Dokumentuaren akzioak
Albisteak
Nafarroako Dantzari Eguna Irurtzunen
Larunbatean, apirilaren 21ean, ospatuko da Irurtzunen Nafarroako Dantzari Eguna. Ekitaldi nagusia Irurtzunen izango da, baina taldeen emanaldiak Sakanako hainbat herritara iritsiko dira.
Donostia dantzan erromeria
Datorren apirilaren 21ean, larunbatean, Donostia dantzan erromeria ospatuko da Donostiako Konstituzio plazan. Bagera euskara elkarteak eta Donostiako Udalaren Txistulari bandak antolatzen du ekitaldi hau.
Bizkaiko Dantzari Eguna 2007 Bilbon
Datorren maiatzaren 6an ospatuko da Bilboko Zorrozaurre auzoan Bizkaiko Dantzari Eguna. Goizean dantza emanaldia eta arratsaldean erromeria dira Bizkaiko Dantzari Egunaren osagai nagusiak. Horrekin batera puzgarriak, txozna eta artisau azoka izango dira bertan.
Lituania, Txina eta Filipinetan arituko da Ertza
Asier Zabaletak gidatzen duen Ertza konpainiak hainbat emanaldi ditu aurreikusita. Bartzelona, Madril eta Gasteizen izango da, eta baita Lituania, Txina eta Filipinetan ere. EGO-tik eta LOOK ikusgarriak aurkeztuko ditu Ezkio-ko koreografoaren konpainiak.
Igor Yebra eta Alicia Amatriain, bi euskaldun protagonista "Zisneen lakuan"
Mª Carmen Fernandez buru duen ABBE (Asociación Bilbao Ballet Elkartea) elkarteak Lituaniako Balet Nazionalak eskainiko duen "Zisneen lakua" ikuskizuna antolatu du. Emanaldi horretan paper garrantzitsuenak Bordeleko Operako Baleteko dantzari izarra den Igor Yebrak eta Stuttgart-eko Baleteko dantzari printzipala den Alicia Amatriain-eko jokatuko dituzte. Dantzari donostiarrak Odette/Odile paper bikoitza beteko du, eta dantzari bilbotarrak Siegfried printzearen rola jokatuko du.
Folk Lore 2007
Martxoaren 24an izango da 2007ko Folk Lore eguna. Goizetik arratsera Iruñeko Alde Zaharrean egongo gara hainbat dantza talde, musikari, lagun, elkarte eta artistak. Beti bezala, giro onena lortzea izango dugu helburu, partehartzaileak eta ikusleak gustura egoteko.
Dantza'07, dantza garaikidearen 3. zirkuitoa
Otsailaren 14an jarri zen martxan Dantza Garaikidearen Zirkuitoaren IIl edizioa eta emanaldiak maiatzaren 3arte luzatuko dira. Barakaldo, Elorrio, Leioa, Gasteiz, Donostia eta Lasarten ikusi ahal izango dira Zirkuitoaren emanaldiak.
Bizkaiko eta Nafarroako Dantzari Egunak
Bilbon ospatuko da 2007ko Bizkaiko Dantzari Eguna. Maiatzaren 6an izango da Bizkaiko dantzari taldeek urtero ospatu ohi duten ekitaldian. Nafarroako Dantzari Eguna berriz apirilaren 21ean ospatuko da, eta Sakanan eta Irurtzun-en izango dira ekitaldiak.
Escena Jaialdia abian da Nafarroan
Dantza klasikoa, flamenkoa, garaikidea... Y por qué no? Danza, Ertza Dantza, Nova Galega de Danza, Marcos Vargas, Chloe Brulé eta Danzas del Mundo taldeko dantzariak moduko konpainien ikuskizunak Nafarroako hainbat herritaran ikusi ahal izango dira. Martxoa, dantzaren hilabetea da Nafarroan.
Ballet Biarritz junior Cannes-eko Gazte Konpainien Nazioarteko Topaketan
2004ko lehenengo Topaketan lortutako arrakastaren ondoren, Monique LOUDIERESek (Pariseko Operako Balleteko izarrak) zuzendutako Rosella Hightower Canneseko Goi Mailako Dantza Eskolak, Canneseko Udalaren lankidetzaz, jaialdia berritu egin du, eta nola Toscanako Ballet Junior hala Ballet Biarritz Junior gonbidatu dituzte.
Dokumentuaren akzioak
