argentinako Euskal diasporaren festa handia, Euskal Astea, ospatuko da Necoechean, eta gaur bertan arituko da Aukeran. Datorren astean Rosarion eta Montevideon eskainiko ditu emanaldiak.
XXVII. Folklore Jardunaldiak: materiarik gabeko ondarea, ekintzak eta ondorioak
Iragan urriaren 20 eta 21ean Ortzadar Elkarteak urtero antolatzen dituen Jardunaldiak ospatu ziren Iruñean. Edizio honetarako aukeratutako gaia "Materiarik gabeko ondarea: ekintzak eta ondorioak" izan zen. Hizlariek esandakotik eta jardunaldietara hurbildutako entzuleen partaidetzatik ondoko atarramenduak atera daitezke:
Uholdeek hankaz gora jarri dute Dantzagunea
Ikaragarria da ikustea nola geratu diren Dantzaz konpainiaren bulegoak Artelekun, Gipuzkoako Dantzagunean. Beheko solairuan daude bulegoak, eta Loiolako auzoan ibaiak gainezka egiterakoan bete-betean harrapatu ditu argazkian ikus daitekeen moduan.
Malandain Ballet Biarritz Errenterian, entsegu publikoa
Malandain Ballet Biarritzek "Lucifer, El Amor Brujo eta Bolero" azken lan honen zatitxo bat erakutsiko digute, entsegu honetan. Hiru lan ezberdinez osatutako ikuskizun zoragarri hau ikusteko aurkera paregabea izango duzue.
Dantza Kontra Dantza: mahai-ingurua eta CD sinaketa
"Dantza Kontra Dantza" Oskorriren lan berriak, Frantziako Erreboluzio garaian Gipuzkoan modaz pasatako dantza-doinuak birmoldatu eta era berri batez dantzarako proposaturik, aldeko iritzi ugari baina kontrako oso bortitz batzuk ere bildu ditu. Haien proiektua azaldu, jendearekin elkarrizketa zabaldu eta nahi duenak CD-DVDa sinatuta eramateko ere: azaroaren 11an, ostiralean, mahai ingurua eta CD sinaketa
Kontakt-inprobisazio ikastaroa Urs Stauffer-ekin
Ikastaro honetan zehar gure gorputzaren alderdi likidoa eskuratzen saiatuko gara, ez soilik bere mugimendu jarraia, baita bere eusteko indarra ere. Indar hau nola gure barne organoen bitartez antolatzen den aztertu eta nola gure mugimendu sena, oreka lerroaren inguruan gidatzen den. Gure begiekin eta hauen funtzioekin lan egingo dugu.
Inaki San Martin-en "Apur batean Soka-dantza" erakusketa Gernikan
Josune Ariztondo Kultura saileko foru diputatuak, Inaki San Martin argazkilari gipuzkoarraren "Apur batean soka-dantza" erakusketa inauguratuko du datorren azaroaren 9an arratsaldeko 19:30etan Gernika-Lumoko Euskal Herria Museoan.
Ibarra-kalduren 45. urteurrena
Hilak 12, larunbatean, 18etan eta Beurkoko Institutuaren kirol aretoan, Ibarra-Kaldu elkartearen 45. urteurrenaren ekitaldi nagusia egingo dugu: dantza emanaldi eder bat, eta bertan, elkartearen talde guztiek hartuko dute parte.
Dokumentuaren akzioak
