Dokumentuaren akzioak
Albisteak
Dantzaldi klandestinoa
2019/01/31 20:30 — Iruñea, Geltoki (Oliveto kondea 6)
Hilean behin Iruñean antolatzen den dantzaldia. Dantza tradizionaleko eta balfolk munduko zenbabait dantzarik antolatutako egitasmoa da. Iaz Maravillas gaztetxean egiten zena, orain Geltokin izanen da, hilabeteko hondarreko ostegunetan. Mazurka, jota, porrusalda, skotis, jauziak, kalejirak, habanerak, branleak, kontradantzak, borobil zirkasiarrak... Denetarik dantzatzeko parada izanen da. Saio irekia da, baita musikariendako ere.
Hartza Eguna
2019/02/09 10:00 — Donibane Lohizune
Urtero bezala, Begiraleak elkarteak hartzaren esnatzea ospatuko du. Goizean Hiruburuak aterako dira hirian zehar, eta arratsaldean elkarteko lagun guziak Hiruburuekin aterako dira.
Kimuak , iñausi eta berriak hasi.
2022/02/25 20:00 — Gasteizko Florida Parkea
Beasaingo Udalbatzaren soka-dantza
2014/06/01 12:30 — Beasain. San Martin plazaLaudioko XVII. Aurresku eta Fandango eta Arin-arin lehiaketa
2014/08/16 17:00 — Laudio, Herriko plaza
Urtero legez Fita fik euskal soinutresna elkarteak aurresku eta fandango eta arin-arin lehiaketa antolatu du Laudioko San Roke jaien karietara. Lehia abuztuaren 16an izango da Laudioko Herriko Plazan. 18:00etan aurresku lehiaketa eta 19:00etan fandango eta arin-arin lehiaketa. Izena emateko egunean bertan 17:00etatik 18:00etara. Sariei dagokionez aurresku sailean lehenengoak txapela, Fidel Largatxaren eskulana eta 190€ eskuratuko ditu. Bigarrenak Fidel Largatxaren eskulana eta 120€. Hirugarrenak, berriz, 60€. Fandango eta arin-arin sailari dagokionez, lehengo postua erdiesten duen bikoteak txapela, zapia, Fidel Largatxaren eskulana eta 225€ lortuko ditu. Bigarrenak Fidel Largatxaren lana eta 160€. Hirugarren bikoteak 100€ko saria izango du. Saririk gabeko dantzari bakoitzak 40€ko dieta jasoko du. Dantzatu beharreko aurreskuari dagokionez Uriko Aurreskua bezala ezagutzen duguna izango da, jotzaile lanetan txistu banda izango da. Fandangoa ere txistulariek joko dute, arin-arina, berriz, trikitixa eta panderoak.
Izen ematea lehiaketa lekuan 17:00etatik aurrera.
Informazio gehiago:
fitafikeskola@gmail.com
Hitzaldia: Emakumea euskal dantzan: Gezur baten historia
2017/03/09 19:30 — Portugalete, Elai Alai Aretoa (Santa María kalea 10)
Emakumearen nazioarteko egunaren biharamunean (Martxoaren 9an) Oier Araolaza dantzari, kazetari eta antropologo Elgoibartarraren "Emakumea euskal dantzan: gezur baten historia" hitzaldia izango dugu 19,30tan Elai Alai Kultur Elkartearen Aretoan (Santa Maria kalea 10, Portugalete).
Txatamorroak, aittun handiya ta amin txikiya
2017/02/28 16:00 — Arbizu
Arratsaldez eta iluntzean txatamorroak aterako dira karrikara, eta iluntzean aittun handiya eta amin txikiya erreko dituzte plazan.
Ortzadar: dantza-musika emanaldia
2015/04/18 19:00 — Corella
Ortzadar Euskal Folklore Elkarteak Corellan emanaldi bat emango du. Bertan, hurrengo dantzak eskainiko dira:
Hitzaldia: Ane Albisu
2020/01/24 19:00 — Portugaleteko Santa Klara kulturtegia
Portugaleteko Berriztasuna Taldeak 50. urteurrena ospatuko du 2020an eta, horretarako, programazio kultural anitza eta zabala prestatu du. Lehenengo ekitaldia Ane Albisuren hitzaldia izango da, “Zer eta nola jantzi gure ospakizunetan?” izenburupean. Hitzaldia urtarrilaren 24an izango da, Portugaleteko Santa Klara kulturtegian, 19:00etan.
Ertza: Hariak
2017/02/03 20:30 — Leioa, Kultur Leioa
Hariak, istant batean bizitza osoa sostengatzen zioten hariak hautsi, eta hutsetik hasi beharrean aurkitu den jendearen esperientziez osatutako antzezlan diziplina anitza izango da. Harkaitz Cano idazleak aukeratu, jaso eta moldatutako benetako jendearen benetako istorioak. Gizaki itxurako txotxongiloek eta txotxongilo itxurako dantzariek lehen pertsonan kontatuak Iñar Sastreren musikaz lagundurik. Obraren sorkuntza prozesua 2016an zehar egingo da.
Bizkaian Emakumeak Dantzari
2016/11/05 18:30 — Durango, Andramariko elizpea
Anitzak dira azkenaldian entzun diren emakume dantzarien inguruko kontuak. Bizkaiko emakumeek azken hamarkadotan egin dituzten dantzak, alabaina, ez dira askotan tradiziotzat hartzen. Honen aurrean, eta gure herriaren eta dantzaren historiaren parte diren dantzek aurkeztuak izateko aukera bat izan dezaten, aurten ere IV. Bizkaian Emakumeak Dantzari Ekitaldia aurkezten dugu. Gure eskualdeetako dantza taldeetan ume, gazte zein ez hain gazteei erakusten zaien eta erakutsi izan zaien dantzak agerraldi berezi honetan aurkeztuz. Ekitaldiaren aurretik kalejira izango dugu 18:00tan, azokatik hasita. Iluntzeko 18:30tan hasiko da Andra Mari elizpean dantza agerraldia eta hau bukatzean, erromeria izango dugu parte hartzaileek eta nahi duen orok parte har dezaten. Erdu!
Euskal Herriko Dantzaren Nazioartekotzeko proposamenak
2014/10/25 11:00 — Bilbo, Rekalde Aretoa
Mutxikoak
2015/12/27 11:30 — Hendaia, Gaztelu Zahar Frontoia
Hendaiako Mutxiko Elkarteak hilabetero (laugarren igandean) egiten den mutxiko dantzaldira gonbidatzen zaitu. Igande honetan denboraldiari amaiera emango diogu zuzenezko musikarekin eta gabon kantak abestuz. www.mutxiko.org
Erdizka Lauetan
2014/05/10 19:00 — Orduña, Herriko Plazan ("Ochomayos")
Dantza errazak ikasi eta dantzatzeko aukera
Bazkari eta dantza eguna
2017/12/17 14:00 — Lizarra, Larrion Jatetxea
Hemen da Lizarrako herri dantzen tailerrak antolatutako neguko festa! Dagoeneko laugarren ekitaldia dugu aurtengoa. Aurrekoetan egin dugunaren antzera, lehenengo mahaiaren inguruan batuko gara denok eta barruak ongi berotuta arratsaldeko dantzaldiari ekingo diogu 17:00ak aldera. Bazkarirako erreserbak egiteko 27 euroko diru sarrera egin beharko da ondoko kontu korronte zenbakira, izen-abizenak adieraziz: ES20 3035 0052 62 0521107327 (Javier Lana Lisarri) Anima zaitezte eta gozatu !!!
EIGHT-ZORTZI
2020/08/03 12:00 — DEUSTO (Sarriko plaza)
8 zenbaki perfektua
bere formari dagokionez. Elkar lotzen diren bi zirkulu berdinek osatzen dute
bera lerro infinitu baten bidez, hau da, indarren arteko orekaren sinboloa
antagoniko.
Betiereko mugimendu kosmikoa, birsorkuntzaren eta oinarriaren betiko espirala adierazten du
infinitua. Hori dela eta, "Zortzi" -n ikus daiteke gorputzaren bidez nola lor daitekeen
zortzi hau aurkitzeko aukera desberdinak aurkitu. Besoak lagunduta,
hankak eta mugimendua espazioan.
Tio Teronen Semeak; "Freshcool"
2016/08/09 19:00 — BerastegiKm ZERO
2024/05/17 20:00 — Euskal Pizkundea Etordibea (Mungia)
Mungiako Santos Intxausti Udal Musika eta Dantza Eskolak ikuskizun txiki bat proposatzen deusku Baserritarren omenez eraikitako Estatuaren L. urteurrena ospatzeko. Sinopsia: “Hegaztien txio-doinuak entzuten dira Km ZERO inguruan, bizitza askotarako erreferentzia eta abiapuntu-gunean” Koreografia: Nagore de las Cuevas Alonso / Arkaitz Pascuas Musika: Juan Mari Beltrán Interpreteak: Alaitz Uriarte, Amaia Rosaenz, Ane Da Silva, Ane Rekalde, Araitz Bengoetxea, Arantzazu Bilbao, Asier Muruaga, Bittor Muniozguren, Eider Larrabeiti, Elene Linares, Enaitz Linero, Garazi Pérez, Goizalde Cheliz, Haizea Barcina, Haizene Díaz, Haizene Ortega, Irune Barturen, Izaro Castillo, Izaro Polo, Izaro Uriarte, Joane Orbe, Maider Pildain, Maite Rosaenz, Maren Irazola, Nahia Ormaza, Uxue Varela. Iraupena: 35' Soinuztapena: Jira Musikaz Koordinazio Administratiboa: Izusko Izagirre / Izaskun Legarreta Irudiak eta Bideoa: Mungiako Santos Intxausti Udal Musika eta Dantza Eskola
Elirale-Pantxika Telleria: O!
2024/06/07 10:00 — Pasaia - Pasaiako Dantza Festibala
4 saio izango dira : 10:00, 11:30, 18:00 eta 20:00etan O! dantza garaikide solo da, 3 urtetik 93 urte bitarteko publikoarentzat eta esperientzia honek 40 minutuz irauten du. Dantzaria eta kantaria da Oihan Indart, Pantxika Telleriaren koreografiaren interpretea. Ikusgarri hau iragaiten da harrigarria den kupula puzgarri baten barnean, publikoa gomitatzen duena erosoki kokatzera kusku sekretu batean, denboratik kanpo. Kupularen alde guzietan azaltzen den itzal joko batekin, borobila den eszena baten inguruan garratzen da emanaldi hau. Ametsezko bidai honetan, gorputza, bera, materia proteiformea bihurtzen da, tartezka humano, tartezka itsaspekoa edo animala. Harreman zuzenean da publikoa dantzariarekin, ia hunkitzen du, ikuslearen barruko esperientzia paregabe batentzat. DISTRIBUTION / BANAKETA Chorégraphe/ Koreografoa : Pantxika Telleria Danseur-Chanteur/ Dantzaria-Abeslaria : Jon Vernier Conception musicale/ Musika : Thierry Biscary Conception lumières/ Argiztapena : Javi Ulla Costumes/ Jantziak : Maritzuli Konpainia Conception technique / Diseinu teknikoa : Franck Girodo Direction technique/ Teknikari zuzendaria : Aitz Amilibia Régisseur/ Eszena kudeatzailea : Gotzon Hegoas Administrateur de production/ Ekoizpen Administratzailea : Guilhem Boudières Chargé de production/ Ekoizpen Arduraduna : Christian Aldaco
Elirale: Oa Huetak
2017/05/12 09:30 — Itsasu, Herriko etxea
Chloé, Oihan eta Paxkalek Lodikroko liburu haundia Eliraleren selauruan aurkitu dute. Orriak itzuli eta...krokodilo, pinpilina, bizikleta, eta beste gauza frango agertzen zaizkie. Bizia eta poetikoa, ikuskizunaren hitzen erritmoa eta testuaren musikaltasunak gorputzak biziarazten ditu. Euskal hizkuntzaren hitzek, interpreteen ahoetan, gorputz dantzarien ahalmenak idekitzen dituzte baita giro musikal harrigarri bezain ainitz bat sortuko.
San Juan bezperako soka-dantza
2015/06/23 22:00 — Errenteria, Herriko Enparantza
Urtero bezala Ereintza Dantza Taldeko kideek, Errenteriako Udala osatzen duten udalbatzako ordezkari batzuekin batera, San Juan bezperako soka-dantza egingo dute Herriko Enparantzan 22:00etan.
Debagoieneko Dantzari Eguna
2015/04/18 17:30 — Antzuola
Debagoiena Bailarako Dantzari Eguna ospatuko da Apirilaren 18an Antzuolan. 17:30 Kalejira 18:00 Herriko plazan saio nagusia Dantza taldeak: - Oñatz (Oñati) - Arrostaitz (Arrasate) - Lore Gazteak (Arrasate) - Oinarin (Antzuola)
Lamiako Maskarada
2017/05/26 17:30 — Lamiako auzoa (Leioa, Bizkaia)
Leioako Lamiako auzoaren izena omenduko duen jaia ospatuko da maiatzaren 26an, Lamiako Maskarada, alegia. Lamiako Maskaradak gogora ekartzen du lamia zein beste pertsonaia mitologikoei bizia eman zien kondaira. Ospakizun bakarra da Euskal Herri osoan, Maskarada Inauterietatik desberdintzen delako. Ikuskizunean Prudentziaren kondairak bizia hartuko du Antonio Truebaren ‘El Canto de la Lamia’-ren bitartez eta jai moduan aurkeztuko da. Hiru atal izango dira: 17:30ean, 18:00etan eta 22:30ean.
Muxikoak
2014/03/02 12:00 — Irtun, San Juan plaza
Ohiko saioekin jarraiki, martxoaren 2an, hilabeteko lehen igandearekin, Irungo San Juan plazan, muxikoak eta beste euskal dantzekin gozatzeko tenorea izanen dugu eguerdiko 12:00etan. Ez da dantzari trebea izan behar saioan parte hartzeko. Antolatzaileak: Meakako adiskideak.
Urbeltzen Dantza Ganbara
2014/11/12 20:00 — Bilbo, Kafe Antzokia
Juan Antonio Urbeltz dantza maisuak hilean behin gidatzen duen euskal dantza saio irekia.
Eskola Dantza Taldea Herreran
2014/06/22 13:00 — Herrerako plaza
ESKOLA Dantza Taldeak, Lauarin Nazioarteko Folklore Jaialdiaren barruan, emanaldia eskeiniko du Herrerako plazan.
Maritzuli: Nundik Nora ?
2016/02/28 17:00 — Senpere, Larreko kulturgunea
Xiberoako dantzen teknika luzaz ikasi eta gero, dantza forma horren erroetara joanez bere interpretazioa aldatuko zuela ulertu du, Jon Iruretagoyenak. Kuriositatea eta pasioak lagundurik Xiberoako maskaradak hornitzen dituen dantza historikoaren bideetatik zehar ibili da. Biarritzeko Maritzuli konpainiak, dantzari apartez osatua da. Dantzari hauek adierazteko gai dira baita urratsa eta teknika manipulatzeko. Konpainiaren azken ikusgarria egiazko ipuin bat bezala irakurtzen eta miresten da. Jon eta Claude Iruretagoyenak eszenaratzen dute ikusgarria. Konpainia hunen lan luzeak, bulzatzen du talentu eta erreferentziako konpainia toki bekaizturat, euskal herrian dantza tradizionalaren sailean, bere mugetaz aise haratago. Erreserbak : www.larreko.fr - 05 59 54 93 96
Errebal: Dantzaldi gidatua
2016/05/14 19:00 — Orio, Herriko enparantza
Orion lau urtez behin egiten den Balearen egunean dantzaldi gidatu egingo dugu, herriko enparantzan, arratsaldeko 19:00etatik aurrera.
Donostiako Udal Musika eta Dantza eskolaren emanaldia
2017/04/07 19:30 — Usurbil, Sutegi Kultur Etxea
Usurbilgo V. Dantza Egunaren barruan hainbat ekitaldi antolatu ditu aurtengoan Orbeldi Dantza Taldeak Usurbilgo Udala eta Hurbilago Merkatari Elkartearekin elkarlanean. Lehen ekitaldian, Donostiako Udal Musika eta Dantza eskolak dantza klasikoko emanaldia eskainiko du Sutegi Kultur Etxeko auditorioan. Sarrera doakoa izango da.
Euskal Dantzatik Feminismora Lantegia
2020/11/07 10:00 — Gasteiz
Aurten ere euskal folklorearen eta feminismoaren arteko korapiloak askatzeko aukera izango dugu AZAROKO LARUNBATETAN (10:00-14:00, mistoa) Gasteizko Jabetze Feministarako Eskolan. Dantzatuz, hausnarketa kolektiboak eginez eta ariketa praktikoen bidez mugimenduak eta generoak dituen talkak ulertzen hasiko gara, bazatoz? Izen ematea eta info: https://t.co/zI5KqwG463?amp=1
Usurbilgo X. Dantza Eguna
2022/04/09 00:00 — Usurbil
Aurten X. Dantza Eguna ospatzen dugu Usurbilen. Egun osoko ekitaldia antolatu du Orbeldi dantza taldeak. 12:00etan dantza-kalejira Mikel Laboa plazatik abiatuta. 14:00etan herri-bazkaria Agerialden. Sarrerak salgai Artzabal eta Txiriboga tabernetan (25 € bazkaria + kamiseta; 15 € bazkaria) 17:00etan Tranpaldo irekia (apuntatzeko idatzi usurbildantzan@gmail.com helbidera) 20:30ean "Hamar" dantza ikuskizuna frontoian. Ondoren, Rukula.
Dantzaldi-erromeria Alaken taldearekin
2014/02/23 12:00 — Zarautz, Musika Plazan
Dantzaldi erromeria Zarauzko Musika Plazan eguerdiko 12etan ALAKEN taldearen eskutik.
Iruñeko Kauteroak
2015/02/07 11:00 — Iruñea, San Lorentzo karrika
Iruña Taldeak beste behin ere animalien dantzak eskainiko ditu zortzi zaldikoz lagunduta, Iruñeko Kauteren kalejiran. Kauteroen kalejira: San Lorentzo, kale Nagusia, San Saturnino, Udal Pza, Mercaderes, eta Mañuetan barna, Merkaturaino. Iruñeko Gaiteroek, Iruña Taldeak San Lorentzoko Dantzariek eta beste zenbait taldek lagundurik. Bide beretik itzuliko dira.
Bilaka kolektiboa
2016/09/17 20:30 — Angelu, Quintaou Antzokia
Irailaren 17an, larunbatarekin, Angeluko Antzokian 20:30ean. Bilaka xede handi batetik sortu da : euskal sorkuntza koreografikoari dinamika berri bat ematea. Bere lehen sorkuntzarentzat, Bilakak hiru euskal koreografo gazte gonbidatzen ditu : Hiru pieza hiru mundu koreografiko ezberdinentzat, euskal dantzaren sustraietan eta adierazpen abangoardistan barna ibiliz. Euskal Herriko hogeita hamar bat dantzari eta musikari biltzen dituen triptikoa, Angeluko Antzokian deskubritzen ahalko dena.
Ttipika dantza gidatua
2017/12/29 19:00 — Bergara, Gaztetxea
Animatu Sahararen aldeko Ttipika Dantza Gidatura. Dantzatzen duen herria ez baita inoiz hilko! #ttipika
Soka eta irradaka Euskararen Egunean
2015/12/03 19:00 — Arrasate, plaza
Euskararen Eguna ospatzeko, kantu eta dantza kalejira egingo dugu Arrasaten, Seber Altube plazatik abiatuta. Portaloi elkarteak eta herriko txistulari eta trikitilariek lagunduko dute ibilbidea. Ekitaldia amaitzeko, Euskararen Eguneko adierazpena irakurri ostean, sokan elkartu eta irradaka egingo dugu. Bertso eskolak sortu ditu irradakarako hitzak. Antolatzailea: Arrasate Euskaldun Dezagun (AED) elkartea.
Dantza jauziak
2018/04/08 12:00 — Azpeitia, Herriko plaza
Duela 3 urte ekin genion Dantza Jauzien proiektuari, Itsasi Kultur Taldeak, Sahatsa Dantza Taldeak, Ikasberriko Dantza Eskolak, Azpeitiko Kultur Mahaiak eta Sanagustin kulturguneak elkarlanean. Hileko bigarren igandean egiten ditugu. Azken hamarkadetan Ipar Euskal Herrian tradizio handia izan duten dantza-jauziek berpizkundea bizi izan dute, eta hegoaldeko herri askotan tradizio hori ikasteko saioak egiteari ekin zaio, tartean, Azpeitian. Dantzak zabaldu eta herritarrengana gerturatzea da hain justu egitasmoaren helburua, ikusteko ez ezik, gerturatu eta egiteko saioak egiten baitira. Oro har, Alde Zaharrean egiten dira dantzak, Plazan Nagusian, Perez Arregi plazan edo Olazko Amaren Plazan (euria egiten duenetan Azpeitiko Sanagustin kulturgunean). Datorren igandean Plaza Nagusian egingo ditugu, eguraldiak laguntzen badu, eta bestela Sanagustin kulturgunean. Zatoz dantzara!
Oier Araolaza: Neska eta mutikoen lekuaz dantzan
2019/03/22 20:30 — Donapaleu, Herri elkargoko gela, Auzitegi karrika
Luzaideko bolant egunean neskek dantzatzeko bozkatu behar, Uztaritzeko kaskaroten ohiturak mutikoen artekoa izaiten segitzen, Legazpiko dantza taldeko neskek ezpatekilako dantzak egiten, Ereintza taldeko dantza ikusgarri berrian dantzari guziak gonaz, mutikoak falta direnean neskek dantzatzen, Elizondon emazteak mutil dantzan sartu zirenean gizonek alde egin zuten,… eta beste hainbeste adibide entzun eta ikusten ditugu gure inguruan. Eztabaida bizia. Baina posible dea bakoitzak – neska edo mutiko - nahi dituen dantzak dantzatzea ? Badu zenbait urte jada, Burgaintziko dantzari batzuek beren buruari galderak egiten dizkietela neska eta mutikoen lekuaz dantzan. Nesken dantzak, mutikoek ezin dantzatu ? edo alderantziz mutikoena neskek ezin ? Gaurko egunean konprenitu eta transmititu ahal daitezke holako genero ezberdintasunak ? Oier Araolaza Arrieta Donapaleura gomitatu dugu. Kazetari eta antropologoa da eta Dantzan.eus web-gunea sortua du, euskal dantza munduan erreferentzia dena 2002tik. Dantza tradizionalaren inguruan aditua da, bereziki tradizioan eta historian neska eta mutikoen lekuaz dantzan.
Indarteriak: inauteriak martxan 3.0 eta kitto!
2017/02/24 21:00 — Gasteiz, Andra Mari Zuriaren plaza
Badirudi, aurten ere, hirugarrengoz jarraian, pertsonai maltzur batzuek Gasteizera hurbilduko direla Inauteria lapurtu nahian. Baina, Hartza eta bere lagunak musikaz, dantzaz eta alaitasunez hori saihesten saiatuko dira. Lortuko ote dute? Zatozte zuek ere Hartzari laguntzera!
Alkartasuna Dantza Taldea: Egurre
2018/07/14 22:00 — Bermeo, Artza frontoia
Dantzaldia
2014/03/30 12:00 — Zarautz, Musika Plaza
Lagun artean dantza egiteko aukera Alaken taldearen eskutik:Jauziak, Jotak, dantza lotuak zein taldekoak.
Herrixa Dantzan zuzenean: XUT
2014/04/06 19:00 — Elgeta, Espaloa Kafe Antzokia
Iruñeako Xut talde historiko / berriak dantzarako musika ederra egiten du. Herrixa Dantzan saioetan sarri erabili izan ditugu Xut-en doinuak, grabatuta. Oraingoan, zuzenean izango ditugu geurean. Agarrauan, soltean, jauziak, kontradantzak, bolant dantza, Baztango zortzikoa... Aparteko aukera izango da. 2012an CD berria argitaratu zuten, Gara 2012, baina zuzeneko emanaldi gutxi egin dute. Sarrera doan (txapela pasako dugu). Parte hartzea libre. Laguntzailea: Elgetako Udala
Haatik: Hormek Diote On Stage
2018/03/16 21:30 — Andoain, Bastero Kulturgunea
Haatik Dantza Konpainia-k Dss2016eu egitarau barnean martxan jarritako Hormek Diote proiektu ikusgarria eskeiniko du Andoaingo Bastero Kulturgunea. Emigrazioa, generoen arteko ezberdintasuna, gizartearen automatismoa... HORMEK ESANGO LUKETEENA AITZAKI HARTUTA, ELKARBIZITZAKO ZAILTASUN ETA ARAZOEZ HAUSNARTZEN DUEN DANTZA IKUSKIZUNA DA HORMEK DIOTE ON STAGE. Koreografia: Vitali Safronkine, Ai Do Project-Iker Arrue eta Aiert Beobide Egaña
Musika: Pascal Gaigne
Zuzendari eszenikoa: Olatz Beobide
Eszenografia: Edi Naudó
Argiztapena: Xabier Lozano Briones
Audiobisualak: Acronica Producciones
info+ http://www.haatik.com/
Baserritar jantziak atontzeko hitzaldia
2018/11/27 17:00 — Urnieta, Magale Ikastetxea (San Juan kalea 1)
Ane Albisuk eskainiko du hitzaldia. Tradiziozko euskal jantzietan aditua, Ikerfolk-eko partaidea eta Atondu liburuaren egilea da. Bi atal ditu hitzaldiak, teorikoa eta praktikoa. Teorikoan gure jaietan janzten ditugun janzki eta jantzien izaera ezagutu eta iturburuari buruzko ezaguera sakona jasokodute bertaratzen direnek. Praktikoan euskal jantziak janzteko era erakutsiz eta norberaren jantzia birmoldatzeko proposamenak egiteko aukera egongo da. Norberaren jantziak eraman daitezke. Ordu eta erdiko iraupena izango du hitzaldiak. Urnietako Magale Ikastetxean ospatuko da, azaroaren 27an 17:00etan. Urnietako Aurrera Gure Ametsa dantza elkarteak eta Magale ikastetxeak antolatua.Zer eta nola jantzi hurrengo Olentzerotan?
Aiko taldea
2008/06/28 19:30 — Ordizia
Aiko Taldearen Dantzaldia. Euskal Herrian azken mendeetan egin diren dantzak ikasteko eta praktikan jartzeko aukera
IX. Usurbilgo dantza eguna: 'Zorotan bele' herri ikuskizuna
2021/04/24 19:30 — Oiardo kiroldegia
Orbeldi dantza taldearen urteko zita garrantzitsuenetakoa da dantza eguna borobiltzeko sortzen duen ikuskizuna. Herriko musikarien laguntzaz eta Sorotan Bele talde ezagunaren musika oinarritzat hartuta, taldean sortutako dantza koreografiez gozatzeko aukera emango zaio kiroldegira gerturatzen denari. Sarrerak usurbilkultura.eus plataforman eskuratu daitezke.
Arineketan BEASAINen
2021/04/25 19:00 — Usurbe antzokia
Haatik dantza konpainiak eta Arineketan taldeak elkarlanean sorturiko ikuskizuna, Ainara Ortega abeslaria, Xabier Zeberio biolinjolea, Agate Amilibia txelista, Iñar Sastre pianojolea eta Jagoba Astiazaran txistularia musikarien eskutik.
Erakusketa: Lore Gazteak 50 urte
2014/12/01 17:30 — Arrasate, Kulturate
Lore Gazteak dantza taldeak 50. urteurrena ospatzeko, argazki eta erropa erakusketa antolatu du. Abenduaren 1ean zabalduko da dantza taldearen ibilbidea bilduko duen erakusketa. Ordutegia : Astelehenetik larunbarera 17:30-20:30
Aiko dantzaldia Plateruenan
2014/03/30 18:00 — Plateruena Durangoko Kafe Antzokia
Dantzaldi Ibiltariaren barruan, Aiko Taldeak hilabetero egiten duen erromeria.
Iruñerriko III. Euskal Jaia
2014/05/17 00:00 — Iruñeko Alde Zaharra
Egitaraua: 10:00etan herri gosariak Estafeta eta Jarauta karriketan. 11:00etan La Unica taldeko dantzari tikien emanaldia Santa Ana plazan. 11:30ean kalejirak Alde Zaharreko karriketan barna: dantzariak, joaldunak, erraldoiak, trikitilariak, txarangak, fanfarreak… 13:00etan ekitaldi nagusia Udaletxeko plazan. 13:30ean Larraindantza eta erraldoien topaketa Gazteluko plazan. 15:00etan herri bazkaria Arrano elkartean. Bazkalondoan Ostatu ibiltaria taldea. 17:00etan Ederlezi pastorala Burgoen plazan. 18:00etan dantzaldia Nabarrerian: Karrikadantza eta Zwekere 19:00etan elektrotxaranga Alde Zaharreko karriketan barna (Kalekaldetik abiatuta). 19:00etan kontzertuak Jarana peñan: Revital eta Prest! 22:00etan luntxa Jarauta tabernan. 23:00etatik 2:30etara kontzertuak Jarauta tabernan: Goienetxe Anaiak, Skabidean eta Chotakabra
Arnegiko Dantza Eguna
2017/07/01 11:00 — Arnegi, Plaza
Aurten, Arnegiko dantzari eta dantzari ohiak bai eta herrian den euskal dantzaren ohidura ohoratuak izanen dira. Egun horren helburua goizeko 11tan eginen dugun kabalkadean herritar guzien biltzea da.
Baltseoan
2020/01/11 18:30 — Oiartzungo Pagoa Kafe Antzokian
BALTSEOAN... dantza lotua edo "agarrauan" dantzan egiteko proposamena da; modu xumean dantzan egiteko gonbidapena da BALTSEOAN, oinarri-oinarrizko urratsetatik abiatuta, erritmo bakoitzak berea duen esentzia galdu gabe.
Jantzari (Bakio)
2021/07/29 19:00 — Bakioko Kiroldegia
Itxas Alde Dantza Taldeak antolatutako Bakioko Folklore Jaialdiko egitarauaren barruan kokatutako ekimena. 2018ko San Migel jaietan dantzaren tradizioa inoiz baino biziago dagoela erakutsi zuten neska eta mutilez osatutako talde bat lehenengoz plazara irtenda. Talde hori izango da dokumentalaren protagonista: Iurretako dantza talde nagusia osatzen duten zortzi neska-mutilak. Bost urtean behin herriko dantza talde denak Urrixena jaialdian batzen dira Iurretan. Ospakizun horretan lehenengoz parte hartuko dute debutatu berriek (talde parekideak) beste belaunaldi batzuetako dantzariekin batera. Entseguak, egun horretako prestaketak, eta plazan bizi duten emozioa izango da dokumentalaren haria. Tarteka, Iurretako behinolako dantzarien testigantzak, ikerlarien iritziak eta beste hainbat lekukotza jasoko dira.
Euskal Jaiak Durangon
2022/06/04 18:30 — Durango - Andra Mariako Elizpean
Datorren larunbatean, ekainak 4, Durangoko Euskal Jaietan dantzatzeko aukera izango dugu Kriskitin dantza taldearekin batera. Animatu!
Iruña Taldea
2015/06/22 17:00 — Itzaltzu
Iruña Taldeak dantza eta musika emanaldia eskainiko du Itzaltzuko bestetan arratsaldeko bostetan.
Tio Teronen Semeak: Festamentua
2018/05/19 20:00 — Leioa
Zoritxarreko egoera batean elkartzea egokitu zaio gure lagun koadrila xelebreari; hileta batean, hain zuzen ere. “Festamentua”
Bertan, pasartea ulertu nahian ibiliko dira batera eta bestera, gertatutakoa iraultzeko esperantzan.
Umore, dantza eta doinu ezagunez jositako ikuskizun original bezain berritzailea.Estreinaldia
Ertza: Hariak
2017/02/04 20:00 — Lasarte, Manuel Lekuona Kultur Etxea
Hariak, istant batean bizitza osoa sostengatzen zioten hariak hautsi, eta hutsetik hasi beharrean aurkitu den jendearen esperientziez osatutako antzezlan diziplina anitza izango da. Harkaitz Cano idazleak aukeratu, jaso eta moldatutako benetako jendearen benetako istorioak. Gizaki itxurako txotxongiloek eta txotxongilo itxurako dantzariek lehen pertsonan kontatuak Iñar Sastreren musikaz lagundurik. Obraren sorkuntza prozesua 2016an zehar egingo da.
Aiko: Dantzazale eguna
2014/06/14 13:00 — DurangoUsurbilgo V. Dantzari Topaketa
2022/04/30 00:00 — Usurbil
Usurbilgo Orbeldi Dantza Taldeak bere V. Dantzari Topaketa antolatu du. Herriko taldeak gain, Arantzarte (Igorre), Aurtzaka (Beasain) eta Ostadar (Iruñea) dantza taldeak hurbilduko dira bertara. 16:00etan, dantza taldeei harrera. 17:00etan, kalejira udaletxetik abiatuta. 19:30tan, emanaldia frontoian. 23:30tan, erromeria Alaiki taldearekin frontoian.
Erandio 1100 urte
2023/10/07 19:00 — Erandio, Euskadi plaza
Goi-Alde dantza taldeak Erandioko historia aurkeztuko du urriaren 7an Erandioko Euskadi plazan 19:00etan. Erandio 1100. urte inguruan sortu zen Andra Mari elizaren inguruan. Ikuskizunean, dantzak, musikak eta herriaren historia Erdi Arotik gaur egun arte narratzaile bat izango da historiaren gidaria. Honako hauek ikusi ahal izango ditugu: bandoen arteko guda, Erandioko hazkundea, Amerikara migrazioa, aurreskuak, eta bukatzeko, Gorpuzti jaiak.
Umeen soka-dantza
2014/06/03 12:00 — Beasain. San Martin plazaAurrera Gure Ametsa: XX.urteurrena
2019/10/06 10:30 — Urnieta, San Juan plazan
EGUN OSOKO EGITARAUA DANTZAZALE GUZTIENTZAT URRIAK 6, Igandea 10:00 Dantza-talde eta dantzarien elkarketa San Juan plazan. 10:30 Kalejira Urnietako kaleetan zehar. 12:00 Ingurutxoeta beste plaza dantza bateratuak San Juan plazan. *Entseguak ostegunetan. 14:30 Bazkari herrikoia dantzari eta dantzazaleentzat (Paella, edaria, postrea eta kafea, 10€). *Izen-ematea aurretik. 17:00 Herri-kirolak. 18:00 Sagardo dastaketa eta txekor jatea solidarioa 19:00 XABI SOLANO MAIZAren kontzertua, plazan. Ingurutxoko entseguetako informazio gehiago edota Paella jatean izen emateko: 674 252 581 edo agaurnieta@gmail.com
Erromeria Zerainen San Ixidro arratsean
2016/05/15 17:00 — Zerain, Urubiko bilera lekua
Maiatzaren 15ean, San Ixidro egunean, arratsaldeko 5etatik aurrera, erromeria egingo da Zeraingo Barbari auzoan, Urubiko txabola ondoan (Barbari auzoa Zeraindik Zegamarako bidean dago). Soinu-joleak, txistulariak eta arrabitariak ez ezik, toka-jokoa eta herri-kirolak ere izango dira bertan. Eta nola ez, nahikoa jan-edan! Dantza pixkat egin, kontu batzuk esan eta arratsalde eder bat igaro nahi duenarentzat aukera paregabea da. Eta, gainera, paraje berdingabean!
BALTSEOAN
2020/02/08 18:30 — Oiartzungo Pagoa Kafe Antzokian
Azken saioan, norbaitekin dantzan egiteko gogoz gelditu al zinen? Gustura egingo zenukela bikote-aldaketa? Bada, datorren larunbatean, hilak 8, elkarrekin Baltseoan egiteko aukera izango dugu berriz Pagoa Kafe Antzokian. Dantza-laguna hartuta, erritmo bakoitzak oinarrian duena dantzatzen ahaleginduko gara elkarrekin.BALTSEOAN
Herrixa Dantzan zuzenean
2014/05/04 18:00 — Eskoriatza, plazan.
Atxorrotz Eguneko egitarauaren barne, dantzaldi herrikoia plazan Jainaga eta Narbaiza bikotearen musikaz eta Patxi Monterok gidatuta: sokan, bikotean, korruan, taldeka, lotuta, soltean... apur bat denetik proposatuko dugu, maila errazean, musika eta dantza tradizionala oinarri hartuta. Antolatzailea: Eskoriatzako Udala.
Erdizka Lauetan
2014/05/17 20:00 — Bilbao, Rekalde Auzoko Plazan
Dantza errazak ikasi eta dantzatzeko aukera
Eraiki: Trastakeritan
2014/05/10 19:00 — Irun, Amaia
Urtero moduan, Zuberoako herri batek du Maskarada antolatzeko ardura. Aurten Zalgize eta Iruriko gazteei suertatu zaie berau antolatzea. Historiak, Pitxu adarjotzaile nekagabeak bi txorrotxei egindako txantxa kontatzen du. Maskarada dantzatuko den herrira joan nahiean, txorrotxak Pitxuren tranpan erori, eta Euskal Herriko probintzia ezberdinetan zehar eramango dien bidai bati ekiten diote, bidean gure herriko tradizio dantzatuarekin parez pare topo eginaz. Noiz konturatuko dira gure lagunak bide okerrean doazela?
Ttipika Dantzaldia
2018/04/21 18:00 — Usurbil
Animatu Ttipika Dantza Gidatuak taldearekin dantzara Usurbilgo Dantza Egunean. Herriko plazan egongo gara zure zai! Dantzatzen duen herria ez da inoiz hilko!
Victor Ullate Balleta: probak
2019/02/04 10:00 — Madril, Teatros del Canal
Victor Ullate Balleta - Madril Zuzendari artistikoa: Lucia Lakarra Victor Ullate Balleta dantzari eta dantzari solisten bila dago. 2019-2020 Denboraldirako eta baita ere produkzio berezi baterako, 2019ko ekainetik abuztura arte. 21 urte edo gehiago eta gizonentzako gutxienez 1'75 Bidali CV, bideoa eta argazkiak helbide honetara; produccion@victorullateballet.com urtarrilaren 25a baino lehen. Beharrezkoa da audizioan parte hartzeko baimena edukitzea. 2019ko otsailaren 4a Calle Cea Bermúdez, 1. 28003 Madrid
Dantza jauziak
2018/05/13 12:00 — Azpeitia, Herriko plaza
Duela 4 urte ekin genion Dantza Jauzien proiektuari, Itsasi Kultur Taldeak, Sahatsa Dantza Taldeak, Ikasberriko Dantza Eskolak, Azpeitiko Kultur Mahaiak eta Sanagustin kulturguneak elkarlanean. Hileko bigarren igandean egiten ditugu. Azken hamarkadetan Ipar Euskal Herrian tradizio handia izan duten dantza-jauziek berpizkundea bizi izan dute, eta hegoaldeko herri askotan tradizio hori ikasteko saioak egiteari ekin zaio, tartean, Azpeitian. Dantzak zabaldu eta herritarrengana gerturatzea da hain justu egitasmoaren helburua, ikusteko ez ezik, gerturatu eta egiteko saioak egiten baitira. Oro har, Alde Zaharrean egiten dira dantzak, Plazan Nagusian, Perez Arregi plazan edo Olazko Amaren Plazan (euria egiten duenetan Azpeitiko Sanagustin kulturgunean). Datorren igandean Plaza Nagusian egingo ditugu, eguraldiak laguntzen badu, eta bestela Sanagustin kulturgunean. Zatoz dantzara!
Euskal Herriko Joaldunen Jaia
2023/05/06 11:00 — Sopela
Elirale: Oa Huetak
2017/05/20 11:00 — Azkaineko herriko plaza
Chloé, Oihan eta Paxkalek Lodikroko liburu haundia Eliraleren selauruan aurkitu dute. Orriak itzuli eta...krokodilo, pinpilina, bizikleta, eta beste gauza frango agertzen zaizkie. Bizia eta poetikoa, ikuskizunaren hitzen erritmoa eta testuaren musikaltasunak gorputzak biziarazten ditu.
Euskal hizkuntzaren hitzek, interpreteen ahoetan, gorputz dantzarien ahalmenak idekitzen dituzte baita giro musikal harrigarri bezain ainitz bat sortuko.
Baztango dantzen emanaldi didaktikoa
2015/03/27 19:00 — Iruñea, Mendillorriko Cibivox
Oberena Dantza taldeak Baztango dantzen gaineko emanaldi didaktikoa aurkezten du, aukeztuko duten dantza bakoitzak bere azalpen txikia izanen du.
Lantzeko inauteria Pasai Antxon
2014/02/28 18:00 — Pasai Antxo
Antxo Lantzeko inauterian murgilduko dute ostiral honetan, otsailaren 28an. Antxotarrak bertan parte hartzera animatu nahi dituzte, txatxoz jantzi eta Ziripotekin batera herriari buelta ematera. Miel Otxin harrapatzen saiatuko dira eta ondoren zortzikoa dantzatuko dute Zumardian.
Muxikoak
2014/03/09 12:00 — Hondarribia, Damarri plazan
Ohiko saioekin jarraiki, martxoaren 9an, hilabeteko bigarren igandearekin, Hondarribiko Damarri plazan, muxikoak eta beste euskal dantzekin gozatzeko tenorea izanen dugu eguerdiko 12:00etatik 13:15etara. Ez da dantzari trebea izan behar saioan parte hartzeko. Antolatzailea: Zumardikoak Elkartea
Soka Dantza Grosen
2014/06/23 21:00 — Sagues
ESKOLA Dantza Taldeak Soka Dantza eskeiniko du Saguesen 21:00tan.
Usurbilgo V. Dantza Eguna
2017/04/08 11:00 — Usurbil
Usurbilgo V. Dantza Egunean hainbat ekitaldia izango dira Usurbilen zehar Orbeldi dantza taldeak Usurbilgo Udala eta Hurbilago merkatal elkatearekin elkarlanean antolatuta. 12:00etan, Usurbilgo Orbeldi Dantza Taldea, Lasarte-Oriako Erketz dantza taldea, Derioko Lainomendi dantza taldea eta Iruñeako Ortzadar dantza taldea kalejiran ibiliko dira herriko kaleetan zehar euren dantza ezberdinak eskaintzen. 13:30tan, frontoian ekitaldi nagusia eskainiko dute dantza taldeek. 18:00etan, dantzaldi gidatua izango da Ttipika taldearen eskutik. 22:30tan, Orbeldi dantza taldeak, herriko musikari eta antzezleekin elkarlanean sortutako "Indiana Jones eta Kaliz Sakratua" ikuskizuna ikusgai izango da.
Aretxabaletako Haur Dantzarien Eguna
2016/05/29 10:00 — Aretxabaleta
10:30etan Plazan talde danak elkartuko gara hamarretakoa egiteko 10:45etan Txistularien kalejira. 11:30etan Dantza erakustaldiari hasiera emango diogu. 13:15etan Plazaruntz abiatuko gara 13:30etan Talde guztiak elkartu eta haurren banaketa bazkaltzeko 16:45etan Plazan elkartuko gara. 17:00etan Arratsaldeko saioa hasiko dugu. Alardeko programa honako hau izango da: Agurra
Paloteado (Villabuena)
Eltziegoko arbola
Fandango eta arin-arin
Jorrai dantza
Makil txikiakikoa
Zapatain Brokel dantza
Kaxkarrotz
Orbaizeta
Zazpi jauzi
Txulalai
Km ZERO
2024/06/27 19:30 — Euskal Pizkundea Etorbidea (Mungia)
Mungiako Santos Intxausti Udal Musika eta Dantza Eskolak ikuskizun txiki bat proposatzen deusku Baserritarren omenez eraikitako Estatuaren L. urteurrena ospatzeko. Sinopsia: “Hegaztien txio-doinuak entzuten dira Km ZERO inguruan, bizitza askotarako erreferentzia eta abiapuntu-gunean” Interpreteak: Alaitz Uriarte, Amaia Rosaenz, Ane Da Silva, Ane Rekalde, Araitz Bengoetxea, Arantzazu Bilbao, Asier Muruaga, Bittor Muniozguren, Eider Larrabeiti, Elene Linares, Enaitz Linero, Garazi Pérez, Goizalde Cheliz, Haizea Barcina, Haizene Díaz, Haizene Ortega, Irune Barturen, Izaro Castillo, Izaro Polo, Izaro Uriarte, Joane Orbe, Maider Pildain, Maite Rosaenz, Maren Irazola, Nahia Ormaza, Uxue Varela. Musika: Juan Mari Beltrán Koreografia: Nagore de las Cuevas Alonso / Arkaitz Pascuas Iraupena: 35 min Soinuztapena: Jira Musikaz Koordinazio Administratiboa: Izusko Izagirre / Izaskun Legarreta Irudiak eta Bideoa: Mungiako Santos Intxausti Udal Musika eta Dantza Eskola
Urruña Gaua
2017/08/26 21:30 — Urruña
Mitologiari buruzko desfilea, dantzak eta kantuak. Urruñako 120 herritarrek emanik.
Iruña Taldea Amaya Kirol Hiriko bazkidearen egunean
2015/08/08 17:00 — Amaya Kirol Hiria
Iruña Taldeak dantza eta musika emanaldia eskainiko du larunbat honetan 17:00etan Amaya Kirol Hiriko bazkidearen egunean.
Haatik: Ilargiaren Malkoa
2014/06/06 20:30 — Tolosa - Leidor Antzokia
Hiru sorkuntza-lan aurkeztuko ditu Haatik Dantza Konpainiak Ilargiaren Malkoa izeneko lanean. Batek euskal dantza eta musika ditu oinarri: Aiert Beobideren Ilargiaren Sukar Galdua. Bigarrenak ikus-entzunezkoen munduan murgilduko gaitu eta, mugimendu sozial eraginkor batek bultzaturik, arte-lan alternatibo bat sortu du konpainiak: bideo-dantza bat, alegia. Hirugarrenak, dantza estilo zeharo ezberdinarekin, Bejart Ballet konpainiako Vitali Safronkine dantzari eta koreografoak Haatik Dantza Konpainiarentzat propio sortu duen Malko Isuria koreografia. HIRU BIDEEK SORKUNTZA-LAN BAKARRERA ERAMANGO GAITUZTE, ILARGIAREN MALKORA. Informazio gehiago www.haatik.com webgunean.
Oinkari Dantza Eskola: Sagarrondotik
2015/07/11 22:30 — Amasa-Villabona, Olaederra Kiroldegia
Oinkari dantza eskolak, Sagarrondotik ikuskizun berria aurkeztuko du.
Santibate
2015/01/24 16:30 — Donapaleu
Urtarrilaren 24a honetan, Santibate ospatuko da Donapaleuko karrika eta ostatuetan. Zirtzilez maskatu Amikuztar gazteek, kantu, bertsu, oihu, jauzi eta eskea eginen dituzte azken urteetan bezala. Hitzordua 4ak 30etan dute merkatu estaliaren aitzinean.
Erromeria
2014/04/05 19:00 — Hernani, Plaza Berri
Hernanin, XIX. Dantzari Festa ospatzen dela eta aste beteko egitarau bete-betea prestatu dute eta aste honi hasiera emateko erromeria Alaken taldearekin.
IX. Usurbilgo dantza eguna: Tranpaldo irekia
2021/04/24 16:30 — Artzabalgo frontoian
Garai aldrebes hauetan jendeari dantzatzeko aukera emateko, Orbeldi dantza taldeak Tranpaldo irekia ekitaldia hartu du. Parte-hartu nahi dutenentzat: Ekitaldia ikusteko, usurbilkultura.eus plataforman eskuratu daitezke sarrerak.
Haatik: Lan Prozesua
2018/03/10 12:00 — Pasaia, Ciriza etxea
Haatik dantza konpainiak, udaberrian estreinatuko duen LAU EME pieza berriaren sorkuntza dela eta, honen prozesua konpartitzeko proposamen artistiko bat prestatu du emakumearen egunaren inguruan antolatuko diren ekintzen barnean. Trintxerpeko Ciriza etxean izango da Martxoak 10 larunbata eguerdiko 12:00etan. Virginia Gil Couso argazkilariaren BAKARDADEAK argazki erakusketaren inaugurazioarekin kointzidituz. EMAKUMEAK ETA SORKUNTZA Haatikeko lau neska, emakumeak historian zehar izan duen ahalduntzeari buruz hausnartuko duen pieza batean ari dira lanean. Sorkuntza honen xehetasunak azaldu eta herritarrekin konpartitzeko asmoz, lan prozesua dagoen bezela erakutsiko dute lehenik eta ondoren, Virginia Gil argazkilariarekin batera LAU EME pieza eta BAKARDADEAK obrak egitearen motibazioeri buruz eta sorkuntza hauek eraman duten bidea eta metodologia azalduko diete ikusleeri. Azkenik, bai ikusle eta baita parte hartu duten artistek jasotako sentsazioen elkartrukea emango duen solasaldirako tartea egongo da. Lanaren aurrerapen bideoa: LAU EME_ from Haatik Dantza Konpainia on Vimeo.
Aiko erromeria EHUko paraninfoan. Bilbon
2014/05/16 19:00 — Bizkaia Aretoa, BilboOlarri: L-UR
2022/10/08 20:00 — Oiartzun, Elosoro
Oiartzungo Olarri dantza taldeak L-UR ikuskizuna estreinatuko du Oiartzungo Elorsoro kiroldegian. Urriaren 8an 20:00tan. Oiartzungo Olarri dantza taldearen azken urteko proiektu nagusiena da hau. LUR eta UR hitzekin jolasten duena. Lehen gizakien garai nomadatik, baserriko babesera. Baserriko lanetatik, herriko plazako erromerira. Erromeriko goxotasunetik, itsasoaren bakardadera.
Folklore Jaialdiaren aurkezpena. Bakio
2021/07/28 19:00 — Udaletxeko plaza. Eskolako aterpea
Bakioko Folklore Jaialdiaren aurkezpena: - Patxi Labordaren hitzaldia: "Dantza sorkuntzak herrietan" - Itxas Alde Dantza Taldea: "Bakiotarrak" dantza jauziaren aurkezpena eta dantzatzea.
Lesakan muxikoak
2021/05/29 18:00 — Lesakako Plaza Zaharra
Jauzi edo Muxiko dantzak izango dira Jeiki Hadi musika taldearekin. Dantzatzeko izena eman behar da 27a baino lehenago.
Euskal Dantzatik Feminismora Lantegia
2022/02/18 12:20 — Gasteiz
🔖💃🏽EUSKAL DANTZATIK FEMINISMORA LANTEGIA🕺🏼🔖 Hirugarren urtez, euskal folklorearen eta feminismoaren arteko korapiloak askatzeko aukera izango dugu MARTXOAK 12-19-26, larunbatak 10:00-14:00 ( tailer mistoa) Gasteizko Jabetze Feministarako Eskolan. Dantzatuz, hausnarketa kolektiboak eginez eta ariketa praktikoen bidez mugimenduak eta generoak dituen talkak ulertzen hasiko gara, bazatoz? Izen ematea eta info: https://labur.eus/3SN17 Tailerraren info gehiago: https://labur.eus/U1n5r
Helduen soka-dantza
2014/06/03 19:00 — Beasain. San Martin plazaAlkartasuna: Olato berde eta mendi urdinen artien
2019/07/13 22:00 — Bermeo, Artza Frontoia
Bermeoko Alkartasuna Dantza Taldeak, urtero legez, ekitaldia eskainiko du uztailaren 13an Artza Frontoian (22:00). Aurten Bermeoko Abesbatza eta Ttakuntxo-ko txalapartariak izango dituzte lagun. Olato berde eta mendi urdinen artien ikuskizunaren bidez bermeotarrek itsasoarekin izandako harremana omenduko da, hari lotutako istorio baten kontakizunaren bitartez. Dantza eta doinu tradizional eta berriak izango dira ikusgai eta entzungai: Luzaideko dantzak, 100 Alargunen Dantza, Mikel Laboa, Txatxamatxalinatxu... Sarrera doan. Anime, eta erdu! Promoziorako bideoa gure Facebookean ikusgai (Alkartasuna Dantza Taldea).
San Tomas eguneko baserritar-jantzien I. lehiaketa
2017/12/21 12:00 — Gipuzkoa plaza, Donostia
Haurren kategoria: 12:00-12:30 Parte-hartzaileen kopurua: 60 kategoria bakoitzeko (120 guztira). Oinarriak: http://ow.ly/advW30haZuS Izena emateko inprimakia: http://ow.ly/YT5130haZKw (Dokumentua deskargatu, inprimatu, bete eta info@geroaxular.com helbidera bidali) Informazio gehiago nahi izanez gero, bisitatu gure webgunea: www.geroaxular.eus. Eta, ezer ez ez galtzeko, garrai gaitzazu gure sareetan!
Helduen kategoria: 12:45-13:15
Sari-banaketa: 13:45
Elirale: Xihiko
2017/05/26 18:00 — Errenteria - Niessen
Elirale konpainiak Xihiko ikuskizuna eskainiako du. Koregrafiak jauzien sistemaren baitan ibiltzeko manera ugaria deklinatzen du, hau itzal lan batez azpimarratua denean. Arkaitz Miner biolin jolea eta Jokin Irungarai perkusio joleak hiru dantzari interpreteak lagunduko dituzte, azken hauek haien ahotsaz kantatu eta instrumentoak joko dituztelarik.
Amurrioko jaietako dantzaldia
2014/08/15 19:30 — Amurrioko plaza
Urtero bezala Andra Mari egunean, 100 dantzari inguruz osatutako dantzaldia eskaintzen du Aiara Dantza Taldeak Amurrioko plazan.
Dokumentuaren akzioak